Morgunblaðið - 20.12.2014, Blaðsíða 52

52 MINNINGAR
MORGUNBLAÐIÐ LAUGARDAGUR 20. DESEMBER 2014
✝ Berglind Eiðs-dóttir fæddist
í Vestmannaeyjum
16. nóvember
1974. Hún and-
aðist 6. desember
2014.
Foreldrar henn-
ar eru Eiður Mar-
ínósson, f. 1939, d.
2000, og Sig-
urborg Engilberts-
dóttir, f. 1944,
sem býr í Vestmannaeyjum.
Systkini Berglindar eru
Marín Eiðsdóttir, f. 1962, Eng-
ilbert Eiðsson, f.
1964, d. 1984, og
Matthildur Eiðs-
dóttir, f. 1961, d.
2010.
Synir Berg-
lindar eru: Alex-
ander Freyr
Brynjarsson, f.
1993, og Engilbert
Egill Stefánsson,
f. 1997.
Útför Berg-
lindar fer fram frá Landa-
kirkju í dag, 20. desember
2014, og hefst athöfnin kl. 14.
Elsku frænka og vinkona, ég
er hálffrosin ennþá og orðin
snúast í hringi í hausnum á
mér.
Ég vildi óska að þú hefðir
vitað hversu góð manneskja þú
varst, held að þú hafir aldrei
gert þér grein fyrir því. Þú
vildir alltaf gera allt fyrir alla,
sama hvað, þótt það þýddi að
þú þyrftir að breyta plönum
þínum.
Þú ert sannarlega dóttir Bos-
sýjar, góðmenskan og hjalp-
semin alltaf, sama hvað.
Ég hefði viljað segja svo
margt við þig og það nístir
hjarta mitt að ég fékk ekki tök
á því.
Allar minningar mun ég
varðveita vel og aldrei gleyma,
Gula hættan, rúnturinn niður
Laugaveginn 2001, Gabriella
sem við sungum hástöfum.
Ég vona svo innilega að þér
líði vel á þeim stað sem þú ert á
núna, með bróður þínum,
pabba, systur og fleirum, ég bið
þess að þú sért á stað sem þér
loksins líður vel á, elsku frænka
og vinkona.
Ég fylgist með strákunum
þínum, alltaf.
Það virðist oft svo skrýtið
með æðri máttar vald
hann velur fyrst þá góðu
tekur upp í himnasal
og núna ertu farin
hví fórstu svona skjótt
en vita skaltu ávallt
að þín við minnumst dag og nótt
ég sakna þín
þú veist það vel
þú varst mér svo margt.
Kveðja,
Sigrún Þorvaldsdóttir.
Það er ekki auðvelt að setjast
niður og ætla að skrifa minn-
ingargrein um æskuvinkonu
sína, sem er farin frá okkur í
blóma lífsins, það er svo margt
sem kemur upp í hugann, það
er svo margs að minnast um
þessa brosmildu, skemmtilegu
stelpu sem var heimalningur á
heimilinu mínu þegar við vorum
ungar stelpur, það væri auð-
veldara að draga fram fullt af
myndum og sýna öllum hvað
þessi fallega stelpa var
skemmtileg, góð og falleg. En
suma hluti verður maður að
telja upp eins og Íslandsmetið
okkar Beggu í að labba hring
eftir hring eftir hring niðri í bæ
heima í Eyjum, það var farið út
um leið og kvöldmatur var bú-
inn og fórum ekki heim fyrr en
við vorum þess fullvissar að við
værum einar eftir. Tóta-
turns-hamborgararnir og kókó-
mjólk klikkar ekki, bryggjusím-
inn, rúnturinn með strákunum,
fermingardagarnir okkar, ferð-
irnar okkar í Féló, spilakassa-
kvöldin í OZ, þegar ég og
mamma heimsóttum þig „um
daginn“ í Eyjum og eldhúsið
hjá þér var fullt af snúðum og
ilminn af Beggusnúðunum lagði
út á bílaplan og að sjálfsögðu
fékk ég uppskriftina að þessum
dýrindis snúðum, bestu snúðar
sem ég hef smakkað, uppskrift-
ina mun ég varðveita og koma
áfram til þeirra sem vilja. Eyja-
kvöldin í bænum.
Elsku Begga, það er erfitt að
trúa því að ég fái ekki að heyra
í hláturmildu stelpunni aftur í
símanum, sjá fallega brosið þitt,
fallegu stelpuna sem geislaði af
gleði í hjarta sínu og vildi öllum
vel, en það er til fullt af minn-
ingum og myndum um þig sem
við getum yljað okkur við.
Núna eru pabbi þinn, Eddi
bróðir þinn, Ingó og Einar Vil-
berg vinir okkar búnir að taka
á móti þér opnum örmum, viltu
skila kveðju til þeirra allra. Ég
gæti haldið endalaust áfram en
hér ætla ég að láta staðar num-
ið.
Í dag verður kveikt á bleiku
kerti sem er tileinkað þér, fal-
lega okkar.
Falleg sál nú farin er,
bið Guð um hana að geyma.
Sorgin situr í hjarta mér,
ég aldrei mun þér gleyma.
Frið þú finnur loksins nú,
mín elsku kæra vina.
Á himni uppi ert það þú,
sem passar alla hina.
(Benjamín Steinarsson)
Elsku Alexander Freyr,
Engilbert Egill, Sigurborg,
Marín og fjölskylda, ég votta
ykkur mína dýpstu samúð á
þessum erfiðu tímum og bið
Guð að veita ykkur styrk í þess-
ari miklu sorg, minning Beggu
lifir sem ljós í lífi okkar um
ókomna tíð.
Í dag verður kveikt á bleiku
kerti sem er tileinkað þér.
Kveðja. Þín vinkona
Ingibjörg (Inga).
Elsku fallegi bleiki engillinn
minn. Það eru erfið skref að
setjast niður og skrifa minning-
argrein um þig, elsku hjartans
Begga mín. Ég á þér svo margt
að þakka, þú hefur kennt mér
svo mikið og verið mér eins og
mamma, eins og ég kallaði þig
oft þá varstu besta skámamma
sem hægt var að eiga.
Líf þitt var ekki alltaf dans á
rósum en sama hvað bjátaði á
þá varstu alltaf tilbúin til að
gera hvað sem er fyrir alla. Það
eru mörg hjörtu brostin af sorg
og stórt skarð sem þú skilur
eftir þig sem verður ekki fyllt.
Lífið er ósanngjarnt en það
besta sem maður á eru minn-
ingar og ég er svo heppin að
eiga margar og góðar minning-
ar um þig, elsku Begga mín. Ég
gæti skrifað heila bók um allt
sem þú gerðir fyrir mig og allar
minningarnar okkar saman. Ég
verð þér ævinlega þakklát fyrir
allt. Það sem er mér efst í huga
eru Þjóðhátíð 2009 og 2010 þar
sem þú leyfðir mér og vinum
mínum að vera hjá þér. Við vor-
um svo velkomin í allt sem var
um að vera hjá þér og fjöl-
skyldu þinni, kjötsúpa hjá
mömmu þinni og alltaf velkom-
in í aðal hvíta tjaldið. Það verða
erfið skref að vera á Þjóðhátíð
án þín. Einnig er ég mikið
þakklát fyrir sumarið sem ég
bjó í Eyjum og var að vinna, þá
heimsótti ég þig mjög reglu-
lega. Þú dróst mig upp á
Heimaklett og ég á alltaf þá
minningu að hafa farið í fyrsta
skipti upp á Heimaklett með
þér og mun hugsa til þín í hvert
skipti sem ég horfi þangað. Við
fórum saman í kvennahlaupið
það sumar og skemmtum okkur
alltaf rosalega vel. Ég gleymi
því ekki þegar þú sýndir mér
Friends-spólurnar þínar í fyrsta
skipti – á VHS. Ég hef ekki
hætt að horfa á Friends síðan
þá og það minnir mig alltaf á
þig.
Ég kveð þig með trega, ef ég
bara gæti faðmað þig einu sinni
enn og sagt þér hversu mikið
ég elska þig.
Mér þykir sárt að geta ekki
fylgt þér síðustu skrefin en ég
hugsa til þín á hverjum degi og
kveiki á kerti til minningar um
þig.
Elsku fallega Begga mín
mikið sem ég sakna þín.
Þungum fréttum er erfitt að kyngja
en núna veit ég að englar syngja.
Að sakna þín er svo sárt
en minning lifir, það er klárt.
Allt sem þú kenndir mér er mér allt
ég elska þig þúsundfalt.
Ég veit þú vakir yfir mér
ásamt þínum vinaher.
Fallegur engill ert þú nú
við sjáumst seinna, það er mín trú.
(Tanja Rut Hermansen)
Elsku Bossý, Marín, Alex-
ander, Engilbert og aðrir að-
standendur, ég votta ykkur
mína dýpstu samúð við fráfall
Berglindar. Hún er engill sem
vakir yfir okkur öllum.
Elsku Begga mín, mundu
bara eitt, ég elska þig skilyrð-
islaust. Þú ert í bænum mínum
og minningin um einstaka
manneskju lifir í hjarta mínu.
Þangað til næst. Þín
Tanja Rut Hermansen.
Elsku hjartans Begga mín,
ég hef alltaf átt mjög auðvelt
með að skrifa til þín en þetta er
í fyrsta sinn sem ég á mjög erf-
itt með það. Minningarnar
streyma um huga minn og það
rifjast upp allt sem við höfum
gert í gegnum tíðina saman.
Hver hefði trúað því að ég væri
að kveðja þig í hinsta sinn þeg-
ar ég heyrði í þér síðast? Vá
hvað ég er þakklát fyrir þau
símtöl sem voru mörg, mjög
dýrmæt og þú varst harðákveð-
in í að þú ætlaðir sko aldrei að
láta neinn komast upp á milli
okkar. Ég er svo þakklát fyrir
að hafa átt þær stundir með
þér. Ég geymi þær í hjarta
mínu.
Hjartað mitt er mölbrotið,
sársaukinn óbærilegur og sökn-
uðurinn endalaus, bara ef ég
reyni eins og ég get að segja
ekki þetta orð ef en ég veit í
hjarta mínu að þú varst þakklát
fyrir allt sem ég gerði fyrir þig
og með þér. Þú sagðir einu
sinni við mig: „Veistu það,
Gunna, þótt ég væri úti í Kína
myndir þú bjarga mér.“ Ég ylja
mér við þessi orð þín.
Við vorum búnar að þekkjast
síðan ég var 14 og þú 13 ára,
við byrjuðum á að vera penna-
vinkonur. Þegar við hittumst í
fyrsta sinn var eins og við hefð-
um alltaf verið vinkonur, við
náðum svo vel saman. Þegar ég
kom fyrst til Vestmannaeyja
opnuðu foreldrar þínir heimilið
ykkar upp á gátt eins og ég
væri ein af ykkur. Þau tóku svo
vel á móti mér, svo elskuleg og
góð við mig. Ég var alltaf vel-
komin hvenær sem var. Ég er
svo heppin að hafa fengið að
kynnast yndislegri fjölskyld-
unni þinni.
Þegar ég var nýkomin með
bílpróf náðum við að suða um
að fá bílinn hjá mömmu þinni
og pabba lánaðan til að fara á
rúntinn, svakalegar pæjur á
hvíta station-bílnum, ég var
ekki alveg nógu klár í að bakka
svo þú fannst lausnina á svip-
stundu. Þér fannst tilvalið að
keyra bara hringinn í kringum
einbýlishús, og við hlógum okk-
ur máttlausar af uppátækinu
okkar.
Ein af mínum uppáhaldsferð-
um með þér var til London með
Jóa Ragg, við brölluðum mikið
saman þar, skelltum okkur á
tónleika með Status Quo og
George Michael, við vorum agn-
dofa hvað þetta voru flottir tón-
leikar og við sungum hástöfum
með. Arsenal-leikurinn var líka
rosalega góður en við misstum
af honum því við þurftum að
vera á trúnó. Ég geymi í hjarta
mínu þær stundir sem við átt-
um saman og skoða myndirnar
úr þessari ferð sem Jói Ragg er
búinn að vera að senda mér.
Ef ég myndi rifja upp allt
það sem við höfum átt og gert
saman myndi það vera efni í
heila bók, ef ekki bindi. Þú
elskaðir tónlist og áttir rosalega
marga geisladiska, vissir allt
um tónlist, ég var svo heppin að
þú gafst mér marga diska sem
voru þín uppáhaldslög, sem ylja
mér um hjartarætur á þessum
erfiðu tímum. Þegar við fórum í
ferðalög þá sást þú tónlistina
því enginn gat valið flott lög
eins og þú.
Ég veit í hjarta mínu að
pabbi þinn, Eddi bróðir og allir
hinir englarnir taka vel á móti
þér og passa upp á þig, bleika,
fallega engilinn sem kominn er
til himna.
Elsku hjartans Alexander,
Engilbert, Bossý, Marín, fjöl-
skyldur og vinir, mínar innileg-
ustu samúðarkveðjur, megi góð-
ur Guð styrkja ykkur og leiða í
þessari miklu sorg. Elsku
Begga mín, þín verður sárt
saknað en minning um frábæra,
hjartahlýja, skemmtilega og
yndislega vinkonu mun ylja
okkur um hjartarætur.
Með þínum orðum kveð ég
þig, eins og þú sagðir alltaf við
mig:
„Ég elska þig alveg upp í
topp, bestust.“
Þín vinkona að eilífu,
Guðrún Ósk Hermansen
(Gunna Ósk).
Elsku Berglind, fréttir af frá-
falli þínu voru okkur ekki auð-
veldar, þú varst tekin í blóma
lífsins. Það er svo margs að
minnast þegar maður rifjar upp
tímana í návist þinni. Þú varst
Berglind
Eiðsdóttir
Flatahraun 5a • www.utfararstofa.is • Símar: 565 5892 & 896 8242
ÚTFARARSTOFA HAFNARFJARÐAR
ÚTFARARSTOFA ÍSLANDS
Auðbrekku 1, Kópavogi • Símar 581 3300 & 896 8242 • www.utforin.is
Sverrir
Einarsson
Kristín
Ingólfsdóttir
Hinrik
Valsson
STOFNUÐ 1996
STOFNUÐ 1996
Ástkær faðir okkar, afi og unnusti,
PÁLL ÞÓRARINSSON,
Hraunbæ 34,
Reykjavík,
varð bráðkvaddur á heimili sínu
föstudaginn 12. desember.
Útförin fer fram frá Árbæjarkirkju mánudaginn 22. desember
kl. 13.00.
Blóm og kransar vinsamlegast afþakkaðir en þeim sem vilja
minnast hans er bent á reikn. bræðranna 0113-26-060595, kt.
060595-2599.
.
Hanna Lára, Ingi Hrafn,
Þórarinn Árni og Jón Guðmann Pálsbörn,
Ásta Sveinbjörnsdóttir.
Ástkær eiginmaður minn, faðir, mágur og
svili,
PAUL M. SMITH
læknir,
Dinas Powys, Wales,
andaðist föstudaginn 12. desember.
Útförin fer fram 5. janúar 2015.
.
Ragnheiður Ólafsdóttir,
Ásta Guðrún Smith,
Karl M. Smith,
Ástrós Arnardóttir, Karl Skírnisson.
Frænka okkar,
HILDUR ANNA BJÖRNSSON,
Grjótnesi,
síðast til heimilis að Hvammi,
heimili aldraðra Húsavík,
verður jarðsungin frá Snartarstaðakirkju laugardaginn 27.
desember klukkan 14.
Þeim sem vilja minnast hennar er bent á Flygilvini, tónlistarfélag
við Öxarfjörð, kennitala 500305-0370, banka- og
reikningsnúmer 1129-05-300070.
.
Kai, Silke, Leana og Max Krellenberg,
Hamborg, Þýskalandi.
✝
Útför móður okkar, tengdamóður og ömmu,
GUÐRÚNAR SIGURÐARDÓTTUR,
Fossvogsbrún 6,
Kópavogi,
sem lést mánudaginn 8. desember, fer fram
frá Bústaðakirkju mánudaginn 22. desember
kl. 13.00.
Sigrún Alda Michaelsdóttir, Guðjón Ágústsson,
Bragi Michaelsson, Auður Ingólfsdóttir,
Snorri Guðlaugur Tómasson, Jóna Björg Jónsdóttir,
Margrét Sigríður Halldórsdóttir
og aðrir aðstandendur.
Elskulegur pabbi okkar, tengdapabbi og afi,
ÓSKAR HJARTARSON
frá Vestmannaeyjum,
bílstjóri og bifvélavirki,
Sæviðarsundi, Reykjavík,
lést 15. desember á hjartadeild
Landspítalans við Hringbraut. Útför hans fer fram frá
Fossvogskirkju mánudaginn 22. desember kl. 13.00.
.
Sigurborg Óskarsdóttir,
Ólöf Sesselja Óskarsdóttir, Árni Árnason,
Hrafnhildur Árnadóttir,
Arngunnur Árnadóttir,
Valgerður Árnadóttir.
Útfararþjónusta
Hafnarfjarðar
Sími: 565-9775
www.uth.is. uth@simnet.is.
Við sjáum um alla þætti útfararinnar.
Seljum kistur,krossa og duftker hvert
á land sem er.
Persónuleg þjónusta.
Stapahrauni 5 Hafnarfirði.