Frjáls verslun - 01.01.2011, Síða 38

38 FRJÁLS VERSLUN 1.tbl.2011
VINSÆLASTA FYRIRTÆKIÐ
Sp.: Vildir þú nefna 1 til 2 íslensk fyrirtæki sem þú hefur neikvætt viðhorf til?LISTINN 2011
ÓVINSÆLUSTU FYRIRTÆKIN 2011 RÖÐ

Bankarnir 20.9% 1 25.8% 1 -4.8%
Bónus 6.7% 2 10.6% 2 -4.0%
Landsbankinn 4.7% 3 9.4% 3 -4.7%
Arion banki 4.4% 4 8.0% 4 -3.6%
Sjóvá 2.6% 5 2.3% 11 0.3%
Baugur 2.2% 6-7 4.9% 5 -2.7%
Olíufélögin 2.2% 6-7 2.2%
Iceland express 2.1% 8 2.1%
365 2.0% 9 2.0%
Tryggingafélögin 1.7% 10 1.7%
Íslandsbanki 1.4% 11 3.1% 7-8 -1.7%
Morgunblaðið 1.3% 12 1.9% 12 -0.6%
N1 1.2% 13-14 1.2%
Icelandair 1.2% 13-14 1.2%
Húsasmiðjan 1.0% 15-16 1.0% 14-16 0.0%
Síminn 1.0% 15-16 1.0% 14-16 -0.1%
Hagar 0.9% 17-18 2.4% 10 -1.5%
Orkuveitan 0.9% 17-18 0.9%
2010 2010 BREYTING
Ö
ssur er annað árið í röð í
fyrsta sæti í árlegri könn­
un Frjálsrar verslunar
yfir vinsælustu fyrirtæki
landsins. Forstjóri Össurar,
Jón Sigurðsson, telur vinsældirnar fyrst og
fremst stafa af því að fyrirtækið hafi komist
klakklaust í gegnum þann ólgusjó sem ver­
ið hefur, eins og hann orðar það.
„Við höfum aldrei hvikað frá okkar stefnu
hvað sem hefur gerst í kringum okkur, það
er að halda okkur við okkar kjarna starf semi.
Við viljum að allir fylgi þeim grunn gildum
sem við höfum að leiðarljósi en þau eru heið­
ar leiki, hagsýni og hugrekki og við viljum að
fyrirtækið fylgi þeim líka,“ segir Jón.
Í nánast mánaðarlegum könnunum fylg­
ist Össur með ánægju viðskiptavinanna
með þjónustu fyrirtækisins, að því er for­
stjórinn greinir frá. Í öðru lagi er kannað
hvort hluthafar fyrirtækisins séu ánægðir
með þá upplýsingagjöf sem veitt er og í
þriðja lagi er gerð viðamikil starfsmanna­
könnun annað hvert ár.
„Við teljum að jákvæð ímynd fáist með
því að láta verkin tala en ekki með ein­
hverri auglýsingaherferð. Ég held að margir
fari flatt á því að reyna að skapa ímynd í
gegnum einhverja stýrða umfjöllun. Maður
skapar ímyndina á löngum tíma og mest
með því að haga sér vel við þá sem vinna
þar, með því að huga að þeim sem eiga
fyrirtækið, þjóna viðskiptavinum vel og
með því að fylgja lögum og reglum. Maður
þarf að haga sér vel í því samfélagi sem
maður er í,“ segir Jón.
Af 1.800 starfsmönnum stoðtækjafyrir­
tækisins Össurar, sem stofnað var 1971,
starfa tæplega 300 á Íslandi. „Allur
markaður fyrirtækisins og langmestu
um svifin eru erlendis. Samkeppnin er
hörð en ég myndi hiklaust segja að við
vær um fremstir í henni. Ég þakka það að
við höfum fylgt ákveðinni stefnu auk þess
sem við höfum gríðarlega gott starfsfólk.
Reynslan eykst ár frá ári og þetta er orðinn
harðsnúinn hópur.“
Jón segir fyrirtækið heppið að vörur þess
hjálpi fólki og bæti líf þess. „Við erum
ljón heppin að vera í þessum bransa. Vöru­
þróunin heldur stöðugt áfram. Ef við ber­
um okkar vöru saman við eðlilega líkams­
parta sjáum við að þetta eru slæmar vörur.
Það er mikið eftir. Við erum ekki einu sinni
byrjuð að skrapa yfirborðið.“
Útlendingar eru í meirihluta eigenda
Öss urar, eða 64 prósent. Aðallega er um að
ræða erlenda sjóði, að því er Jón greinir frá.
Aldrei hvikað frá stefnunni
Grunngildi Össurar eru heiðarleiki, hagsýni og hugrekki
Jón Sigurðsson, forstjóri Össurar:
Jón Sigurðsson, forstjóri Össurar.
TEXTI: INGIBJÖRG BÁRA SVEINSDÓTTIR
MYNDIR: GEIR ÓLAFSSON