Frjáls verslun - 01.03.2006, Side 109

F R J Á L S V E R S L U N • 3 . T B L . 2 0 0 6 109
Vindur ofan
af sér við
aksturinn
Hafrún Einarsdóttir og
Soffía Theodórsdóttir
skoða teikningar af hús-
næði á fasteignasölunni
Byr í Hveragerði.
Það hefur lengi viljað brenna við að Reykvíkingum þyki
langt að aka út á land en þeim sem þar búa finnst
vegalengdin smámál. Ekki liggur fyrir hvers vegna þessi
munur er þegar það er nokkuð víst að jafnlangt er til
Hveragerðis frá Reykjavík eins og frá Hveragerði til
Reykjavíkur, svo dæmi sé tekið.
Nú þegar fjöldi fólks flytur til bæjanna á Suður-
nesjum, austur fyrir fjall og upp á Skaga og stundar
áfram vinnu í Reykjavík er ekki úr vegi að líta á hverjar
vegalengdirnar eru milli þessara staða, svona í raun
og veru. Síðan má velta fyrir sér hversu lengi er verið
að aka spottann og um leið hvað það kostar í bens-
íneyðslu. Kostnaðinn verður hver að reikna fyrir sig
enda vita menn best hversu mörgum lítrum fjölskyldu-
bíllinn eyðir á hundraðið.
Aksturinn ekkert mál Hjá Byr fasteignasölu í Hvera-
gerði vinnur Hafrún Einarsdóttir sem ekur daglega á milli
Reykjavíkur og Hveragerðis og finnst það ekki mikið mál.
Það sem Reykvíkingum kann að þykja athyglisvert við
Hafrúnu er að hún býr í Reykjavík og vinnur fyrir austan
fjall, en oftar en ekki er þessu öfugt farið. Kannski er
þetta fyrsta skrefið í átt að búferlaflutningum.
„Ég er ekki nema 30 mínútur að aka þessa leið,“
segir Hafrún og bætir við að hún lendi ekki nema á
tveimur ljósum heiman að frá sér í Fossvogi og alla
leið austur svo ekki tefja ljósin hana. Allir sem þurfa
að aka um Reykjavík vita að ljósin tefja þá hvað mest
sem og þær löngu raðir sem myndast á ljósunum bæði
kvölds og morgna á háannatíma. Hafrún segir líka að
kosturinn við að aka á milli sé að hún nái að vinda ofan
af sér eftir vinnuna á meðan hún sé að aka á milli og
áreiðanlega á þetta ekki síður við um þá sem aka til
borgarinnar í vinnuna.
„Ég er búin að vinna hér á fasteignasölunni í
rúmt ár,“ segir Hafrún og kveður nei við þegar við
spyrjum hvort hún sé ekki á leiðinni að flytjast
austur. „Ég er ekkert að flytja.“ Hins vegar kemur
hljóð úr horni frá Soffíu Theodórsdóttur fasteigna-
sala, vinnuveitanda hennar, sem segir: „Jú, þú
ætlar að flytja!“ Okkur grunar reyndar að afstaða
Soffíu sé hagsmunatengd vegna þess að hún sér
fyrir sér að geta selt Hafrúnu hús ef hún getur talið
hana á að flytja til Hveragerðis!
Fyrsta skrefið í átt
að búferlaflutningum