Þjóðlíf - 01.03.1991, Page 42

MENNING
bergi og hann og þvoðu af honum serkina
sem hann klæðist. Ég ályktaði sem svo að
ef svik væru í tafli hlyti einhver að hafa
orðið einhvers var á öllum þessum tíma.
Sai Baba fer sjaldan frá heimaþorpi sínu
og til þess að geta gefið frá sér þennan
fjölda af skartgripum hlaut hann að hafa
einhverja samstarfsmenn.
Ég lagði mikla áherslu á að ná tali af
þeim sem voru með honum á hans yngri
árum þegar samskipti hans við fylgjendur
sína voru nánari en nú er og sérstaklega
við þá sem gagnrýna hann. Þetta tókst vel
og ég held ég megi segja að ég hafi talað við
langflesta af þeim sem mest hafa umgeng-
ist Sai Baba í gegnum árin. Þeir báru allir
sömu söguna: Enginn taldi sig hafa komist
að raun um að nokkur svik væru í tafli,
ekki einu sinni þeir sem höfðu yfirgefið
Sai Baba í reiði af ýmsum ástæðum. Öllum
bar saman um að Sai Baba byggi yfir
ókunnum gáfum.
Meðal þeirra sem ég talaði við var rektor
Bangalore-háskóla en hann er sérlega
gagnrýninn maður. Hann stofnaði á sín-
um tíma nefnd sem nefnd var Krafta-
verkanefndin og átti að fletta ofan af
ir™
svindlurum. Nefndin óskaði eftir sam-
starfi við Sai Baba en hann svaraði aldrei
þeirri beiðni. Þá var tekið til bragðs að
birta bréf nefndarinnar til hans í helstu
dagblöðum Indlands en það bar þann ár-
angur að nefndin fékk hundruð bréfa frá
almenningi sem hafði haft kynni af Sai
Baba. Sjálfurlét hann ekkert frá sér heyra.
Spurningin sem leitað var svars við var
fyrst og fremst sú hvort Sai Baba beitti
töfrabrögðum við kraftaverkin, þ.e. hristi
hlutina fram úr erminni eða fæli þá í hári
sér eða í fötum. Á fjölda myndbanda sem
ég tók af honum gat ég útilokað kenning-
una um hárið því að hann fer afar sjaldan
með hendurnar að hárinu. Hann gengur
alltaf í sams konar fötum, eins konar serk
úr þunnu efni sem fellur beint niður lík-
amann og leggst ekki í fellingar. Á þeim
eru engir sjáanlegir vasar. Ég talaði m.a.
við fólk sem hann hafði gist hjá og að
beiðni hans þvegið serkinn. Það hafði
skoðað klæðin vandlega og ekki fundið
nein merki um leynilega vasa.
Ég komst einnig í kynni við töframann
sem er mjög þekktur og hefur fengið verð-
laun fyrir afbragðs töfrabrögð frá alþjóða-
Kosningaskýrslur 1874-1987
Ómissandi rit í komandi alþingiskosningum
✓
Hagstofa Islands hefur gefið út allar skýrslur sem gerðar hafa verið um
kosningar til alþingis og sveitarstjórna, forsetakjör og þjóðarakvæða-
greiðslur á þessu tímabili. Skýrslurar eru ljósprentaðar og innbundnar
með gyllingu í tveimur bindum Verð aðeins kr. 3.855.-
Kosningaskýrslur 1874-1987 eru til sölu í afgreiðslu Hagstofunnar að
Skuggasundi 3. Hægt er að panta skýrslurnar í síma 91-609866 eða um
bréfsíma 91-623312.
42 ÞJÓÐLÍF