Frjáls verslun - 01.03.2006, Síða 9

F R J Á L S V E R S L U N • 3 . T B L . 2 0 0 6 9
Mikill vöxtur
Þórný og Smári eru sammála um að mikill vöxtur hafi verið í
fyrirtækjaþjónustunni hjá SPRON og hægt sé að efla hana enn
meira með aukinni kynningu: „Við höfum verið í samstarfi við
tryggingafélagið Vörð Íslandstryggingu og stefnt er á nánara og
aukið samstarf. Þá býður SPRON býður einnig upp á ráðgjöf
vegna persónutrygginga starfsmanna og stjórnenda.“
Þau benda einnig á Fyrirtækjabankann sem er á Netinu þar
sem þjónusta er aðgengileg allan sólarhringinn. Í honum er
hægt að sinna öllum helstu bankaviðskiptum á skrifstofunni
eða heima. Fjármálastjórar og gjaldkerar fyrirtækja geta innt af
hendi fjárhagslegar aðgerðir og fengið nákvæmar upplýsingar
um fjármálin á fljótlegan og einfaldan hátt. Þá hefur SPRON
nýlega eignast Midt factoring á Íslandi, sem er félag sem veitir
alhliða kröfuþjónustu. Í þjónustu þeirra felst m.a. fjámögnun
skulda, umsjón með kröfum og færsla á innheimtubókhaldi.
Fyrirtækjaþjónusta er veitt í öllum útibúum SPRON sem eru
níu talsins og staðsett víðs vegar um borgina.

Með frá upphafi
SPRON, sem stendur fyrir Sparisjóður Reykjavíkur og nágrennis
á sér langa sögu og hefur ávallt lagt mikla áherslu á þjónustu
við einstaklinga. „Nú er starfsemi SPRON mun fjölbreyttari en
á árum áður. Það eru ekki aðeins fyrirtækjaviðskiptin sem eru
orðin áberandi í starfsemi okkar. Við erum með margs konar
starfsemi sem tengist bankaviðskiptum, s.s. verðbréfasjóði,
ráðgjöf og þjónustu vegna lífeyris- og tryggingamála og öfluga
kortaútgáfu.
Þegar viðskiptavinur kemur til okkar og er nýbúinn að stofna
fyrirtæki eða er að íhuga það leiðbeinum við honum og bjóðum
honum þá bankaþjónustu sem hann þarf á að halda. Við höfum
góða reynslu að takast á við verkefni af þessu tagi af hvaða
stærðargráðu sem er og einnig ef leitað er til okkar um samein-
ingu fyrirtækja, kaup eða sölu er okkur ekkert að vanbúnaði að
eiga við slík mál.“
Spennandi tímar framundan
Þórný og Smári segja margt spennandi fram undan í fyrirtækja-
þjónustu sem og á öðrum sviðum: „Umhverfi fyrirtækja á
Íslandi hefur breyst mjög mikið á síðustu árum og er í sífelldri
þróun. Þessu fylgja breytingar á þörfum fyrirtækja sem kalla á
aukna og sérhæfðari þjónustu sem SPRON getur veitt.“
Þegar viðskiptavinur kemur til okkar og er nýbúinn að stofna
fyrirtæki eða er að íhuga það leiðbeinum við honum og bjóð-
um honum þá bankaþjónustu sem hann þarf á að halda.
Við höfum góða reynslu af að takast á við verkefni af þessu
tagi af hvaða stærðargráðu sem er.
SPARISJÓÐUR REYKJAVÍKUR OG NÁGRENNIS
SÍMI 550-1200 - - FAX: 550-1401
SPRON@SPRON.IS
WWW.SPRON.IS