Læknablaðið - 15.12.2007, Blaðsíða 61

UMRÆÐUR OG FRÉTTIR
Á LÆKNADÖGUM
Málþing um hjartaendurhæfingu
Magnús R.
Jónasson
magnusrj@mmedia. is
læknir
Reykjalundi
Eftir hádegi mánudaginn 21. janúar 2008 verður
haldið á Læknadögum Læknafélags íslands mál-
þing um endurhæfingu hjartasjúklinga. Tekist
hefur að fá hingað til lands fjóra af þekktustu
vísindamönnum á sviði hjartaendurhæfingar í
Evrópu til að fjalla um efnið frá ýmsum sjón-
arhornum. Verður hér í stuttu máli gerð grein fyrir
þeim og eru áhugasamir hvattir til að koma og
hlusta og skiptast á skoðunum við þá í pallborði í
lok málþingsins.
Dr. Hugo Saner er fyrstur á mælendaskránni.
Hann er prófessor í hjartasjúkdómafræði við
háskólann í Bern í Sviss og er yfirmaður hjarta-
endurhæfingarinnar við háskólasjúkrahúsið þar.
Hann er mikill áhugamaður um forvarnir gegn
hjartasjúkdómum og endurhæfingu hjartasjúk-
linga og er nú einn af ritstjórum European Journal
of Cardiovascular Prevention and Rehabilitation.
Hann nefnir sinn fyrirlestur „The impact of cardiac
rehabilitation on morbidity and mortality in CAD
patients: What evidence do we have?"
Hannah McGee er prófessor í sálfræði í Dublin
á írlandi. Árum saman hefur hún haft mikinn
áhuga á mati á lífsgæðum hjartasjúklinga og vitna
rannsóknir hennar og skrif um það. Hún vinnur
nú ásamt öðrum að gerð evrópsks mælitækis
til að meta lífsgæði hjartasjúklinga (HeartQoL),
sem lengi hefur vantað við rannsóknarvinnu.
Efni hennar á málþinginu verður: „Quality of life
assessment in cardiac populations".
Dr. Stephan Gielen er dósent við háskólann í
Leipzig og yfirlæknir í hjartasjúkdómafræði við
Herzzentrum í Leipzig. Hann hefur verið þátt-
takandi í öflugri rannsóknarstarfsemi í Leipzig
og hann hefur meðal annars stundað rannsóknir
á áhrifum þjálfunar á hjartabilaða. Hans erindi
heitir: „Resistance exercise in patients with chronic
heart failure - is exercise the key to prevention and
treatment?"
Síðastur á mælendaskránni er dr. Rainer Ham-
brecht. Hann er prófessor í hjartasjúkdómafræð-
um við háskólann í Leipzig og leiðir þar öfluga
rannsóknarstarfsemi. Hann er sérstaklega þekktur
fyrir rannsóknir sínar og skrif um áhrif þjálfunar á
æðaþel kransæða hjá sjúklingum með kransæða-
sjúkdóma og hjartabilun. Hans framlag á þessu
málþingi heitir „Exercise training and endothelial
dysfunction in coronary heart disease and chronic
heart failure. From molecular biology to clinical
benefits".
Allt eru þetta áhugaverð efni flutt af þeim sem
fremst standa í rannsóknum og skrifum um þessi
málefni í Evrópu. Eftir erindin verða pallborðs-
umræður með fyrirlesurum og fundarstjóri verður
dr. Guðmundur Þorgeirsson, sviðstjóri lækninga á
lyflæknissviði 1 á Landspítala.
LÆKNAblaðið 2007/93 873