Frjáls verslun - 01.01.2011, Side 68

68 FRJÁLS VERSLUN 1.tbl.2011
Í GÍRINN Á NÝ EFTIR ATVINNUMISSI
Þótt uppsagnarbréf sé ekki þungt getur uppsögnin verið afar þung byrði. Þeirri byrði
verða menn þó að létta af sér sem fyrst og hér fara á eftir nokkur góð ráð, meðal ann­
ars úr erlendum fjölmiðlum.
EÐLILEG VIÐBRÖGÐ
Það er ekki óalgengt að þeir sem missa
starfið vegna gjaldþrots fyrirtækisins
sem þeir unnu hjá ásaki sjálfa sig og fyllist
skömm. Þessar tilfinningar gera oft vart við
sig þótt engin ástæða sé til.
Reiði í garð yfirmanna fyrirtækisins sem
sögðu þér upp og í garð þeirra sem ekki
misstu vinnuna er eðlileg tilfinning. Láttu
hana samt ekki stjórna lífi þínu. Gerðu
strax ráð fyrir að þú fáir nýja vinnu og
slakaðu á. Farðu svo að einbeita þér að
atvinnuleitinni.
Svefnleysi er algeng afleiðing
atvinnumiss is. Það er óþægilegt og þreyt­
andi en ekki óalgengur kvilli þegar menn
lenda í sálar kreppu.
Sumir fá líkamlega kvilla eftir að hafa
verið sagt upp, eins og til dæmis magaverki,
höf uðverk eða hjartsláttartruflanir. Farðu til
læknis ef verkirnir hverfa ekki.
Löngunin til kynlífs getur minnkað og
karl ar geta fengið risvandamál þegar þeir
missa vinn una. Það er nauðsynlegt að segja
makan um af hverju vandinn stafar.
Löngun til róttækra breytinga gerir vart
við sig. Sumir atvinnulausir vilja sýna að
þeir hafi stjórn á lífi sínu og yfirgefa til
dæmis makann. Taktu hlutunum með ró og
gerðu ekkert án þess að hugsa þig vel um.
Ræddu vanlíðan þína við aðra. Það er
óhollt að láta eins og ekkert hafi gerst.
TEXTI: SIGRÚN ÞORLEIFSDÓTTIR