Morgunblaðið - 26.03.2015, Qupperneq 14

14 DAGLEGT LÍF
MORGUNBLAÐIÐ FIMMTUDAGUR 26. MARS 2015
Sigríður Ásta Hilmarsdóttir
Aldur: 32
Starf: Heilsunuddnemi og
móðir
Hjúskaparstaða: Í sambúð
Hvenær byrjaðir þú að
þyngjast?
Ég fór að þyngjast fyrir
alvöru þegar ég hætti að
æfa fótbolta 17 ára. Hef
samt sem áður aldrei verið
nein mjóna og alltaf svolítið
mjúk.
Hvað hefur það, að vera ekki alveg í kjörþyngd,
haft í för með sér og hefur það aftrað þér frá því
að láta drauma þína rætast?
Það hefur mest áhrif á sjálfsálit, sjálfsvirð-
ingu og sjálfstraust. Mig dreymir um að stofna
fyrirtæki en skortir þorið og trúna á að það geti
gengið upp hjá mér.
Hvað myndir þú vilja vera þung?
Mig langar að verða 65 kg í góðu formi. Stefni
á að komast undir 70 kg á þessum 10 vikum.
Hvað veitir þér mesta lífsfyllingu?
Dætur mínar tvær, maðurinn minn og nán-
asta fjölskylda.
Hvernig ætlar þú að fara að því að komast í
gegnum þessar 10 vikur?
Ég ætla að taka einn dag í einu og setja raun-
hæf markmið. Fjölskyldan mín er yndisleg og
styður við bakið á mér í einu og öllu og þau
hvetja mig áfram. Það er líka ótrúleg forréttindi
að fá að æfa með hinum 4 sem eru í átakinu með
mér. Með allan þennan stuðning get ég allt.
Unnur Elva Arnardóttir
Aldur: 47 ára
Starf: Deildarstjóri á fyr-
irtækjasviði hjá Símanum
Hjúskaparstaða: Trúlofuð og
sæl í rúm 18 ár
Hvenær byrjaðir þú að
þyngjast?
Rúm tvö ár síðan.
Hvað hefur það, að vera
ekki alveg í kjörþyngd, haft
í för með sér og hefur það
aftrað þér frá því að láta drauma þína rætast?
Þetta hefur líkamleg áhrif á mig, ég mátti
ekki þyngjast út af bakinu á mér, einnig eru
verkir í hælum vegna þyngdar, föt passa illa á
mig.
Hvað myndir þú vilja vera þung?
Draumastaða er 74 kíló, í þessum áfanga er
talan 79 sem ég stefni á.
Hvað veitir þér mesta lífsfyllingu?
Að vera með fjölskyldu minni, ferðast og
borða góðan mat
Hvernig ætlar þú að fara að því að komast í
gegnum þessar 10 vikur?
Ég fæ mikinn stuðning frá minni fjölskyldu,
það skiptir miklu máli, mæti í ræktina sex til
sjö sinnum í viku og borða reglulegar máltíðir.
Kristín Jónína Rögnvaldsdóttir
Aldur: 43 ára.
Starf: Sölumaður hjá Fjár-
festingu fasteignasölu
Hjúskaparstaða: Gift, 3
barna móðir
Hvenær byrjaðir þú að
þyngjast?
Fyrir 8 árum eignaðist
ég mitt þriðja barn, síðan
er ég búin að vera að
bæta á mig um 1 kílói á
ári.
Hvað hefur það, að vera ekki alveg í kjör-
þyngd, haft í för með sér og hefur það aftrað
þér frá því að láta drauma þína rætast?
Það hefur ekki aftrað neinu, en þegar mað-
ur er í kjörþyngd þá er allt auðveldara, þú ert
léttari á þér, það er auðveldara að kaupa sér
föt sem klæða mann vel og líðan manns er að
öllu leyti betri andlega og líkamlega.
Hvað myndir þú vilja vera þung?
68 kg.
Hvað veitir þér mesta lífsfyllingu?
Að verja tíma með fjölskyldunni minni,
hreyfing og elda hollan og góðan mat. Svo les
ég mikið og hef gert frá unga aldri.
Hvernig ætlar þú að fara að því að komast í
gegnum þessar 10 vikur?
Ég kemst í gegnum þetta með jákvæðni og
góðri skipulagningu. Við fimm sem vorum
valdar í þetta heilsuferðalag erum frábær
stuðningur hver fyrir aðra. Síðan er þetta
extra sem ég hef ekki haft áður og gerir senni-
lega gæfumuninn, það eru einkaþjálfararnir
okkar og Marta María sem hvetja okkur
áfram á hverjum degi.
Elín Lilja Ragnarsdóttir
Aldur: 44 ára
Starf: Starfa sem sölu-
fulltrúi í stóreld-
húsadeild Ásbjörns
Ólafssonar ehf.
Hjúskaparstaða: Ég er
gift
Hvenær byrjaðir þú að
þyngjast?
Ég byrja að þyngj-
ast fyrir ca. 3-4 árum,
með pásum þó. Hef þyngst mest síðastliðið
ár eða um ca. 10 kg.
Hvað hefur það að vera ekki alveg í kjör-
þyngd haft í för með sér og hefur það aftrað
þér frá því að láta drauma þína rætast?
Að vera ekki í kjörþyngd hefur haft mikið
að segja fyrir mig þar sem ég er bak-
sjúklingur. Hvert aukakíló er mjög slæmt
fyrir bakið og fæturna. En ég hef líka feng-
ið æðahnúta og farið í æðahnútaaðgerð. Því
er öll aukaþyngd af hinu slæma fyrir mig og
alger vítahringur. Ég hef t.d. mjög gaman
af því að fara í gönguferðir á fjöll en hef
ekki getað lengi fyrir verkjum í baki og fót-
um.
Hvað myndir þú vilja vera þung?
Ég myndi vilja vera ca. 73-75 kg. Þá liði
mér súper vel.
Hvað veitir þér mesta lífsfyllingu?
Að vera með strákunum mínum þrem,
ferðast og vera laus við verki. Við erum
gríðarlega samrýnd fjölskylda sem finnst
gaman að ferðast saman og borða góðan
mat, en ég hef t.d. stundum þurft að sleppa
ferðum sökum heilsuleysis.
Hvernig ætlar þú að fara að því að komast í
gegnum þessar 10 vikur?
Ég er svo óendanlega glöð að hafa komist
í þennan hóp og ávinningurinn er svo mikill
að ég held að þessar 10 vikur eigi ekki eftir
að verða erfiðar. Annars reyni ég að líta svo
á að þessu ljúki ekki eftir 10 vikur heldur
haldi áfram að eilífu. Ég ætla ekki að reyna
að komast í gegnum þessar 10 vikur og svo
fari ég bara aftur í gamla farið, það er ekki í
boði. Svo ég ætla að vera jákvæð og þakklát
fyrir þetta tækifæri sem ég fékk og finna
þennan gullna meðalveg.
Sigrún Lóa Sigurgeirsdóttir
Aldur: 49 ára í sumar
Starf: Þjónustufulltrúi hjá
Borgun hf.
Hjúskaparstaða: Gift
Steinari Stephensen
kennara
Hvenær byrjaðir þú að
þyngjast?
Ég byrjaði að þyngjast
svona 12 ára á kynþroska-
skeiðinu. Um fermingu
kom í ljós að mig vantaði vaxtarhormón og
stækkaði ekki og þá fitnaði ég mikið. En ég
fékk læknishjálp en hef síðan samt verið í yf-
irþyngd.
Hvað hefur það að vera ekki alveg í kjörþyngd
haft í för með sér og hefur það aftrað þér frá
því að láta drauma þína rætast?
Já ég varð fyrir mikilli stríðni í grunnskóla
vegna vaxtarlagsins og hef alltaf verið óörugg
með sjálfa mig. Held að fólk kunni ekki að
meta mig, eins og með að sækja um vinnu, það
hefur oft reynst mér erfitt, mig vantar hug-
rekkið, á erfitt með að taka hrósi, er feimin við
líkama minn og að horfa í spegil og vera sátt
við mig, vantar alltaf einhverja viðurkenningu.
Hef ekki getað klætt mig eins og ég vil, langar
að vera smart og fylgja tískunni en það er ekki
hægt með auka 30 kg og þurfa að kaupa föt í
yfirstærðum sem eru ekki smart.
Hvað myndir þú vilja vera þung?
Ég væri sátt með sjálfa mig í 65 kg.
Hvað veitir þér mesta lífsfyllingu?
Það sem veitir mér mesta lífsfyllingu er að
vera umkringd fjölskyldunni, heilbrigði, já-
kvæðni og umfram allt að vera sátt í eigin
skinni.
Hvernig ætlar þú að fara að því að komast í
gegnum þessar 10 vikur?
Næstu 10 vikur munu einkennast af skipu-
lagningu, heiðarleika gagnvart sjálfri mér, já-
kvæðni og dugnaði. Ég þarf á hverjum degi, oft
á dag, að minna mig á að takast á við daginn í
sátt við sjálfa mig og muna að þetta á allt bara
eftir að skilja eftir góða hluti. Ég einblíni líka á
það sem mig hefur ALLTAF dreymt um, að
vera í kjörþyngd og halda henni og nú hef ég
engar afsakanir þar sem mér er rétt tækifærið
beint í faðminn og hann er GALOPINN.
Heilsuferðalag Smartlands
Heilsuferðalag Smartlands Mörtu Maríu og Hreyfingar hófst í síðustu viku þegar Unnur Elva Arnardóttir, Sigrún Lóa Sigurgeirsdóttir,
Sigríður Ásta Hilmarsdóttir, Elín Lilja Ragnarsdóttir og Kristín J. Rögnvaldsdóttir voru valdar úr nokkur hundruð manna hópi með það
að markmiði að bæta heilsu sína. Á þessum 10 vikum mun Anna Eiríksdóttir í Hreyfingu koma þeim í form.
Gamli bærinn er frá árinu 1201 og er
verndaður af Unesco. Þar ber hæst kastalinn
í Riga, kirkja Sankti Péturs og Dómkirkjan.
Gamli bærinn í Riga er virkilegt augnayndi
hvert sem litið er og setur borgina á stall
með fallegri borgum Evrópu.
Verð í tveggja manna herbergi
kr.98.900,-
Innifalið: Flug, skattar, hótel með morgunmat,
íslensk fararstjórn og rúta til og frá flugvelli.
Trans Atlantic sérhæfir sig í ferðum til Eystrasaltslanda.
Upplýsingar í síma 588 8900
Úrval veitingahúsa, verslana (m.a.H&M)
og kaffihúsa.
Næturlíf eins og það gerist best.
Riga
Lettlandi
Stórfengleg borg
Beint flug frá Keflavík og Akureyri
14.-17. maí