Frjáls verslun - 01.03.2006, Síða 63

F R J Á L S V E R S L U N • 3 . T B L . 2 0 0 6 63
„Þetta eina skipti í starfskynningunni
hafði mikil áhrif á mig og gerði þetta allt
dularfullt líka. Ég varð knúinn til að finna
út úr því hvernig þetta ætti að virka en
svona getur þetta verið einfalt, eitt lítið
tækifæri sem situr alltaf í manni. Ég held
að það sé mjög gott að bjóða ungu fólki í
skólum upp á starfskynningar eða nám því
öll tenging sem hægt er að gera á skólaferli
við raunveruleikann hjálpar til að setja allt
í samhengi.
Fólk sem er í skóla fær mikið út úr því
að fá af og til alvörusnertingu við atvinnulíf
því skólaganga getur verið löng og hætta
á að samhenginu sé ekki náð. Þetta eina
skipti hafði mikil áhrif á mig og ég hugsa
oft til þess og þá sérstaklega með þakklæti
til kennarans.“
Eins manns sýning! Eftir mastersnámið
í Bandaríkjunum hélt Halldór heim á leið
og starfaði um skeið hjá Streng og Örtölvu-
tækni. Einnig starfaði hann hjá Skýrr og
komst þar í kynni við þýska hugbúnaðarfyr-
irtækið Software AG.
„Software AG kemur úr
stórtölvuumhverfi og þeir
höfðu verið með viðskipti á
Íslandi. Þetta er rótgróið fyr-
irtæki frá árinu 1969. Þeir
náðu miklum árangri á átt-
unda áratug síðustu aldar
og voru um tíma meðal
stærstu hugbúnaðarfyrirtækja í heiminum.
Ég vissi af þeim því að þegar ég vann hjá
Skýrr hafði ég verið að vinna með vörur
frá þeim. Ég þekkti einfaldlega vörurnar
af því að ég notaði þær,“ segir Halldór og
bætir við:
„Þeir voru að leita að einhverjum til að
setja upp skrifstofur á Íslandi og það kom í
minn hlut. Þetta var svona eins manns „sýn-
ing“, mjög skemmtilegur tími og lærdóms-
ríkur. Árið 1998 var staðan sú að fyrirtækið
var farið að dala hvað varðar hefðbundna
vöru og í kjölfarið voru gerðar skipulags-
breytingar til að koma á nýrri vöruþróun.
Það var skýrt hvað markaðurinn hér heima
vildi og ég var óhræddur að senda skilaboð
til höfuðstöðvanna þannig að ég fékk tæki-
færi til að taka þátt í nýrri vöruþróun fyrir
fyrirtækið.“
Íslendingur í alþjóðlegu umhverfi Halldóri
bauðst starf í höfuðstöðvum fyrirtækisins í
Darmstadt í Þýskalandi svo að hann fluttist
búferlum með konu sinni, Katrínu Guð-
mundsdóttur, og dóttur þeirra, Dórótheu.
„Þetta var tækifæri sem mér fannst ekki
vera þess virði að hafna. Í byrjun áttu
þetta að vera tvö til þrjú
ár erlendis en nú eru þau
orðin átta. Fyrirtækið
var alltof háð beinni sölu
og því var hlutverk mitt
meðal annars að koma
því út úr þeirri þróun og
byggja í stað þess upp
sölurásir. Það var mikil reynsla að koma
inn sem Íslendingur í alþjóðlegt umhverfi.
Mér fannst oft sem fólk héldi aftur af sér
hvað varðaði vandamál og væri ragt við að
segja frá þeim þegar þau komu upp. En ég
var Íslendingur sem var nógu vitlaus til að
segja slæmar fréttir og þá komu gjarnan
ný verkefni í kjölfarið til að leysa,“ útskýrir
Halldór brosandi.
- Telst þetta ekki að vera býsna frakkur?
„Frakkur, ég veit ekki. Ég held að stjórn-
endur vilji yfirleitt fá að vita sannleikann.
Þeir vilja eðlilega ekki vita af honum of
seint. Vegna þessara skýru og sjálfkrafa við-
bragða hjá mér átti ég mjög gott samstarf
við forstjóra fyrirtækisins.“
Það voru örar breytingar hjá Software
AG á þeim tíma sem Halldór var þar og
hann minnist þessa tíma með ánægju. En
allt tekur einhvern tíma enda og svo varð
einnig um starf Halldórs hjá Software AG.
„Ég setti upp útibú fyrir fyrirtækið í
Bandaríkjunum. Var í sjö mánuði starfandi
aðstoðarforstjóri markaðsmála í Bandaríkj-
unum. Síðan lentum við í samrunafasa við
stærsta endursöluaðila okkar þar í landi og
þegar salan á fyrirtækinu var í höfn fór ég
aftur til Þýskalands. Ég hafði mikið til verið
einn í Bandaríkjunum og hafði mikil yfir-
ráð en síðan var annað uppi á teningnum
í Þýskalandi þar sem mínar framtíðarhug-
myndir um stefnu fyrirtækisins voru ekki
í samræmi við hugmyndir yfirmanna fyrir-
tækisins. Því sá ég mér þann kost vænstan í
stöðunni að segja starfi mínu lausu og nýta
krafta mína annars staðar.“
Upp metorðastigann hjá Microsoft! Mál-
tækið „þegar einar dyr lokast þá opnast
aðrar“ á svo sannarlega vel við á þessu tíma-
bili í lífi Halldórs. Eftir brotthvarf hans frá
Software AG hóf hann störf hjá Microsoft
fyrri hluta árs 2002.
„Microsoft hafði verið einn af samstarfs-
aðilum okkar og ég hafði góða tilfinningu
fyrir því hvernig þeir starfa með samstarfs-
aðilum. Mig langaði að vinna fyrir þetta
fyrirtæki sem var með stefnumótun hvað
varðar samstarfsaðila í samræmi við mínar
hugmyndir,“ segir Halldór og bætir við:
HALLDÓR
HJÁ MICROSOFT
Bill Gates er andlit Microsoft og stærsti hluthafinn í fyrirtækinu. Þeir Halldór hafa verið í sam-
skiptum vegna ráðstefna hjá fyrirtækinu.
Ég veit ekki um neitt
annað fyrirtæki sem
er eins ákaft og hefur
svona marga drifkrafta
eins og Microsoft.