Morgunblaðið - 21.02.2015, Blaðsíða 14
14 FRÉTTIRInnlent
MORGUNBLAÐIÐ LAUGARDAGUR 21. FEBRÚAR 2015
Viðar Guðjónsson
vidar@mbl.is
Viðar Ævarsson, íbúi í Norðlinga-
holti, segir að fólk í hverfinu sé orðið
þreytt á því hve hægt Reykjavíkur-
borg standi að
uppbyggingu þar.
Jafnframt séu
fjölmargar auðar
lóðir sem notaðar
séu til úrgangs-
losunar og sem
geymslustaður.
Það geri það að
verkum að ásýnd
hverfisins sé ekki
nægjanlega góð.
Honum er spurn
hvort Reykjavíkurborg sé stætt á að
hefja uppbyggingu á nýjum hverf-
um, eins og í Vogahverfi, þegar upp-
bygging á eldri hverfum gangi eins
hægt og raun beri vitni.
Hægagangur
Viðar hefur búið í Hólavaði í
Norðlingaholti frá árinu 2006. „Frá
árinu 2003 hafa framkvæmdir við
hverfið gengið mjög hægt fyrir sig.
Það er alveg sama hvað það er,
hvort sem það er frágangur á gang-
stígum og svæðum í hverfinu, eða
uppbygging á grunnskólum og leik-
skólum,“ segir Viðar. Hann bendir á
það að lóðin við annan leikskólann af
tveimur í hverfinu hafi verið kláruð
á síðasta ári en skólinn sjálfur hóf
störf fyrir 2-3 árum. Foreldrar í
hverfinu hafi margir lent í vanda af
þeim sökum og þurft að fara með
börnin sín í leikskóla í öðrum hverf-
um.
Þá hafi frágangur á grunnskól-
anum verið mjög hægur og börnum
hafi verið kennt í skúrum um
nokkra hríð. Síðar þóttu þessir
sömu skúrar ekki hæfir undir rekst-
ur frístundaheimilis í Vesturbænum
og voru þeir fljótlega fjarlægðir
þaðan eftir mótmæli íbúa. „Síðast-
liðið ár hefur verið unnið í gang-
stéttum en það er ekki allt búið
enn,“ segir Viðar en vonir standa til
þess að þeirri vinnu ljúki árið 2015,
að sögn hans.
Þá bendir hann á að eina verslun-
in í hverfinu sé bensínstöð og að
dýrt sé að versla í henni.
Tiltölulega lítið hverfi
Að sögn Viðars má finna reiti um
allt hverfið þar sem ekki hefur verið
staðið nægilega vel að frágangi.
„Þetta snýr sérstaklega að óbyggð-
um lóðum. Maður veltir því fyrir sér
hvers vegna leyft er að nota þær
sem losunarstaði og víða er drasl á
lóðunum sem er lýti á hverfinu,“
segir Viðar og kallar hann eftir því
að byggingarfulltrúi sinni eftirliti
með þessum reitum betur.
Hann bendir á að Norðlingaholt
sé tiltölulega lítið hverfi en þar búa
um 3.000 manns. Því ætti uppbygg-
ing ekki að taka svo langan tíma.
„Maður veltir því fyrir sér hvort
borgin sé yfirhöfuð í stakk búin til
þess að taka að sér uppbyggingu á
nýjum hverfum,“ segir Viðar.
Hann tekur dæmi af nýrri brú
sem tengir Árbæjarhverfi og Norð-
lingaholt. Áætluð verklok voru í des-
ember á síðasta ári, en nú í febrúar
er ekki enn hafin steypuvinna að
brúnni og þá er ótalin frágangsvinna
í kringum hana.
„Er sanngjarnt gagnvart íbúum
Norðlingaholts að þurfa að búa við
þennan hægagang í 12 ár? Eins
hvernig staðið hefur verið að upp-
byggingu þjónustu í hverfinu. [....]
Íbúar hér greiða gatnagerðargjöld
og önnur gjöld eins og aðrir íbúar
borgarinnar. Því ættum við að sitja
við sama borð og aðrir,“ segir Viðar.
Ókláruð brú Áætluð verklok á brú sem tengir saman Árbæ og Norðlingaholt voru í desember á
síðasta ári samkvæmt upplýsingum frá verktaka á skilti nærri brúnni. Nú í febrúar er enn ekki
hafin steypuvinna og ekki hefur verið unnið að brúnni síðustu daga.
Vinnuskúr Á lóðum í hverfinu hefur víða safnast drasl. Á þessari lóð við Norðlingabraut hefur
drasl legið í nokkur ár að sögn Viðars. Hann segir að byggingaverktaki noti lóðina sem
geymslustað og telur hann að eftirliti byggingafulltrúa sé ábótavant.
Liggur niðri Hér má sjá girðingu sem liggur niðri við óbyggða lóð í Hóla-
vaði. „Á lóðinni er allt mjög druslulegt að sjá,“ segir Viðar. Flestar lóðir
hverfisins eru hins vegar ógirtar. Sumar eru notaðar sem geymslustaðir.
Morgunblaðið/Sigurður Bogi Sævarsson
Norðlingaholt Um 2.500 manns búa í Norðlingaholti. Uppbygging hófst þar
árið 2003. Nú 12 árum síðar telja sumir íbúar að heldur hægt gangi að klára
frágang á hverfinu. Í hverfinu eru tugir lóða þar sem engin uppbygging
hefur átt sér stað. Eru sumar þeirra notaðar sem losunar- eða geymslu-
staður. Eina verslun hverfisins er Olís-bensínstöð.
Seint gengur að klára
Norðlingaholtshverfi
Spyr hvort borgin sé í stakk búin til þess að hefja upp-
byggingu nýrra hverfa þegar öðrum hverfum er ólokið
Losunarstaður Hér má sjá vörubíl sem er að losa efni á einni lóð í hverfinu
árið 2012. Að sögn Viðars þyrlaðist ryk og drulla yfir aðrar lóðir. Hann seg-
ir of algengt að óbyggðar lóðir séu notaðar sem losunarstaður.
Viðar
Ævarsson
Söngskólinn íReykjavík
Síðasta 7 vikna námskeið
vetrarins hefst 2. marsSÖNGNÁMSKEIÐ
Allar nánari upplýsingar eru veittar á skrifstofu skólans
að Snorrabraut 54, sími 552-7366 kl. 10-16 alla virka daga•www.songskolinn.is
Allir geta fundið eitthvað
fræðandi og skemmtilegt
við sitt hæfi!
Hvert námskeið stendur
í 7 vikur og lýkur
með prófumsögn
og tónleikum.
• Fyrir fólk á öllum aldri:
Sem undirbúningur fyrir frekara söngnám
Tómstundagaman fyrir söngáhugafólk á öllum aldri
• Kennslutímar:
Morguntímar / Síðdegistímar / Kvöldtímar
• Söngtækni:
Raddbeiting / Túlkun / Einsöngur / Raddaður söngur
• Tónmennt:
Tónfræði / Tónheyrnarþjálfun / Nótnalestur