Frjáls verslun - 01.05.2006, Side 36

ÁHRIFA
MESTU 20ÁHRIFAMESTU 20
Margrét Kristmannsdóttir, framkvæmdastjóri Pfaff-
Borgarljósa, hefur verið mjög atkvæðamikil í viðskipta-
lífinu eftir að hún varð formaður FKA, Félags kvenna
í atvinnurekstri. Hún hefur beitt sér mjög fyrir aukinni
þátttöku kvenna við stjórnun fyrirtækja og í hennar
formannstíð hefur vegur FKA aukist til muna. Margrét
hefur verið varaformaður í stjórn Félags íslenskra
stórkaupmanna, FÍS, undanfarin ár. Hún hefur forystu-
hæfileika og hefur augljós áhrif í gegnum FKA og FÍS,
en þess utan hefur hún verið tíður gestur í fjölmiðlum
sem talsmaður FKA og rætt þar um aukið jafnrétti
kynjanna í viðskiptalífinu.
Þegar Margrét er spurð hvað þurfi að gera svo að
konur komist auðveldar í stjórnunarstöður segir hún:
„Ég er búin að velta þessu mikið fyrir mér og komist
að þeirri niðurstöðu að það þurfi að beina athyglinni að
þeim aðilum sem hafa þetta í hendi sér, það er þeim
mönnum sem ráða í stjórnunarstöður og velja í stjórnir
fyrirtækja. Þeir hafa völdin og hjá þeim þarf að verða
hugarfarsbreyting - þeir þurfa að víkka út leitarskilyrð-
in þegar kemur að ráðningum í stjórnunarstöður. Það
þarf að koma þeim skilaboðum í gegn að þau fyrirtæki
sem nýta bæði kynin skila betri afkomu - en síðan
styttist einfaldlega í það að þau fyrirtæki sem hafa
einsleitar stjórnir þykja hallærislegar og gamaldags,“
segir Margrét.
Margrét Kristmannsdóttir,
formaður FKA.
MARGRÉT
KRISTMANNSDÓTTIR
framkvæmdastjóri Pfaff-Borgarljósa
og formaður FKA
36 F R J Á L S V E R S L U N • 5 . T B L . 2 0 0 6