Frjáls verslun - 01.03.2006, Blaðsíða 20

Nóttin nýtist vel
FINNUR INGÓLFSSON
Tíminn frá klukkan tíu á kvöldin fram til tvö á
nóttunni nýtist Finni Ingólfssyni, forstjóra VÍS,
jafnan vel til vinnu. „Ég er svefnléttur, góður
ef ég næ fjórum til fimm tímum á nóttu. Ef
ég sofna yfir sjónvarpsfrétt-
unum í tvær til þrjár mínútur
endurnærist ég alveg og hef
þrek til þess að vinna langt
inn í nóttina, meðal annars
við lestur, svara tölvupósti
og skipuleggja verkefni sem
bíða.“
Augliti til auglitis
Finnur er yfirleitt kominn á ról upp úr klukkan
sjö á morgnana og byrjar á morgunmat sem
er lýsi, LGG og banani. Byrjar daginn á því að
keyra dóttur sína í Verslunarskólann og er svo
kominn til vinnu fljótlega upp úr klukkan átta
þá daga sem hann fer ekki í líkamsrækt eða
á fundi úti í bæ. Dagarnir eru eins breytilegir
og þeir eru margir.
„Fyrri hluti vikunnar fer yfirleitt í fyrirfram
ákveðin og skipulögð fundarhöld með stjórn-
endum í fyrirtækinu og þeim sem gegna hér
ábyrgðar- og stjórnunarstörfum. Inn á milli
koma lausar stundir og þá reyni ég að sinna
þeim sem þurfa að ræða við mig vegna
ýmissa mála. Fimmtudagur og föstudagur
eru nokkuð frjálsir dagar og þá reyni ég að
afgreiða mál sem hafa beðið,“ segir Finnur
og bætir við að skipulag á störfum sínum
sé ekki ólíkt því sem hann hafði þegar hann
gegndi embætti iðnaðar- og viðskiptaráð-
herra. Að sinna erindum í gegnum tölvupóst
sé ágætt, en best sé að afgreiða málin augliti
til auglitis.
„Með skipulögðum fundum veit ég nokkuð
vel hvar öll stærri mál innan VÍS standa.
Almennt tel ég mig hafa opinn stjórnunarstíll.
Það hafa allir aðgang að mér og GSM núm-
erið er ekkert leyndarmál. Þeir fá númerið
sem biðja um og ég svara ef ég get,“ segir
Finnur og bætir við að í takt við aukin umsvif
VÍS erlendis fjölgi utanlandsferðum sínum.
Ferðirnar komi oftast upp fyrirvaralítið og sé
trauðla hægt að skipuleggja þær. „Mér finn-
ast utanlandsferðir fjarri því skemmtilegar og
flug fer illa í mig. Ég reyni því að komast hjá
ferðalögum sé þess kostur.“
Gleymi hádegisverðinum
Í annríki dagsins segir Finnur
að það hendi sig stundum
að hreinlega gleyma hádegis-
verðinum. „Stundum ranka
ég við mér þegar klukkan er
að verða eitt og hleyp hér í
mötuneytið uppi á efstu hæð. Annars eru oft
fundir í hádeginu og því borða ég aðalmáltíð
dagsins heima á kvöldin, þegar ég kem úr
ræktinni. Síðasta vetur fór ég gjarnan í lík-
amsrækt áður en ég fór til vinnu á morgnana,
en nú hefur þetta færst yfir á síðari hluta
dagsins. Meginmálið er að fá hreyfingu og
reyna á líkamann, slíkt gerir manni ákaflega
gott. Í líkamlegum átökum, hvort sem það
er á hlaupabrettinu, í gönguferðum uppi á
reginfjöllum eða á hestbaki vakna gjarnan
fínar hugmyndir, það er þegar maður sleppur
úr álagshugsun og venjubundnu áreiti. Hins
vegar kúpla ég mig aldrei fullkomlega frá
starfinu, slíkt væri mér ómögulegt og ég býst
við að flestir stjórnendur hafi sömu sögu að
segja,“ segir Finnur Ingólfsson.
„Almennt tel ég
mig hafa opinn
stjórnunarstíl.
Það hafa allir
aðgang að mér.“
20 F R J Á L S V E R S L U N • 3 . T B L . 2 0 0 6
Finnur Ingólfsson,
forstjóri VÍS.
DAGBÆKUR
FORSTJÓRA