Tímarit Máls og menningar - 01.03.1991, Page 22

þeirra ásakana um einangrunarstefnu sem
hann yrði fyrir. Allskonar frelsispostular
myndu að sjálfsögðu rísa upp og reynslan
kennir að það er erfitt að standa gegn sam-
einuðum kórsöng þeirra.
Þriðja leiðin er þá eftir. Hún er sú að koma
hér upp þeirri aðstöðu sem til þarf að við
höfum raunverulegt val um erlent sjón-
varpsefni. Þetta er áreiðanlega mjög dýr
leið, en sennilega samt sú eina sem til fram-
búðar kemur að haldi. Hún fæli í sér að við
fengjum aðgang að tveim til þrem tugum
sjónvarpsstöðva, en þá ekki aðeins enskum
eða amerískum heldur einnig þýskum,
frönskum, ítölskum o.s.frv. Með aukinni
Evrópusamvinnu hlyti þetta að vera bæði
fær og bærileg leið. Islenskri menningu
væri vitaskuld hætt eftir sem áður, en ekki
á sama hátt.
Það er reynsla annarra þjóða að sjón-
varpsáhorf minnkar þegar framboðið fer
yfir ákveðið mark. Þannig hefur dregið úr
áhorfi í Stóra-Bretlandi undanfarin ár, þótt
Menningarstarf íslensku
sjónvarpsstöðvanna verður
að stóreflast.
(...)
s
lslensk menning mun að sjálf-
sögðu ekki lifa á vernd held-
ur á því að hún sé sterk.
(...)
Þá verður og að setja
skólastarf á Islandi í
forgangssœti í opinherum
framkvœmdum.
framboð hafi vaxið hröðum skrefum. Hið
sama myndi áreiðanlega gerast hér með
tímanum. En jafnframt verður vitanlega að
gera fleira.
Menningarstarf íslensku sjónvarpsstöðv-
anna verður að stóreflast. Þar hlýtur ríkið
að hafa alvarlegastar skyldur, enda hefur
hið kalda kapítal sjaldan nokkrum skyldum
að gegna. íslensk menning mun að sjálf-
sögðu ekki lifa á vemd heldur á því að hún
sé sterk. Og með íslenskri menningu mun
íslensk tunga líka lifa. Án menningarinnar
deyr hún — og verður aðeins fáum sér-
vitringum harmdauði.
Þá verður og að setja skólastarf á íslandi
í forgangssæti í opinberum framkvæmdum.
Það verður að skilgreina hlutverk skólanna
upp á nýtt, það verður að skapa þeim skil-
yrði til starfa við nýjar aðstæður, meðal
annars með því að veita til þeirra fjármagni,
breyta rekstrarháttum og stuðla að endur-
menntun kennara til nýrra verkefna innan
skólanna.
Allt þetta og hugsanlega margt fleira hef-
ur Persaflóastríðið þegar kallað yfir okkur
með tilstyrk misviturra leiðtoga. Við því
verðum við að bregðast.
Við samningu þessarar greinar var beint eða
óbeint stuðst við eftirtaldar greinar, frétta-
klausur og viðtöl í dagblöðum fram til mán-
aðamóta janúar/febrúar:
Ámi Bergmann (ÁB: „Klippt og skorið.“
Þjóðviljinn 22. janúar 1991.
Ásgeir Sverrisson: „Persaflóastyrjöldin og sér-
staða fjölmiðla." Morgunblaðið 20. janúar
1991 (Baksvið).
Helgi Bjamason: „íslendingar ná nú hátt í
þrjátíu stöðvum og tvöföldun er í aðsigi.“
12
TMM 1991:1