Morgunblaðið - 21.02.2015, Blaðsíða 6

6 FRÉTTIRInnlent
MORGUNBLAÐIÐ LAUGARDAGUR 21. FEBRÚAR 2015
Agnes Bragadóttir
agnes@mbl.is
Þorkell Ásgeir Jóhannsson, flug-
stjóri hjá Mýflugi, segir að ástand
flugvalla víða um land sé með öllu
óboðlegt. Verst sé það á Norðfirði,
sem sjúkraflugvél Mýflugs þurfi oft
að fljúga til, vegna þess að þar er
fjórðungssjúkrahúsið.
Þorkell Ásgeir skrifaði blogg-
færslu á Mogga-bloggið hinn 16.
febrúar sl. í tilefni þess að Keflavík-
urflugvöllur var valinn besti flug-
völlur í Evrópu á síðastliðnu ári í
viðamikilli þjónustukönnun meðal
farþega sem framkvæmd er á helstu
flugvöllum um allan heim.
Þorkel Ásgeir skrifaði m.a.: „Það
er vissulega ástæða til að gleðjast
með starfsfólki Isavia yfir þessum
glæsilega árangri. En gleði mín tak-
markast því miður við þá staðreynd
að í starfi mínu sem flugmaður í
sjúkraflugi á ég einatt erindi til
flestra annarra flugvalla sem Isavia
hefur það hlutverk að annast hér á
landi.
Og ég vildi að hægt væri að segja
jafngóða sögu af frammistöðu Isavia,
t.d. í því hversu „vel“ er gert við það
einvala lið fólks sem ég og kollegar
mínir þurfum að kveðja til aðstoðar á
öllum tímum sólarhringsins, í öllum
veðrum, hátíðisdaga sem aðra, allan
ársins hring.“
Ekki hægt að kalla flugbraut
Þorkell sagði í samtali við
Morgunblaðið að þótt ástand flug-
valla úti á landi væri víða slæmt væri
það sýnu verst á Norðfirði. „Ástand-
ið þar er svo slæmt að það er ekkert
hægt að kalla þetta flugbraut. Þetta
er bara ræma sem verður ekkert
annað en drulla þegar það kemur sól-
bráð á veturna. Brautin er bara
brúkleg fyrir okkur á veturna, ef hún
er frosin, en samt sem áður ekki allt-
af því ef það liggur klakabrynja ofan
á brautinni sem menn leggja ekki í að
ryðja burt, vegna hættunnar á að
ryðja um leið yfirborðinu. Þá getum
við ekki notað brautina. Vitanlega er
þetta mjög bagalegt fyrir okkur í
sjúkrafluginu, vegna þess að við
fáum tíð útköll til og frá Norðfirði,
vegna þess að þar er fjórðungs-
sjúkrahúsið. Þess vegna lendum við
oftar á Egilsstöðum en Norðfirði
þegar við erum að flytja sjúklinga til
og frá Norðfirði,“ segir Þorkell.
Þorkell segir að víða um land séu
erfiðir flugvellir, þar sem ekkert sé
gert til þess að viðhalda flug-
brautum, eins og t.d. á Raufarhöfn
og Kópaskeri. Þegar útköll séu á þá
staði séu sjúklingar einfaldlega
keyrðir til Þórshafnar eða Húsavík-
ur. Slæmt ástand brauta á þessum
stöðum komi hins vegar ekki jafn-
mikið að sök og á Norðfirði, vegna
þess að þar séu útköll mun færri
heldur en á Norðfirði.
Þorkell segir að flugbrautin á
Hólmavík sé einnig mjög varasöm.
„Við fáum mjög sjaldan útköll þaðan,
og ef ástand brautarinnar er slæmt
eigum við engan annan kost en að
kalla út þyrlu sem við höfum alla
vega þurft að gera tvisvar sinnum.“
Þorkell segir að þetta vandræða-
ástand hafi oft verið rætt við Isavia,
án þess að nokkrar úrbætur hafi orð-
ið.
Ástand flugvalla úti á
landi víða bágborið
 Verst á Norðfirði  Brautin drulluræma í sólbráð
Morgunblaðið/RAX
Sjúkraflug Þorkell Ásgeir Jóhannesson, flugstjóri hjá Mýflugi, segir ástand
flugbrauta víða um land óviðunandi. Verst sé þó brautin á Norðfirði.
Fyrirtækið Kræsingar, áður Gæða-
kokkar, hefur verið sýknað af ákæru
sem tengdist því að ekkert nautakjöt
fannst í nautabökum frá fyrirtækinu.
Dómari taldi ekki nægilegt að rann-
saka aðeins eitt sýni úr bökum og að
ekki væri hægt að útiloka að um
óhapp hefði verið að ræða. Málið var
tekið fyrir í Héraðsdómi Vesturlands,
en ákært var fyrir misræmi á milli
innihalds og innihaldslýsingar kjöt-
bakanna.
DNA-rannsókn sem gerð var hjá
Matís leiddi í ljós að ekkert var af
nautakjöti í tveimur bökum sem
rannsakaðar voru. Fyrir dóminn
voru lagðar niðurstöður annarrar
rannsóknarinnar, sem var gerð í
kjölfar hrossakjötshneykslis sem
skók Evrópu 2013. Að sögn Jóns
Hauks Haukssonar, sækjanda í mál-
inu, gerði dómari athugasemdir við
rannsókn málsins því ekki hefðu
nægilega mörg sýni verið rannsökuð.
Sýknað vegna skorts á nautakjöti
Helgi Bjarnason
helgi@mbl.is
Ferðafólk á leið um Borgarfjörð get-
ur á næsta ári baðað sig í vatni úr
vatnsmesta hver Evrópu. Bræður
frá Deildartungu II eru ásamt kon-
um sínum að hefja uppbyggingu á
náttúrulaugum á landi sínu, skammt
frá hvernum.
„Við höfum gælt við það í mörg ár
að byggja eitthvað upp hérna. Hug-
myndin um að gera náttúrulaugar
hefur orðið til á síðustu mánuðum,“
segir Dagur Andrésson, garð-
yrkjubóndi frá Deildartungu. Hann
er að undirbúa uppbyggingu nátt-
úrulauganna ásamt Báru Ein-
arsdóttur, konu sinni, Sveini bróður
sínum og Jónu Ester Kristjáns-
dóttur konu hans.
Meira að sækja í Borgarfjörð
Þau horfa til þess að ferðafólki
sem kemur að Deildartunguhver
fjölgar ár frá ári og hefur gert frá
því Deildartunguhver var virkjaður
á árinu 1981. Áður var hann ekki að-
gengilegur.
„Við sjáum að það er að verða
sprenging í ferðamannastraumnum
hér í Borgarfirði, fjöldinn vex ár frá
ári,“ segir Dagur. Hann hefur það
frá forsvarsmönnum ferðaskrifstofa
að þeir vilji beina ferðum sínum
meira til Vesturlands enda séu
áfangastaðir þar ónumið land í þessu
tilliti. Hann nefnir að íshellirinn sem
verið er að grafa í Langjökli hafi
örugglega mikið aðdráttarafl fyrir
erlenda ferðamenn sem og hótel í
Húsafelli og því liggi straumurinn
meira en áður um uppsveitir Borg-
arfjarðar.
Náttúrulaugarnar verða byggðar
á landi Deildartungu II og verða
innan við hundrað metra frá hvern-
um. Pottarnir verða byggðir úr nátt-
úrulegum efnum og vatnið tekið
beint úr hvernum og blandað með
köldu vatni til að fá hæfilegan hita.
Það verður brennisteinslykt af vatn-
inu og gestir þurfa því ekki að efast
um að þeir séu að baða sig í vatni
sem komi beint úr hvernum.
Eina þjónustan sem gestir geta
fengið við Deildartunguhver er að
kaupa grænmeti í sjálfsölu. Fyrir
því standa Sveinn og Jóna Ester en
þau eru garðyrkjubændur í Víði-
gerði sem er rétt við hverinn.
Það mun breytast með uppbygg-
ingunni í Deildartungu því í þjón-
ustuhúsinu sem verður 470 fermetr-
ar að gólfflatarmáli, verða
búningsaðstaða fyrir 140 manns, af-
greiðsla, veitingasalur og minja-
gripasala. Fólk getur örugglega
áfram fengið keypt grænmeti frá
garðyrkjubændunum. Við pottana
verður síðan hvíldarherbergi og
gufuböð fyrir gestina.
Verið er að hanna mannvirkin og
er stefnt að því að hefja verklegar
framkvæmdir með vorinu. Vonast er
til að hægt verði að opna aðstöðuna
fyrir gestum áður en aðal-ferða-
mannatíminn hefst vorið 2016.
Teikning/Brynhildur Guðlaugsdóttir
Útlit Þjónustubyggingin í Deildartungu II verður 470 fermetrar að gólfflatarmáli. Áætlað er að allt að tuttugu starfsmenn verði við reksturinn, þegar mest verður um að vera, og opið allt árið.
Laugar með vatni úr Deildartunguhver
 Tvenn hjón undirbúa byggingu náttúrulauga við vatnsmesta hver Evrópu og tilheyrandi þjónustu
 Hátt í 200 þúsund gestir koma þangað árlega  Engin þjónusta hefur verið veitt á staðnum
Ljósmynd/Skessuhorn
Við hverinn Bára Einarsdóttir, Dagur Andrésson, Sveinn Andrésson og
Jóna Ester Kristjánsdóttir standa að uppbyggingu náttúrulauganna.
Ferðafólki við Deildartunguhver
fjölgar ár frá ári og er áætlað að
í ár hafi komið þangað hátt í
200 þúsund manns. Enga þjón-
ustu er að hafa en hægt að upp-
lifa kraftinn í þessum mikla
vatnshver sem raunar var virkj-
aður fyrir rúmum þremur ára-
tugum. Skoðunin er þeim tak-
mörkunum háð.
Kolbrún Sjöfn Árnadóttir,
móðir garðyrkjubændanna Dags
og Sveins, skráði niður allar rút-
ur sem þangað komu í sumar og
hversu stórar þær voru. Áætlað
er að annar eins fjöldi komi á
einkabílum og niðurstaðan er
að hátt í 200 þúsund gestir hafi
lagt leið sína þangað.
Mamman
taldi rúturnar
FJÖLDI FERÐAFÓLKS
Viltu selja eða
kaupa fyrirtæki?
Firma Consulting, Þingaseli 10, 109 Reykjavík,
GSM: (+354) 820 8800 og (+354) 896 6665,
Fax: (354) 557 7766, Veffang: firmaconsulting.is
Magnús Hreggviðsson viðskiptafræðingur og lög-
giltur fyrirtækja-, fasteigna- og skipasali. Magnús er
með áratuga reynslu af endurskoðunarstörfum, sem
rekstrarráðgjafi, fyrirtækja- og fasteignasali, útgef-
andi, fasteignarekandi, „land-developer“ í Smára-
hvammi og starfandi stjórnarformaður í nokkrum
fyrirtækjum. Er aðalráðgjafi hjá Firma Consulting.
(magnus@firmaconsulting.is)
Firma Consulting (www.firmaconsulting.is) er
ráðgjafafyrirtæki sem sérhæfir sig í ráðgjöf við
kaup og sölu millistórra og stórra fyrirtækja.