Morgunblaðið - 26.03.2015, Blaðsíða 11
DAGLEGT LÍF 11
MORGUNBLAÐIÐ FIMMTUDAGUR 26. MARS 2015
Morgunblaðið/Skapti Hallgrímsson
Vinnustofan Ragnar Hólm Ragnarsson á vinnustofu sinni í gömlu skrifstofubyggingu Slippsins.
fannst það fulllangur titill.“
Á sýningunni gefur að líta 17
vatnslitamyndir, yfirleitt um 30 x 40
cm, af þekktum húsum í bænum og
landslagi. Einnig 6 stærri akrýl- og
olíumálverk. Sumar myndanna
tengjast fluguveiði með einum eða
öðrum hætti.
Listsköpun í veiðiferðum
Tvö portrett eru á sýningunni,
annars vegar akrýlmynd af kærustu
hans, Laufeyju Hallfríði Svav-
arsdóttur, og hins vegar vatns-
litamynd af Bob Dylan. „Uppáhalds-
fólkið mitt,“ útskýrir Ragnar og
víkur talinu að þætti fluguveiðanna í
listinni:
„Ég kynntist myndlistar-
manninum Guðmundi Ármanni
Sigurjónssyni sem jafnframt er
mikill fluguveiðimaður. Þegar við
fórum að veiða saman fyrir um
áratug tók ég eftir að hann hafði
alltaf með sér vatnsliti og spjöld.
Svo málaði hann úti í náttúrunni
þegar tóm gafst til frá veiðunum.
Mig langaði einfaldlega að prófa
líka og síðustu 6 til 7 árin hef ég
notið handleiðslu Guðmundar í
listinni bæði í og milli veiðiferða.
Hann hefur kennt mér ýmis tækni-
leg atriði eins og að líma pappír á
spóna- og eða krossviðarplötur og
vinna þær þannig að auðveldara sé
að mála á þær, til dæmis með því
að grunna pappírinn áður í daufum
litum.“
Sérviska Guðmundar
Þótt Ragnar hafi sótt mörg
námskeið í myndlist segir hann mest
muna um einkakennslu Guðmundar.
Honum er engin launung á að hafa
um margt dregið dám af Guðmundi.
Til að mynda hafi hann farið að
prófa sig áfram með olíumálun – eins
og Guðmundur. Einnig að vinna með
eggtempru – eins og Guðmundur.
„Eggtempra er gerð úr eggja-
rauðu, eimuðu vatni og litarefni, sem
getur verið úr muldum steinum í
náttúrunni eða keypt tilbúið út úr
búð. Notkun eggtempru er ákveðin
sérviska og því má líka segja að ég
hafi tileinkað mér sérvisku Guð-
mundar,“ segir Ragnar og brosir.
Sýningasýki
Sýningagleði sína, sem sumir
kalla reyndar sýningasýki, rekur
hann til sinnar fyrstu sýningar í
Poppulus Tremula í kjallara í Lista-
gilinu á Akureyri um árið.
„Mér var strax svo vel tekið að
líklega hef ég fengið þessa illræmdu
sýningasýki sem Kristján Pétur,
umsjónarmaður salarins, sagði mér
frá og er trúlega náskyld hégóma-
girndinni. Síðan hef ég nánast verið
óstöðvandi. Ef ég hef stund milli
stríða þá reyni ég að mála, annað
hvort heima hjá mér, í vinnustofunni
minni við Slippinn eða úti í nátt-
úrunni, sem mér finnst skemmtileg-
ast.“
Kynningarstjóri stígur fram
Ragnar starfar sem verk-
efnastjóri upplýsinga- og kynning-
armála fyrir Akureyrarbæ og hefur
því innherjaupplýsingar um að fjöldi
innlendra sem erlendra ferðamanna
hyggist sækja bæinn heim um
páskana. Hlíðarfjall og Leikfélag
Akureyrar segir hann helsta að-
dráttaraflið á þessum tíma sem og
Menningarhúsið Hof, Listagilið og
Græna hattinn, sem sé landsfrægur
tónlistarstaður.
Kynningarstjóri Akureyrar
hefur augljóslega blandað sér í við-
talið, sem lýkur hér með.
Húsinn í bænum Bautinn er eitt margra húsa sem prýða Akureyri.
Kærastan Laufey Hallfríður.
Opinn hluti almenns útboðs í Reitum er hafinn og stendur til 27. mars kl. 16.00.
Hafðu samband í síma 440 4900 eða komdu í heimsókn á Kirkjusand.
Við tökum vel á móti þér.
RÁÐGJÖF UM ÚTBOÐ REITA
STARFSFÓLK VÍB SVARAR SPURNINGUM OG VEITIR RÁÐGJÖF VARÐANDI SKRÁNINGU REITA Í KAUPHÖLL ÍSLANDS
Íslandsbanki | Kirkjusandi | 155 Reykjavík | Sími 440 4900 | vib@vib.is facebook.com/VIB.stofan | @vibstofan | www.vib.is