Frjáls verslun - 01.03.2006, Blaðsíða 101

F R J Á L S V E R S L U N • 3 . T B L . 2 0 0 6 101
Hér sést yfir Tjarnabyggð og í átt að Selfossi.
komist verði hjá ljósmengun á svæðinu. Fimm metra breitt belti verður
umhverfis hvern klasa. Þetta gerir íbúunum kleift að komast stystu leið
út á göngu- eða reiðgötur í byggðinni.
Einstakt tækifæri til að skapa nýtt samfélag
Tjarnabyggð er á 600 hektara landsvæði sem er á við þrjár meðal-
bújarðir í Flóanum, að sögn Jörundar. Hann segir ýmsa hafa haft
áhyggjur af stærðinni og að þetta yrði of stór byggð. „Ég sagði aftur
á móti að það væri kostur. Það myndi aðeins gerast einu sinni hér
að slíkt land væri á einni hendi og hægt að skapa þannig nýtt sam-
félag. Landið er gott til slíks og ræktunarmöguleikar eru miklir því
að þarna er gróið land og frjósöm mold. Þar við bætist að mikill
kostur er fyrir hestamenn að vera með land sem er vel tengt við
góða reiðstíga. Í Tjarnabyggð verða lagðir 16 km langir reiðstígar
sem síðan tengjast þéttu reiðleiðakerfi sveitarfélagsins. Þetta verður
áreiðanlega mjög skemmtileg byggð í Árborg sem er öflugt sveitar-
félag og síðan er ósnortin náttúran allt um kring. Til vesturs er t.d.
fuglafriðland sveitarfélagsins og ekki þarf að búast við uppbyggingu
í þeirri átt.“
Tjarnabygg dregur nafn af fjölda lítilla tjarna sem í landinu eru.
Reyndar segir Jörundur að margar þeirra þorni upp á sumrin en vissu-
lega verða þær til mikillar prýði og ánægjulegt fyrir íbúana að fylgjast
með fuglum sem áreiðanlega eiga eftir að tylla sér á tjarnirnar. Landið
er vissulega allt marflatt en kosturinn við flatneskjuna er víðsýnið. Við
mönnum blasir Flóinn og óhætt er að fullyrða að útsýnið verður fallegt
af efri hæðum íbúðarhúsanna því heimilt er að reisa allt að níu metra
há hús í Tjarnabyggð.
Jörundur Gauksson er framkvæmdastjóri Búgarðabyggðar. Hægt
er að kynna sér skipulagið og allt sem tengist klasabyggðinni á www.
tjarnabyggd.is eða hafa samband við Jörund í síma 898 0343 og með
tölvupósti jorundur@logbyli.is. Það er Tekton ehf. sem skipulagði
Tjarnabyggð.
Án efa munu hestamenn kunna að meta aðstöðuna en að
sjálfsögðu líka allir aðrir sem kunna að meta íslenska náttúru.
Þetta kort sýnir vel afstöðuna miðað við Eyrarbakka og Selfoss.