Frjáls verslun - 01.05.2006, Side 46

46 F R J Á L S V E R S L U N • 5 . T B L . 2 0 0 6
Á H R I F A M E S T U K O N U R N A R 2 1 - 8 0
MELRÓS EYSTEINSDÓTTIR
sparisjóðsstjóri Sparisjóðs Hornafjarðar
og nágrennis.
Melrós er áhrifamikil á Hornafirði og Djúpavogi, en
sparisjóðurinn er sterkur í þessum tveimur bæjum.
VALGERÐUR H. SKÚLADÓTTIR
framkvstj. hugbúnaðarhússins Sensa.
Valgerður er ein nokkurra kvenna sem hefur áhrif
í hugbúnaðargeiranum og lætur þar til sín taka.
Hún hefur verið framkvæmdastjóri Sensa um ára-
bil. Félagsmenn í VR kusu Sensa fyrirtæki ársins
2006 í flokki minni fyrirtækja.
HELENA JÓNSDÓTTIR
framkvstj. sölumála hjá KB banka á Íslandi.
Helena er framkvæmdastjóri sölu- og þróunarsviðs
Kaupþings á Íslandi og hefur sem slík mikil áhrif
þar sem bankinn er sókndjarfur og umsvifamikill
á Íslandi.
PÁLÍNA PÁLMARSDÓTTIR
framkvstj. markaðssviðs hjá Kaupþingi banka á
Íslandi.
Pálína er framkvæmdastjóri markaðssviðs Kaup-
þings á Íslandi. Bankinn er stór auglýsandi hér-
lendis og hefur oft vakið athygli fyrir auglýsingar
sínar og herferðir á undanförnum árum.
TINNA GUNNLAUGSDÓTTIR
þjóðleikhússtjóri.
Tinna varð á síðasta ári fyrst kvenna til að verða
þjóðleikhússtjóri og er sem slík einn allra áhrifarík-
asti einstaklingurinn í leiklistargeiranum með því
að móta stefnu og efnisskrá Þjóðleikhússins.
MARGRÉT HALLGRÍMSDÓTTIR
þjóðminjavörður.
Margrét hefur staðið sig frábærlega sem þjóð-
minjavörður og nýlega hlaut Þjóðminjasafn Íslands
eitt þriggja safna viðurkenningu fyrir framúrskar-
andi árangur í samkeppni Evrópuráðs um safn Evr-
ópu árið 2006.
ÞÓRANNA JÓNSDÓTTIR
framkvstj. viðskiptaþróunar hjá Vistor.
Þóranna söðlaði um á síðasta ári og hætti sem
lektor og aðstoðardeildarforseti við Háskólann í
Reykjavík og hóf störf sem framkvæmdastjóri við-
skiptaþróunar Vistor. Hún er með meistaragráðu
í lyfjafræði. Hún hefur verið mjög áberandi undan-
farin ár sem fyrirlesari á ráðstefnum og mjög haft
sig í frammi.
GUÐBJÖRG ALFREÐSDÓTTIR
framkvæmdastjóri lyfjasviðs Vistors.
Guðbjörg hefur verið mjög áberandi í lyfjageiranum
síðustu þrjátíu árin og hefur verið í stjórnunar- og
áhrifastörfum innan hans í yfir tvo áratugi. Hún er
í nefnd heilbrigðisráðherra sem ætlað er að móta
framtíðarstefnu lyfjamála á Íslandi. Áður starfaði
Guðbjörg hjá Pharmaco, forvera Vistors. Hún
er önnur tveggja kvenna sem situr í stjórn FÍS,
Félags íslenskra stórkaupmanna.
Ólöf Októsdóttir, eigandi Danól
og Ölgerðarinnar.
Tinna Gunnlaugsdóttir
þjóðleikhússtjóri.
Margrét Hallgrímsdóttir, þjóðminjavörður.
Þóranna Jónsdóttir
framkvstj. viðskiptaþróunar hjá
Vistor.
Valgerður H. Skúladóttir, framkvstj. hugbúnaðar-
hússins Sensa.