Frjáls verslun - 01.01.2011, Síða 65

FRJÁLS VERSLUN 1.tbl.2011 65
ríkiskirkja. Þegar aðskilnaður varð var talið
eðlilegt að skilgreindur væri framfærslu­
grunnur fyrir kirkjuna, það er að segja
að hún gæti staðið undir þeim skyldum
sem ætlast er til af henni. Þess vegna var
í samningnum 1997 vísað til þeirra eigna
sem kirkjan hafði byggt rekstur sinn á
þegar samningsbundnar launagreiðslur
voru meitlaðar inn í samkomulagið.“
Aðferðafræði til að friða fólkið
Stefán segir ástæðu til að velta því fyrir
sér hvort ekki sé nú þegar komið til fulls
aðskilnaðar ríkis og kirkju. „Í grein í
stjórnarskránni segir að ríkisvaldið eigi að
vernda og styðja kirkjuna. Þessi grein er
í raun og veru ekki virk. Maður sá það í
erfiðleikum kirkjunnar á síðasta ári að ekki
var mikinn stuðning að fá. Forsætisráðherra
gaf þvert á móti ákveðnar persónulegar
yfirlýsingar sem bentu frekar í þá átt að
höggva ætti að kirkjunni.“
Það er mat Stefáns að með lækkun sóknar gjaldsins sé ríkisvaldið að draga úr þeim þætti innheimtu sinnar til
þess að geta hækkað skatta til eigin nota.
„Þetta er aðferðafræði til þess að friða
fólk ið í landinu og maður hefur ákveðinn
skilning á því. Þetta er hins vegar gert ein­
hliða og kirkjuþing hefur mótmælt þessu
harðlega.“
Loks segir Stefán varðandi kristnisjóðinn
og jöfnunarsjóð sókna að kirkjan hafi á sín­
um herðum gríðarlega flókið viðfangsefni
sem er varðveisla menningararfsins. Það
má segja að það eigi sér tvíþætta birtingar­
mynd, sú fyrri snýr að varðveislu merkra
bygginga og muna en hin síðari að þeirri
þjónustu sem kirkjan veitir landsmönnum
hvar og hvenær sem er.
„Þjóðkirkjan mætir á svæðið í aðstæðum
fólksins, hvort sem það býr á Kópaskeri
eða Kópavogi. Í sveitum landsins geta
menn stólað á, að það er prestur í kallfæri
sem mun koma boðinn og búinn, hvernig
sem á stendur, hvort sem viðkomandi til­
heyrir þjóðkirkjunni eða ekki – það er þessi
skylda sem skilgreinir hugtakið „þjóðkirkja“
en ekki lagarammi eða nokkuð í þeim dúr,“
segir Stefán.
FJÁRMÁL KIRKJUNNAR
Allar greiðslur ríkisins til
þjóðkirkjunn ar byggjast á
kirkjujarðasamkomulaginu
nema jöfnunarsjóðsfram-
lagið sem í ár er um 300
milljónir króna.
I.
Ríkið eignaðist kirkjujarðirnar og greiðir fyrir á móti samkvæmt kirkjujarðasamningi
laun presta, þriggja biskupa og nokkurra starfsmanna Biskupsstofu
– sem og í kristnisjóð og kirkjumálasjóð.
Laun.....1.300 milljónir kr.
Sjóðir.... 600 milljónir kr.
II.
Ríkið innheimtir félagsgjöld fyrir öll trúfélög, eins og þjóðkirkjuna, Fríkirkjuna og
Ásatrúarfélagið og afhendir félagsgjöldin sem sóknargjöld til þessara félaga.
Sóknargjöld eru 1.600 milljónir kr. á ári
III.
Í tengslum við innheimtu sóknargjalda fara um 300 milljónir á þessu ári í jöfnunar sjóð
kirkjunnar.
Jöfnunarsjóður 300 milljónir kr.
IV.
KIRKJUGARÐSGJÖLD
Ríkið innheimtir kirkjugarðsgjöld. Þau eru ekki á vegum þjóðkirkjunnar heldur fara þau
í rekstur kirkjugarðanna, þ.e. rekstur graf reita í þágu allra landsmanna.
KIRKJUGARÐSGJÖLD (rekstur kirkjugarða) eru ekki á vegum
þjóðkirkjunnar en eru 850 milljónir kr. á ári
FJÁRMÁL KIRKJUNNAR
FJÁRHAGSLEG UMSVIF KIRKJUNNAR ERU 3.750 MILLJÓNIR KR. Á ÁRI