Læknablaðið : fylgirit - 15.04.2008, Síða 52
VISINDI A VORDOGUM
FYLGIRIT 56
V-108 Sýkingar hjá börnum í meðferð vegna bráða-
eitilfrumuhvítblæðis
Sólveig Hafsteinsdóttir1, Guðmundur Jónmundsson2, Jón R. Kristinsson1,
Ólafur Gísli Jónsson1'2, Inga Huld Alfreðsdóttir2, Kristján Jónasson5,
Thomas Wiebe3, Corrado Cilio4, Ásgeir Haraldsson1-2
'Barnaspítala Hringsins, 2læknadeild HI, ’bamakrabbameinsdeild
Háskólasjúkrahússins í Lundi, Svíþjóð, 4barnadeild Háskólasjúkrahússins
í Málmey, Svíþjóð, 5verkfræðideild HI
Solhaf<Slandspitali. is
Inngangur: Bakteríusýking er alvarlegur og takmarkandi þáttur
í lyfjameðferð gegn bráðaeitilfrumuhvítblæði (ALL) í börnum.
Um það bii 3% sjúklinganna deyja af orsökum sem tengjast með-
ferðinni, flestir vegna sýkinga.
Markmið: Að kanna hvernig aldur, kyn og fleiri þættir hafa
áhrif á sýkingartíðni við lyfjameðferð gegn bráðaeitilfrumuhvít-
blæði.
Aðf erðir: Oll börn sem fengu bráðaeitilfrumuhvítblæði, af flokki
lítil áhætta eða meðal áhætta, á árunum 1996-2006 í Suður-
Svíþjóð og á Islandi eru með í rannsókninni. Upplýsingum var
safnað um aldur, kyn, blóðgildi, blóðræktanir og meðferð við
sjúkdómsgreiningu, og einnig um sýkingartímabil á fyrsta ári
eftir greiningu (tilvik þegar grunur um sýkingu vaknaði og
sýklalyfjameðferð fylgdi). Allir sjúklingar höfðu inniliggjandi
æðaleggi eða lyfjabrunn.
Niðurstöður: Heildarfjöldi sjúklinga var 73 (43 drengir og 30
stúlkur, 65 frá Svíðþjóð og 8 frá íslandi). Meðalaldur var 4,5 ár.
Alls komu upp 179 sýkingartímabil. Hjá sex börnum vaknaði
aldrei sýkingargrunur, en flest urðu sýkingartímabil 8, hjá einu
barni. Bakteríur ræktuðust í 57 tilvikum (32%) en niðurstöður
ræktunar voru neikvæðar í 122 tilvikum (68%). Algengasta bakt-
erían var kóagúlasa neikvæður stafýlókokkur (KNS) sem rækt-
aðist í 22 tilvikum. Meðalfjöldi grunaðra sýkinga var marktækt
(p=0,03) meiri hjá stúlkum (3,07) en hjá drengjum (2,02). Tíðni
staðfestra sýkinga var hins vegar svipaður hjá báðum kynj-
um, um það bil 0,8. Tíðni bæði grunaðra og staðfestra sýkinga
minnkaði marktækt með aldri (p<0,001 og p=0,03). Hlutfall
sýkinga sem staðfestar voru með ræktun var umtalsvert og
marktækt hærra í fyrstu sýkingu eftir greiningu (51%) en þegar
lengri tími var liðinn frá greiningu (á 5.-8. sýkingartímabili var
hlutfallið 10%).
Alyktun: Grunur um sýkingu er líklegri til að vakna hjá stúlkum
en drengjum, en staðfestar sýkingar eru jafnlíklegar hjá báðum
kynjum. Bæði grunuðum og staðfestum sýkingum fækkar með
aldri. Flestar alvarlegar sýkingar verða í upphafi meðferðar.
Algengustu sýkingarnar voru vegna KNS baktería, sem er
áminning um mikilvægi aðgæslu við meðhöndlun á æðaleggj-
um og lyfjabrunnum.
V-109 Meðferð fyrir of feit börn og fjölskyldur, Barnaspítala
Hringsins
Þrúður Gurmarsdóttir1, Anna Sigríður Ólafsdóttir2, Urður Njarðvík3,
Linda Craighead4, Ragnar Bjarnason5
‘HÍ, 2KHÍ, 3Barnasálfræðistöðinni, 4Emory University, 5Landspítala
thrudur@hi.is
Inngangur: Offita barna hefur aukist mikið í heiminum á síðustu
áratugum. Mikilvægt er að þróa áhrifaríka meðferð sem þjónar
um leið þeim tilgangi að stemma stigu við offitu fullorðinna.
Markmið: Markmið rannsóknarinnar var að rannsaka árangur
af meðferð fyrir of feit börn (LÞS >2,5 sf yfir meðaltali) á aldr-
inum 7-13 ára. Annað markmið var að athuga hvort að viðbót
nýs meðferðarþáttar (þjálfun í að þekkja mun á svengd og
seddu) myndi bæta árangur til lengri og/eða skemmri tíma.
Aðferðir: Þátttakendur voru 84 fjölskyldur, eitt foreldri og barn
úr hverri fjölskyldu. Meðferð samanstóð af 12 vikum sem dreifð-
ust yfir 18 vikur. Þátttakendur mættu á Bamaspítala Hringsins
tvisvar í viku, einu sinni í stuttan einstaklingstíma og einu sinni
í hóptíma. Fjölskyldur skiptust með tilviljunarvali í tvo með-
ferðarhópa. Annar hópurinn fékk hefðbundna meðferð fyrir of
feit börn og fjölskyldur en hinn meðferð þar sem nýr meðferð-
arþáttur var prófaður.
Niðurstöður: Af þeim fjölskyldum sem hófu meðferð luku
73% fjölskyldna meðferðarvikunum 12. Líkamsþyngdarstuðull
barna sem ldámðu meðferð lækkaði að meðaltali um 2,0 (±1,4
stig) á meðferðarvikunum 12 en ekki var marktækur munur á
milli hópa.
Alyktun: Líklegt er að hátt brottfall úr meðferð megi að ein-
hverju leyti skýra með þeirri staðreynd að stór hluti þeirra barna
og foreldra sem tóku þátt áttu við aðra erfiðleika að stríða, svo
sem hegðunar-, tilfinninga-, félags-, eða námstengda. Þeir erf-
iðleikar gætu hafa sett strik í reikninginn í krefjandi meðferð
sem lúngað til hefur einungis verið prófuð með úrtaki þar sem
foreldrar og börn með annan vanda eru útilokuð frá þátttöku.
Þessar fyrstu niðurstöður benda þó til að meðferð fyrir of feit
börn og fjölskyldur þeirra beri árangur til skemmri tíma. Ekki
kom fram munur milli tilrauna- og samanburðarhóps þrátt
fyrir að tilhneiging hafi verið til betri útkomu í hópnum sem
fékk meðferð með nýjum meðferðarþætti. Ahugavert verður
að skoða frekari niðurstöður og eins að fylgja hópunum eftir til
lengri tíma en eftirfylgni er áætluð til þriggja ára.
V-110 Súrefnismettun í sjónhimnu sjúklinga með sykursýki
eftir laser aðgerð
Sveinn Hákon Harðarson1, Róbert Arnar Karlsson2, Þór Eysteinsson1,
James M. Beach2, Jón Atli Benediktsson3, Einar Stefánsson1
'Augndeild Landspítala, 2Oxymap ehf, ’rafmagns- og tölvuverkfræðiskor
HÍ
sveinnha@gmail.com
Inngangur: Súrefnisþurrð í vef sjónhimnu er talin vera stór þátt-
ur í sjónhimnusjúkdómi í sykursýki. Laser meðferð er talin geta
leiðrétt súrefnisþurrð. Litlar rannsóknir hafa verið gerðar á súr-
efnisbúskap sjónhimnu manna vegna skorts á tækjabúnaði en
rannsóknarhópurinn vinnur að þróun og prófun slíkrar tækni.
Markmið: Markmið þessarar rannsóknar var að mæla súrefn-
ismettun í æðum sjónhimnu í sykursjúkum með nýæðamyndun
í sjónhimnu (e. proliferative diabetic retinopathy) og sögu um
laser meðferð.
Aðferðir: Súrefnismælirinn mælir súrefnismettun blóðrauða
í æðlingum sjónhimnu. Hann er settur saman úr augnbotna-
52 LÆKNAblaðið 2007/93