Frjáls verslun - 01.03.2006, Page 13

F R J Á L S V E R S L U N • 3 . T B L . 2 0 0 6 13
FRÉTTIR
Jóhannes Viðar Bjarnason, eig-
andi Fjörukráarinnar, Fjörugarðs-
ins og Hótel Víkings í Hafnarfirði,
er ferðafrömuður ársins, að mati
útgáfufélagsins Heims. Heimur
gefur út fjölda tímarita, m.a.
Frjálsa verslun, og er stærsti
útgefandi kynningarefnis fyrir
ferðamenn á landinu.
Sturla Böðvarsson samgöngu-
ráðherra afhenti Jóhannesi Viðari
viðurkenninguna við opnun sýn-
ingarinnar Ferðatorgs í Fífunni í
Kópavogi í lok mars sl. Svanhildur
Konráðsdóttir, sviðsstjóri Menn-
ingar- og ferðamálasviðs Reykja-
víkurborgar, gerði grein fyrir vali
dómnefndar.
Fram kom í máli Svanhildar að
Jóhannes hefði sýnt athafnasemi
og frumkvæði í rekstri fyrirtækja
sinna og með hugmyndaauðgi
nýtt sér sögu og menningararf-
leifð Íslendinga til að skapa ein-
stakt fyrirtæki í ferðaþjónustunni.
Auk Svanhildar sátu í dóm-
nefndinni þeir Ottó Schopka
og Benedikt Jóhannesson frá
Heimi, og Sævar Skaptason,
framkvæmdastjóri Ferðaþjónustu
bænda.
Þetta er í þriðja sinn sem
Heimur stendur fyrir útnefningu
á Ferðafrömuði ársins. Áður hafa
þau Jón Jónsson, forstöðumaður
galdrasafnsins á Hólmavík, og
Guðrún Bergmann, ferðafrömuður
á Hellnum, fengið viðurkenning-
una.
Jóhannes Viðar
ferðafrömuður ársins
Sturla Böðvarsson samgönguráðherra, Jóhannes Viðar Bjarnason,
eigandi Fjörukráarinnar, og Svanhildur Konráðsdóttir, sviðsstjóri
Menningar- og ferðamálasviðs Reykjavíkurborgar.
Ferðafrömuður ársins,
Jóhannes Viðar Bjarnason,
er eigandi Fjörukráarinnar,
Fjörugarðsins og Hótel
Víkings í Hafnarfirði.