Frjáls verslun - 01.05.2006, Side 80

80 F R J Á L S V E R S L U N • 5 . T B L . 2 0 0 6
Ólga og vonbrigði
Konur eru einungis 4,4% af stjórnar-
mönnum í fyrirtækjum sem skráð eru í
Kauphöll Íslands og fækkaði úr 6 í 4 á
milli ára. „Konur eru óánægðar enda virð-
ist vel menntuðum konum ganga mjög
hægt að komast í toppstöður. Konur í
íslensku viðskiptalífi eru mjög ósáttar
við hlutfall kvenna í stjórnun fyrirtækja
og í toppstöðum. Þrátt fyrir að konur
hafi gert byltingu í því að mennta sig, og
ef eitthvað er þá eru þær betur mennt-
aðar en karlmenn í dag, þá virðist þessi
menntun skila konum lítt áfram. Það
er ólga á meðal kvenna en einkum von-
brigði. Við höfum bent á að þau fyrirtæki
virðast skila miklu betri árangri þar sem
konur og karlmenn stjórna saman. Enn
sem komið er virðast þessi skilaboð ekki
hafa náð í gegn. Valdið liggur hjá þeim
körlum sem eiga fyrirtækin. Við getum
ekki annað en haldið áfram að hamra á
því að íslenskar konur eru vannýtt auð-
lind. Ég vona að aðilar í viðskiptalífinu
átti sig á þeim krafti og þeirri auðlind sem
býr í konum. Þeir verða að átta sig á að
það er slæmt fyrir viðskiptalífið og samfé-
lagið að vannýta annað kynið.“
Margrét segir að viðhorfsbreyting sé
nauðsynleg til að hlutur kvenna aukist
í stjórnunarstöðum. „Karlmenn þurfa að
víkka sjóndeildarhring sinn og ekki síst
leitarskilyrði þegar þeir leita að nýjum
stjórnarmönnum eða nýjum aðilum til að
ráða í toppstöður.
Ég vona að félaginu takist að efla rödd
kvenna innan viðskiptalífsins, en það
vantar að rödd þeirra fái að hljóma betur,
og að sjónarmiðum okkar verði gert hærra
undir höfði. Númer eitt, tvö og þrjú er þó
að karlmenn og konur í íslensku viðskipta-
lífi nái að vinna saman því jafnrétti næst
aldrei nema þessir hópar keppi saman að
því takmarki.
Félagskonur FKA á góðri stundu.
Hillary Clinton var fyrsta konan til að hljóta FKA viðurkenninguna, en það var árið 1999.
Margrét Kristmannsdóttir formaður FKA
ásamt Sofíu Johnson framkvæmdastjóra
FKA taka inn félaga nr. 500, Guðfinnu
Theodórsdóttur.