Þjóðlíf - 01.03.1991, Side 9

Margir taka í þann streng að hún sé
einlæg og samkvæm sjálfri sér og segja
hana lifa látlausu lífi og í fullkomnu sam-
ræmi við hugsjónir sínar. „Hún er heil-
brigðasti þingmaðurinn", sagði einn við-
mælenda Þjóðlífs og vísaði til þess að Jó-
hanna bærist ekki á eins og oft vill verða.
„Hún ekur ekki um á límonsínum meðan
aðra vantar brauðið“.
Margir segja hana berjast fyrir þá sem
minna mega sín. Og þeir vilja skýra stuðn-
ing hennar við Albert Guðmundsson í
forsetakosningunum 1980 með því að þar
hafi „litli maðurinn“ átt hauk í horni.
„Hins vegar réðst hún fram á ritvöllinn í
kosningabaráttunni til að mótmæla nei-
kvæðum skrifum um Vigdísi Finnboga-
dóttur, af því að réttlætiskennd hennar
var misboðið fyrir Vigdísar hönd“, sagði
jafnaðarmaðurinn sem var ósáttur við af-
stöðu Jóhönnu í þessum forsetakosning-
um.
Nokkrir ræddu töluvert um það orð
sem fer af Jóhönnu, að hún sé fjölmiðla-
fælin, —og erfitt væri að ná fundi hennar.
Hún væri jafnvel ómannblendin. Aðstoð-
armaður hennar segir hins vegar að það sé
aðeins til ein skýring á því að erfitt geti
reynst að ná fundum hennar, og hún sé sú
að Jóhanna sé hlaðin mikilvægum verk-
efnum og hlaupi ekki frá þeim fyrr en þau
séu komin í höfn. Hann kveður drjúgan
tíma hjá henni og aðstoðarfólki hennar
fara í að aðstoða einstaklinga sem leiti úr-
lausnar á vandamálum sínum. Og slík
verkefni séu tekin alvarlega.
Enn aðrir gera tilraun til að skýra
meinta fjölmiðlafælni hennar og ómann-
blendni: „Hún hefur þurft að berjast
einmana baráttu sem kona í hörðum heimi
karlmanna. Hún hefur smám saman kom-
ið sér upp skel, sem er vörn. Vörn gegn
karlaveldinu. Þetta er e.t.v. lykillinn að
árangri hennar", segir kona í Alþýðu-
flokknum.
Haft var á orði að hún væri ósveigjan-
leg, en aðrir sögðu að hún væri sveigjan-
leg. Þettta þótti spyrli mótsagnakenndar
fullyrðingar. í umræðu um málið kváðu
nokkrir viðmælendur þetta engu að síður
ganga upp. í hinu svonefnda leikskóla-
máli lenti Jóhanna til að byrja með upp á
kant við samherja sína, fóstrur og félaga-
samtök og var afskaplega ósveigjanleg. En
þegar í ljós kom að málið var strandað, þá
miðlaði hún málum, söðlaði um, var
sveigjanleg og leiddi málið farsællega til
lykta. Sömu sögu er að segja af búsetamál-
unum, eins og áður var minnst á.
óhanna hefur óhrædd tekið margar
sennur við Alexander Stefánsson
forvera hennar í embætti félagsmálaráð-
herra og yfirleitt haft betur. Sömuleiðis
hefur hún staðið í stappi við samráðherra
sína og ekki síður flokksbræður en aðra.
En slíkum sennum hefur einnig yfirleitt
lyktað með því að viðhorf hennar hafa
orðið ofan á. En hún hefur þá verið reiðu-
búin til að sættast—eins og formannakoss-
inn frægi á flokksþingi Alþýðuflokksins
vitnar um.
Margir hafa á orði að Jóhanna hefði átt
að sækjast eftir fyrsta sæti framboðslista
flokks síns í Reykjavík. En aðrir halda því
fram að hún hefði ekki fyrir nokkurn mun
viljað rjúfa friðinn í flokknum. Sumir vilja
að hún verði næsti formaður flokksins.
„Hún hefur alla burði til þess, en ekki víst
að hún vilji það“, sagði framámaður í
flokknum um þetta mál.
alið er að ef ríkisstjórnin haldi meiri-
hluta í komandi kosningum sé Jó-
hanna öruggust allra ráðherra ásamt
Steingrími Hermannssyni um að halda
sæti sínu í ríkisstjórninni. „Ef Alþýðu-
flokkurinn fer með okkur í ríkisstjórn,
verður Jóhanna Sigurðardóttir ekki ráð-
herra“, sagði þingmaður í Sjálfstæðis-
flokknum. „Við viljum sams konar stjórn,
þar sem Jóhanna Sigurðardóttir verður
áfram kjölfesta stjórnarinnar", sagði kona
í Alþýðuflokknum.
0
ÞJÓÐLÍF 9