Frjáls verslun - 01.03.2006, Blaðsíða 26

DAGBÆKUR
FORSTJÓRA
„Ég er morgunmaður og verður mest úr verki
fyrir hádegi. Viðtöl og fundi reyni ég helst að
afgreiða að morgninum, enda er fólk þá best
vakandi og hugurinn úthvíldur. Síðdegis reyni
ég hins vegar að hafa nokkuð óbókað hér á
skrifstofunni, enda í mörg horn að líta í starf-
inu. Kópavogsbær er stórt fyrirtæki,“ segir
Gunnar I. Birgisson, bæjarstjóri í Kópavogi.
Starf verktaka og bæjarstjóra áþekkt
Gunnar er gjarnan kominn á stjá upp úr
klukkan sex á morgnana. Tíðum er hann kom-
inn um klukkan sjö á líkamsræktarstöðina
GYM 80 til einkaþjálfarans Jóns bónda, sem
um fimmtán ára skeið var starfsmaður Gunn-
ars hjá verktakafyrirtækinu Klæðningu hf. „Ég
er á brettinu og í lyftingum, hálftíma í hvoru,
og þá gefst oft góður tími til að velta fyrir
sér þeim verkefnum sem bíða. Gjarnan er ég
svo kominn á skrifstofuna um klukkan átta,“
segir Gunnar sem fundar á degi hverjum með
helstu embættismönnum sínum þar sem lín-
urnar eru lagðar.
Á mánudags- og þriðjudagsmorgnum er
hann með viðtalstíma fyrir bæjarbúa og aðra
sem þess óska. Málin, sem fólk reifar við
bæjarstjórann í þessum viðtalstímum, er af
ýmsum toga.
„Margir koma vegna mjög persónulegra
málefna og leita ásjár. Oft dugar fólki hvatn-
ing og huggun í slíkum tilvikum, í öðrum
tilvikum þarf viðkomandi aðstoð, svo sem af
hálfu bæjarins. Oft á fólk virkilega um sárt
að binda og í slíkum tilvikum þarf maður
að bregða sér í hlutverk sálfræðings,“ segir
Gunnar. Hann segir sitthvað áþekkt í starfi
verktaka og bæjarstjóra, í báðum tilvikum
sé vinnudagurinn langur
og strangur, en árangurs
starfsins sjáist fljótt stað.
Á Alþingi sé gangurinn allt
annar. Þar séu meiri mála-
lengingar og oft líði langur
tími frá því ákvörðun er
tekin uns henni er hrint í
framkvæmd.
Ég hef góða lyst
„Hér á skrifstofunni er
maður gjarnan fram að kvöldmat, fer þá heim
og oft eru kvöldin notuð í að lesa ýmis gögn
eða vinna í tölvunni. Oft eru svo fundir eða
ráðstefnur úti í bæ á kvöldin eða um helgar
þar sem maður þarf að leggja orð í belg um
hin ýmsu málefni Ég reyni að sinna
þeim erindum svo sem hægt er,
en annars er vil ég sem mest
sitja hér á skrifstofunni. Ég er
ráðinn af bæjarstjórn til að
stjórna því fyrirtæki sem Kópa-
vogsbær er og þeirri skyldu
finnst mér ég sinna best með
því að vera á minni skrifstofu,
þangað sem þræðirnir liggja.“
Hádegishléið hjá Gunnari
er um hálftími, ef ekki koma
til fundir sem gjarnan
eru einmitt milli
klukkan tólf
og eitt.
„Ef ég er hér á skrifstofunni í hádeginu skýst
ég gjarnan fram í mötuneyti og eins og þú
sérð á holdafari mínu þá hef
ég góða lyst. Síðan bætist
við að í starfi mínu tilheyrir
að vera á samkomum þar
sem boðið er upp á fínirí í veit-
ingum; alls konar jólakökur
og tertur. Ég reyni að halda
í við mig og verð að gæta
þess enn meira nú í seinni
tíð þegar maður er kominn í
kyrrsetustarf. Stundum fer ég
í megrun og næ af mér 20
til 30 kílóum. þegar ég tek
mér virkilega tak. Þau vilja hins vegar koma
fljótt aftur, stundum segi ég að holdafar mitt
sé líkast flóði og fjöru og nú þegar kílóunum
fækkar er útfiri.“
Á skrifstofuna liggja þræðirnir
„Vera á samkom-
um þar sem boð-
ið er upp á fínirí
í veitingum; alls-
konar jólatertur
og kökur. Ég
reyni að halda í
við mig ...“
GUNNAR INGI BIRGISSON
Gunnar Ingi Birgisson,
bæjarstjóri í Kópavogi.
26 F R J Á L S V E R S L U N • 3 . T B L . 2 0 0 6