Þjóðlíf - 01.03.1991, Blaðsíða 47
nýlegri úttekt minni er þessu þveröfugt
farið. íslenskir rétthafar (útgefendur)
myndbanda hafa dreift töluverðu af ástr-
ölskum kvikmyndum, þar á meðal mynd-
um sem teljast í þyngri kantinum (svoköll-
uðum menningarmyndum).
Að sögn Sigurjóns Sighvatssonar
kvikmyndagerðarmanns í Holly-
wood er helsti ókostur við að framleiða
kvikmyndir sem fara beint í leigu á mynd-
bandi, hvað þær fá litla umfjöllun og
kynningu í fjölmiðlum miðað við myndir
sem frumsýndar eru í kvikmyndahúsum.
Þetta á greinilega við um ástralskar kvik-
myndir. Margar góðar myndir hafa nánast
„læðst“ inn á okkur íslendinga. Kynning-
in er svo lítil að fólk veit ekki af ýmsum
úrvalsmyndum. Við skulum athuga hér
tvö eða þrjú efnissvið ástralskrar kvik-
myndagerðar og sjá hvað af þessum mynd-
um hefur verið dreift á Islandi.
Eitt af skemmtilegum afbrigðum ástr-
alskra mynda er hve kvikmynda-
gerðarmennirnir eru óhræddir að lýsa
stöðu konunnar í myndum sínum. Leik-
stjórinn Gillian Armstrong tók á þessu í
mynd sem vakti mikla athygli, Aíy Brilli-
ant Career. Sú mynd hefur ekki verið gef-
in út á Islandi en seinni mynd hennar
High Tide hefur hinsvegar verið dreift
hér. í kvikmyndinni Regnhlífarkonan
(nefnd The Good Wife við markaðssetn-
ingu utan Ástralíu), er lýst uppreisn eigin-
konu sem ekki er ánægð með hlutskipti
sitt. Þessi mynd vakti athygli víða um
heim og hefur verið dreift hér á landi.
Tvær nýlegar ástralskar spennumyndir
sýna konur í nokkuð óvenjulegum kvik-
myndahlutverkum. f myndinni She was
fairgame snýst kona til varnar af hörku er
á hana er ráðist af byssumönnum. I mynd-
inni Dúnalogn (Dead Cafrn) leikur Nicole
Kidman konu sem syrgir ungan son sinn.
Róleg seglskútuferð endar með glímu við
brjálaðan morðingja. Konan rífur sig upp
úr sorg og þunglyndi til að kljást við morð-
ingjann og bjarga eiginmanni sínum úr
nauðum.
Fyrir fólk sem vill fá hraðar spennu-
myndir en samt vandaða kvik-
myndagerð má benda á Grievous Bodily
Harm, aðeins um tveggja ára gamla mynd
sem hlaut góða dóma, en fáir vita af henni
á leigunum. Colin Friels leikur frétta-
mann sem einbeitir sér að morðmálum.
Rannsókn hans á einu slíku leiðir til þess
að hann fær fjöldamorðingja á hæla sér.
Sami leikari er í myndinni Ground Zera.
Hún byggir á sannsögulegum atburðum
og segir frá kjarnorkuslysi í Ástralíu sem
reynt var að hylma yfir þrátt fyrir um-
Sam Neil ogNicole Kidman íspennumyndinni„Dúnalogn“ (Dead Calm). Kvikmyndin varlofuð
af gagnrýnendum og vinsæl á íslenskum myndbandaleigum.
hverfisspjöll og að líf fólks væri í hættu. Þá
má nefna aðra nýlega mynd Slate, Wyn og
ég. Nokkuð dæmigerð spennu- og byssu-
mynd, en öll kvikmyndagerð mjög vönd-
uð, líkt og virðist aðalsmerki Ástralanna.
Myndin Stjörnuljósahótelið (The Star-
light Hotel) gerist rétt eftir fyrri heims-
styrjöldina. Ung stúlka strýkur frá fóstur-
foreldrum sínum. Á ferð sinni rekst hún á
fyrrum hermann sem ber sálrænan skaða
eftir stríðsátökin. Þetta er vönduð ungl-
ingamynd, laus við ofbeldi og morð.
essa dagana eru Steinar hf. að dreifa
tveimur áströlskum bíómyndum.
Celia fjallar um níu ára stúlku sem skyndi-
lega tileinkar sér ósiði úr heimi hinna full-
orðnu. Hin myndin er Boys in the Island
og fjallar um unglinga á áströlsku eyjunni
Tasmaníu.
Áströlsk kvikmyndagerð hefur átt við
storma að stríða undanfarin ár. Komið
hafa fram stórmyndir sem hafa farið sigur-
för um heiminn. Ástralir hafa hinsvegar
misst góða leikstjóra til Bandaríkjanna og
margar myndir hafa ekki hlotið eins góðar
viðtökur og búist var við.
Miklar vonir eru bundnar við mynd
sem verið er að ljúka við þessa dagana og
nefnist „Þar til þú komst“ („ Till there was
you“). í kvikmyndinni segir frá ástum og
örlögum fólks sem býr á Kyrrahafseyjum
nálægt Ástralíu. Ég bíð spenntur eftir að
sjá þessa mynd. Ég mun væntanlega sjá
hana á myndbandi.
Sigmar Þormar er þjóðfélagsfræðingur
að mennt. Hann rekur
ráðgjafaþjónustu um faglega
myndbandaleigu, Fyrirmynd
Ástralskar kvikmyndir sem getið er um í þessari grein: íslenskur rétthafi:
Boys in the Island Steinar hf.
Celia Steinar hf.
Crocodile Dundee Háskólabíó
Cry in the Dark, A Háskólabíó
Dead Calm Steinar hf.
Good Wife, The (uppr. heiti The Umbrella Woman) Steinar hf.
Ground Zero Arnarborg hf.
Grievous Bodily Harm Myndform sf.
High Tide Skífan hf.
Slate, Wyn and Me Skífan hf.
Starlight Hotel, The Myndform sf.
She Was Fair Game Myndform sf. 0
ÞJÓÐLÍF 47