Læknablaðið - 15.06.2013, Qupperneq 26

UMFJÖLLUN O G GREINAR
Herbergi Jónasar Kristjáns-
sonar er varðveitt óbreytt
og er merkileg héímild um
lifhans og hugsjónir.
borholunum okkar, lífræna ræktunin og
gott utanumhald um reksturinn af hálfu
stjórnenda, gerir okkur hreinlega kleift
að halda verðlagi á dvölinni hérna innan
sanngjarnra marka."
„Það er eitt af framtíðarmarkmiðum
okkar að verða sjálfbær um rafmagn og
gufuaflið í borholunum okkar gefur fyrir-
heit um það," segir Haraldur.
Ingi Þór bætir því við að öll ræktun á
vegum stofnunarinnar hafi fengið lífrænt
ræktunarvottorð frá Vottunarstofunni
Túni.
Samningur viö ríkið
um endurhæfingu
Rekstur Heilsustofnunar byggir á samn-
ingi við Sjúkratryggingar íslands fyrir
hönd íslenska ríkisins. „Þetta er ágætur
samningur fyrir báða aðila þó eflaust gæti
hann verið enn betri/' segir Ingi Þór. Har-
aldur tekur undir þetta með þeim orðum
að fyrir ríkið sem sífellt horfi í aurinn sé
þetta ódýrasta endurhæfing sem í boði er
og fyrir nokkrum árum hafi Sjúkratrygg-
ingar íslands mælt með því að ríkið keypti
fleiri rými. „Það hefur ekki orðið af því
ennþá en samningurinn er góður svo
langt sem hann nær."
Þeir segja reyndar að kröfur ríkisins
um inntak endurhæfingarinnar hafi að
nokkru leyti breytt áherslum stofnunar-
innar. „Við höfum þurft að sveigja okkur
að kröfum ríkisins og draga úr þeim þátt-
um sem ríkið hefur minni áhuga á. Þrátt
fyrir þetta hefur okkur tekist ágætlega að
halda sérstöðu meðferðarinnar og hafa
í heiðri þau grunngildi sem stofnendur
Heilsustofnunarinnar lögðu upp með.
Þetta er í sjálfu sér ekki slæm þróun, stofn-
unin hefur eflst faglega samhliða því sem
grunngildin eru sífellt að fá meiri vísinda-
lega staðfestingu á gildi sínu."
A Heilsustofnun eru rými fyrir um 150
dvalargesti og meðaltalið á hverjum tíma
er 120-130 manns en það segir reyndar
ekki alla söguna. „Það má orða þetta
þannig að á hverju ári fari um 1800 ein-
staklingar í gegnum kerfið hjá okkur og
það er sá fjöldi sem fær læknisfræðilega
meðferð á stofnuninni. Meðallengd dvalar
er 27 dagar en sjúklingar geta dvalist hér
í sex vikur að hámarki. Allur þessi fjöldi
kemur hingað eftir tilvísun frá lækni og
298 LÆKNAblaðið 2013/99