Þjóðlíf - 01.03.1991, Side 23

Ferð á
nærfatasafnið
Ef þú hefur áhuga á óvenju-
legum söfnum, hvernig væri
aö skreppa á nærfatasafnið
sem nýlega hefur verið stofn-
að í Brussel í Belgíu. Frum-
kvöðullinn að því, Jan
Bucqouy, hefur safnað tug-
um nærbuxna af öllum stærð-
um og gerðum. Hann sendi út
500 bónarbréf til þekktra
manna en tók það skýrt fram
að aðeins yrði tekið við not-
uðum og þvegnum nærbux-
um. Einn af hverjum tíu tók á
sig ómakið og sendi honum
buxur. í bónarbréfinu sem
kom þessari brellu af stað
segir Buckouy: „Allt vald
verður að engu þegar menn
eru á nærbuxunum — fólki
skilst þá að allir eru jafnir".
Hann sendi jafnvel Saddam
Hussein bréf um að leggja
eitthvað til safnsins, en hefur
ekki fengið neinar nærbuxur
ennþá... (GJ/London)
Forseti Panama Guillermo Endara 54 ára nýtur ekki mikils skilnings meðal landsmanna sinna með nýjustu
ástina. Frá því hann giftist fyrir tæpu ári hinni hörundsdökku Ana Mae Diaz, sem er 23 ára, hefur hann
hiklaust gefíð sig hamingjunni á vald. Opinberlega faðmar hann og kyssir hina ungu eiginkonu sína og
ráðgjafar hans kvarta undan því að forsetinn falli í ástardagdrauma á ríkisstjúrnarfundum og hafí yfírgefíð
fundi og ráðstefnur til þess að fara íkelerí með konu sinni. Gula pressan hæðir forsetann með því að kalla
hann feita lukkuriddarann, og talsmenn hans hafa þurft að kveða niður orðróm um að hin unga kona hans
ákvarði pólitíkina í landinu. Gegn heiftúðugum og vaxandi kynþáttafordómum yfírstéttarinnar í Iandinu í
kjölfarþessa eiga forsetinn og hans lið fá andsvör. Hvíta lúxusyfírstéttin hæðir forsetafrúna og niðurlægir við
ótal tækifæri...
Fleiri
skíðaslys í
snjóleysi
Því minni sem snjórinn er
þeim mun fleiri alvarleg slys
verða á skíðafólki. Niðurstöð-
ur rannsókna sýna t.d. að
snjólausa veturinn 1988
—1989 í Mið-Evrópu hafi al-
varlegum slysum fjölgað gíf-
urlega. Slysadeildir tilkynntu
um 25% fleiri beinbrot og
50% fleiri höfuðhögg en á ár-
inu áður. Mjaðma- og rófu-
beinsbrot voru sérstaklega
algeng. Karlar slösuðust
þrisvar sinnum oftar en vetur-
inn 1987—88 og konur tvisv-
ar sinnum oftar. Munurinn
liggur í því að kynin skíða með
ólíkum hætti; karlar reyna að
skíða hraðar en kunnátta
þeirra leyfir. Konur fara sér
mun hægar og skynsamleg-
ar. Konum er hættast við að
meiða sig á hnjám...
I Þýskalandi hafa fjölmiðlar skrifað gífurlega mikið um Iitríka feitlagna sjónvarpsstjörnu, Hellu von Sinnen
og samband hennar við Corneliu Scheel. Þegar þær sögðu frá því opinberlega að þær ættu í lesbísku
ástarsambandi ætlaði allt um koll að keyra ígulu pressunni. Cornelia Scheel, sem er dóttir Walters Scheel
fyrrverandi forseta Þýskalands, hefur verið áberandi ístjórn herferðargegn krabbameini þarílandi, en hún
var rekin frá þeim störfum í kjölfar uppljóstrunar þessarar. Það hefur svo aftur orðið til þess að vekja upp
umræður um mannréttindi hómósexúals fólks...
ÞJÓÐLÍF 23