Þjóðlíf - 01.03.1991, Qupperneq 8

INNLENT
Þjóðlífsmynd af stjórnmálamanni
,,SAMVISKA
SIJORNARINNAR"
Jóhanna Sigurðardóttir sögð „ráðherra kjörtímabilsins, ótrúleg
málafylgjumanneskja, þrjósk, talsmaður þeirra sem minna mega sín, alvöru
félagshyggjumaður, —ósamvinnuþýð, ósveigjanleg, traust, áreiðanleg“
ÓSKAR GUÐMUNDSSON
Jóhanna Sigurðardóttir félagsmálaráð-
herra er talin hafa unnið mikil verk á
umliðnum fjórum árum. Hún er sögð afar
traust og fylgin sér í þeim málum sem
heyra undir ráðuneyti hennar. En and-
stæðingar hennar segja hana einsýna og
ósveigjanlega um of. Þjóðlíf leitaði álits
nokkurra einstaklinga sem hafa haft sam-
skipti við Jóhönnu að undanförnu.
„Samskipti okkar Búsetamanna við Jó-
hönnu voru býsna söguleg; til að byrja
með í ráðherratíð hennar. Gekk á ýmsu í
þessum samskiptum og kom jafnvel til
árekstra, en þegar á leið og ákvörðun lá
fyrir, stefnan hafði verið tekin, þá stóð
ekkert fyrir henni. Áreiðanlega hefði eng-
inn reynst traustari og öruggari til að leiða
málið til lykta og fylgja því til sigurs“,
segir Reynir Ingibjartsson framkvæmda-
stjóri landssamtaka Búseta. Frumvarpið
um húsnæðissamvinnufélög varð að lög-
um undir lok þingsins eins og mörg önnur
frumvörp félagsmálaráðherra.
, Jóhanna Sigurðardóttir er traust, fylg-
in sér, og hefur afrekað meira en flestir
aðrir stjórnmálamenn fyrir láglaunafólk,
fólk í húsnæðisleit, fatlaða, gamalt fólk og
öryrkja. Hún er hamhleypa í verkum sín-
um fyrir þetta fólk og málefnin sem heyra
undir ráðuneyti hennar. Það er af þessari
ástæðu sem menn segja oft að hún sé sam-
viska ríkisstjórnarinnar“, segir Össur
Skarphéðinsson flokksbróðir hennar.
„Hún er ráðherra kjörtímabilsins, það
hefur enginn afrekað neitt í líkingu við
hana“, segir Kvennalistakona, og bætir
við að það sé engin tilviljun að það sé kona
sem er jafn málefnaleg og raun ber vitni.
Jóhanna er barnabarn Jóhönnu Egils-
dóttur formanns verkakvennafélags-
ins Framsóknar, og setti svip sinn á verka-
lýðsbaráttu í árdaga verkalýðshreyfingar
og fram yfir miðja öld. Margir telja að
félagslegur arfur þessarar fjölskyldu -jafn-
aðarstefnan — sé gildur þáttur í persónu-
leika og pólitík Jóhönnu Sigurðardóttur.
„Hún hefur undraverðan kraft, sem hún
sækir til arfsins frá ömmu sinni og verka-
lýðsbaráttunni, hún er hugsjónamaður
veruleikans í kvennabaráttu og það er í
eðli hennar að gæta hagsmuna þeirra sem
eiga undir högg að sækja.“ Sjálf starfaði
hún að verkalýðsmálum; var formaður
Flugfreyjufélagsins og stjórnarmaður í
VR áður en hún hóf afskipti af landsmál-
um með þingmennsku. Og margir lýsa
henni sem hugsjónamanni:
„Hún trúir á það sem hún er að gera,
hún er alvöru félagshyggjumanneskja með
rætur í verkalýðshreyfingunni en stendur
traustum fótum í samtíð sinni og horfir
með verkum sínum til framtíðar", segir
leiðtogi verkalýðssamtaka.
„Hún er heiðarleg, traust og ákveðin,
mikill vinnuþjarkur og fánaberi réttlætis-
ins“, segir Ólína Þorvarðardóttir borgar-
fulltrúi sem gekk tU liðs við Alþýðuflokk-
inn í fyrrasumar. Ólína segir hana ekki
sækjast eftir því að hreykja sér af verkum
sínum, heldur séu málefnin henni mikil-
vægust. Metnaður Jóhönnu standi til að
vinna málefnum og hugsjónum gagn en
ekki fyrir hana persónulega.
Sú málafylgja sem svo margir lofa hana
fyrir á sér aðra hlið: „Hún er þrjósk og
ósamvinnuþýð, en ótrúleg málafylgju-
manneskja", segir framsóknarþingmaður
sem telur hana einnig vera þreytandi. Og
andstæðingur hennar úr Sjálfstæðis-
flokknum tekur dýpra í árinni og kveður
hana ekki vera hæfa í ríkisstjórn vegna
þess hve stirfin hún geti verið. „Þetta er
engin venjuleg þrjóska, —hún sér ekkert í
pólitík nema sín eigin mál.“
Viðmælendur hafa orð á því að hún sé
vinnuþjarkur og sé að störfum nán-
ast allan sólarhringinn. En hvernig er að
vinna með Jóhönnu? „Það er hægt að lýsa
því með orðinu spennandi", segir Grétar
Guðmundsson aðstoðarmaður félags-
málaráðherra. Hann viðurkennir að
vinnuálagið sé töluvert með orðunum:
„Maður þarf ekki að kvarta undan verk-
efnaskorti“.
8 ÞJÓÐLÍF