Frjáls verslun - 01.03.2006, Blaðsíða 51

F R J Á L S V E R S L U N • 3 . T B L . 2 0 0 6 51
TEXTI: VILMUNDUR HANSEN
MYNDIR: GEIR ÓLAFSSON
T
ómas Már Sigurðsson, forstjóri
Alcoa á Íslandi, er fæddur á Sel-
tjarnarnesi 1. febrúar 1968 og er
sonur hjónanna Sigurðar Kristjáns
Oddssonar og Herdísar Tómasdóttur. Fjöl-
skyldan flutti í Hafnarfjörð skömmu eftir
að Tómas fæddist og bjó þar í nokkur ár
en flutti svo aftur á Nesið. Tómas var fyrstu
árin í Ísaksskóla en lauk grunnskólanámi
á Seltjarnarnesi. Eftir grunnskóla lá leið
hans í Menntaskólann í Reykjavík þar sem
hann lauk stúdentspróf frá eðlisfræðideild
I. Tómas segir sjálfur að hann hafi verið
mjög venjulegur strákur í æsku.
„Ég hafði gaman af fótbolta og hand-
bolta eins og aðrir strákar þegar ég var
krakki en þrettán ára féll ég gersamlega
fyrir golfi og stundaði það stíft ásamt vini
mínum á golfvellinum úti á Seltjarnarnesi.“
Tómas segist reyndar enn hafa gaman af
golfi og taka nokkra hringi á ári þegar hann
hefur tíma.
Thor Aspelund, æskufélagi Tómasar,
segir að foreldrar sínir hafi átt golfsett og
að þeir hafi byrjað að æfa sig úti í garði. „Ég
held reyndar að við höfum verið óskaplega
framsýnir á þessum tíma vegna þess að
þá var golf ekki komið í tísku. Við drifum
okkur því fljótlega út á völl og útveguðum
okkur aðgang að golfklúbbnum úti á Nesi
og hjóluðum þangað við hvert tækifæri og
æfðum stíft. Tómas er reyndar mun meiri
keppnismaður en ég og tók þetta því mun
lengra.“
Thor segir að þeir hafi verið vinir frá tólf
ára aldri og verið saman í menntaskóla og
það hafi aldrei kastast í kekki á milli þeirra.
„Tómas var afskaplega fjörugur nemandi,
hann var ekki beint óþægur en kennararnir
þurftu oft að sussa á hann. Þrátt fyrir ára-
tuga vináttu segist Thor ekki muna eftir
neinu sem hafi skyggt á „Við höfum aldrei
þurft að metast eða keppa
okkar á milli, vinátta okkar
hefur alltaf verið hafin yfir
allt dægurþras og staðist tím-
ans tönn.“
Drap hann á hverju kvöldi
Thor lék á móti Tómasi í
uppsetningu Menntaskól-
ans í Reykjavík á Rómeó
og Júlíu á sínum tíma. Thor
lék Rómeó en Tómas París
greifa. „Það sem var óvenjulegt við samspil
okkar í leikritinu var að ég þurfti að drepa
hann á hverju kvöldi og það eru líklega
óvenjulegustu atvikin í samskiptum okkar
og vináttu. Þetta var öðru vísi en hefð-
bundið djamm á þessum tíma.“
Thor segir að einu sinni hafi hann drepið
Tómas of snemma í leikritinu. „Hann var
ekki einu sinni kominn upp á sviðið en
Tómas lét það ekki á sig fá og ég þurfti að
halda á honum upp á sviðið. Það var víst
mjög kómískt að sjá okkur þarna, tvö unga
drengi á sokkabuxum að reyna að fela mis-
tökin.“
Kynntust í háskólanum
„Ég sá konuna mína, Ólöfu Nordal, í háskól-
anum þar sem við vorum í tímum í sama
húsi og ég tók strax eftir því hvað hún var
falleg og hún hefur eflaust tekið eftir því
þegar ég var að gefa henni
auga. Við hittumst svo að
lokum í Þjóðleikhúskjallar-
anum, eitt leiddi af öðru
og við giftum okkur 19.
desember 1992. Tómas og
Ólöf eiga fjögur börn í dag,
Sigurð sem er fjórtán ára,
Jóhannes tólf ára, Herdísi
tíu ára og Dóru sem er á
öðru ári.
Guðrún Nordal, pró-
fessor og mágkona Tómasar, segir að hann
sé mikill fjölskyldumaður í sér og að bæði
hjónin leggi mikið upp úr fjölskyldulífinu.
„Tómas er mjög vel gerður maður, lifandi
og skemmtilegur og á marga vini. Hann er
traustur fjölskyldumaður og vinnur heim-
ilisstörfin til jafns við Ólöfu þrátt fyrir
miklar annir. Tómas er mjög afslappaður
en jafnframt einbeittur og fylginn sér þegar
slíkt á við.“
T Ó M A S M Á R S I G U R Ð S S O N Í N Æ R M Y N D
Alcoa Fjarðaál hefur verið mikið í umræðunni að undan-
förnu enda um stórt verkefni að ræða sem á eftir að hafa
mikil félagsleg áhrif á Austurlandi. Tómas Már Sigurðsson,
forstjóri fyrirtækisins, er í nærmynd að þessu sinni.
Eins og er felst starfið
að mestu í að ráða
gott fólk til starfa fyrir
austan og í þúsund
öðrum hlutum sem
þurfa að vera komnir
á hreint áður en álver-
ið verður sett í gang.
MIKILL FJÖL SKYLDUMAÐUR