Morgunblaðið - 26.03.2015, Page 40
40 FRÉTTIRInnlent
MORGUNBLAÐIÐ FIMMTUDAGUR 26. MARS 2015
FRÉTTASKÝRING
Sindri Sverrisson
sindris@mbl.is
Óhætt er að segja að nýtt vor sé
runnið upp í frjálsum íþróttum hér á
landi. Ljúfasti vorboðinn er hlaupa-
konan Aníta Hinriksdóttir sem að-
eins 19 ára gömul hefur heillað
landsmenn með mögnuðum árangri
á heimsvísu. Aníta, sem árið 2013
varð heimsmeistari 17 ára og yngri,
og Evrópumeistari 19 ára og yngri,
komst í fyrsta sinn í úrslit stórmóts
fullorðinna á Evrópumeistaramótinu
innanhúss í Prag í byrjun mánaðar.
Aníta endaði tveimur sætum frá
verðlaunum í 800 metra hlaupi. Þau
hefðu þá orðið fyrstu verðlaun Ís-
lendings á stórmóti í frjálsum íþrótt-
um, í flokki fullorðinna, síðan Jón
Arnar Magnússon fékk silfur á HM í
sjöþraut innanhúss árið 2001. Síð-
asta kona til að ná verðlaunum á
stórmóti var Vala Flosadóttir sem
fékk brons í stangarstökki á Ólymp-
íuleikunum í Sydney árið 2000.
Eftir tíðindalítil ár virðist Aníta
nú kyndilberi nýrrar kynslóðar ís-
lensks frjálsíþróttafólks, stórs hóps
sem stefnir hátt. Til marks um upp-
ganginn þá var Aníta ein af sex EM-
förum í Prag, á meðan Ísland átti
engan fulltrúa á EM á Ítalíu 2009.
Þetta er í samræmi við aukinn fjölda
Íslendinga á stórmótum unglinga
undanfarin ár. Frjálsíþróttalands-
liðið vann sig svo upp í 2. deild EM
landsliða síðasta sumar, og það gat
aðeins gerst vegna þess hve öflugur
og fjölbreyttur landsliðshópurinn er.
„Þetta er mikið stærri bylgja
frjálsíþróttafólks en sú síðasta,“
sagði Gísli Sigurðsson, frjáls-
íþróttaþjálfarinn reyndi, sem nú
þjálfar meðal annars Íslandsmeist-
arana Kolbein Höð Gunnarsson og
Hafdísi Sigurðardóttur, og var áður
þjálfari Jóns Arnars Magnússonar.
„Síðast fengum við hins vegar of-
urhæfileikaríkt fólk, íþróttamenn í
allra hæsta gæðaflokki, sem urðu
þar af leiðandi mjög þekktir á sínum
tíma. Ég myndi segja að bylgjan sé
núna þéttari og stærri. Það eru fleiri
góðir, og líka stór hópur af fólki sem
stendur þeim aðeins að baki. Við er-
um að nálgast þessa getu sem var í
okkar stórkostlega íþróttafólki eins
og Jóni Arnari Magnússyni og Völu
Flosadóttur, og miklu fleirum frá
fyrri tíð,“ sagði Gísli.
ÍR-ingar standa upp úr
En hvað veldur uppganginum? Af
hverju eigum við nú bráðefnilega og/
eða góða íþróttamenn á borð við
Anítu, Kolbein og Hafdísi, sleggju-
kastarann Hilmar Örn Jónsson,
spjótkastarana Ásdísi Hjálmsdóttur,
Sindra Hrafn Guðmundsson og Guð-
mund Sverrisson (sem kastað hefur
yfir 80 metra), maraþonhlauparann
Kára Stein Karlsson, fjölþraut-
arkappann Einar Daða Lárusson, og
fleiri og fleiri?
„Þetta kemur til af góðri upp-
byggingu í íþróttinni. Frjáls-
íþróttadeild ÍR stendur upp úr hvað
varðar skipulagningu og viðhorfs-
vinnu á síðustu 15-20 árum,“ sagði
Gísli, en það hefur skilað sér í fjölda
Íslands- og bikarmeistaratitla hjá
ÍR og yfirburðastöðu félagsins síð-
ustu ár. „FH-ingar eru einnig alltaf
rosalega öflugir hvarð varðar að-
stöðumálin, og þessi tvö félög eru í
mikilli forystu varðandi uppbygg-
ingu afreksfólks,“ sagði Gísli.
Aðstaða til iðkunar frjálsra
íþrótta gjörbreyttist með tilkomu
frjálsíþróttahallarinnar í Laugardal
í lok árs 2005. Þá var Aníta 9 ára.
Hennar kynslóð hefur getað æft allt
árið. Á síðasta ári opnaði svo ný
frjálsíþróttahöll FH í Kaplakrika.
„Á þessari breyttu aðstöðu bygg-
ist þéttleiki bylgjunnar, og skilar
vonandi á endanum toppafreks-
íþróttafólki, eins og við erum reynd-
ar þegar farin að sjá. En það eru
fleiri hlutir en aðstaða sem koma til.
Það er líka risastórt atriði varðandi
það að byggja upp afreksgetu,
hvernig íþróttamenn eru aldir upp
og hvernig er talað við þá. Þetta er
hægt að gera án þess að vera í
merkilegri aðstöðu, eins og okkar
veruleiki er á Akureyri,“ sagði Gísli,
en norðanmenn hafa aðeins stutta
hlaupabraut í knattspyrnuhúsinu
Boganum til að æfa á yfir veturinn,
og ljóst að betur má ef duga skal.
Fleira kemur til en bætt aðstaða.
Frjálsar í tísku?
„Það eru tískusveiflur í íþrótt-
unum eins og annars staðar. Hérna
fyrir 20 árum eða svo, þrátt fyrir
glæsilegan árangur okkar fulltrúa
og verðlaun á stórmótum, þá voru
frjálsar ekkert inni. Ég kann ekki að
skýra þetta, en frjálsar virðast vera í
tísku núna. Þar spila fjölmiðlar líka
sinn þátt. Knattleikir voru yfirgnæf-
andi í vinsældum og erfitt fyrir aðra
að komast að,“ sagði Gísli, og bendir
einnig á að íþróttafólkið sé í góðum
höndum hér á landi:
„Við höfum gífurlega marga
reynslumikla og mjög fjölhæfa þjálf-
ara. Fólk sem úr því grasi er sprott-
ið að hjartalagið og vinnusemin
gagnvart íþróttinni er óviðjafnanleg.
Menn leggja sig svo mikið fram, og
þar liggur að mínu mati grunnurinn
að getu okkar fólks. Þetta er afleið-
ing af því viðhorfi sem mótaðist á
síðustu áratugum 20. aldarinnar. Við
erum með mjög mikið af menntuð-
um íþróttafræðingum, toppfólki,
sem auk þess hefur áratuga reynslu.
Við þetta bætist betri aðstaða, og
þar með erum við að nálgast þá
stöðu að geta verið með heims-
klassafólk í nokkrum greinum.“
„Þetta er mikið stærri bylgja“
Nýtt vor runnið upp í frjálsum íþróttum Aníta kyndilberi kynslóðar sem hefur getað æft allan
ársins hring Nálgumst þá stöðu að eiga heimsklassafólk í fleiri greinum, segir þjálfari Jóns Arnars
Morgunblaðið/Eggert
Vonarstjarna Aníta Hinriksdóttir var útnefnd vonarstjarna Evrópu í frjáls-
um íþróttum 2013, eftir að hafa orðið heims- og Evrópumeistari ungmenna.
Morgunblaðið/Árni Sæberg
Björt framtíð Krister Blær Jónsson, 19 ára sonur Jóns Arnars Magnússonar, tilheyrir nýrri bylgju frjálsíþrótta-
fólks. Hann fór yfir 5,21 metra í stangarstökki í vetur og nálgast Íslandsmet í greininni.
Hápunktur þessa árs í frjáls-
íþróttaheiminum er heims-
meistaramótið utanhúss sem
fram fer í Peking í Kína í lok
ágúst. Aníta Hinriksdóttir, 800
metra hlaupari, Kári Steinn
Karlsson maraþonhlaupari og
spjótkastarinn Ásdís Hjálms-
dóttir eru líklegust Íslendinga
til að komast á mótið en ekki er
sjálfgefið að þeim takist að ná
þeim lágmörkum sem krafist er.
Auk þeirra gætu menn á borð
við tugþrautarkappann Einar
Daða Lárusson og spjótkast-
arann Guðmund Sverrisson átt
eftir að ná lágmarki. Ásdís var
eini fulltrúi Íslands á síðasta
heimsmeistaramóti, í Moskvu
árið 2013.
Hver þeirra
fara til Kína?
HM Í PEKING
ÁRMÚLI 17
533 12 34
WWW.ISOL.IS
Batterís Höggborvél Batterís Skrúfvél
Batterís Borvél Batterís Borvél
Batterís Stingsög Batterís Sleðasög
Batterí Hleðslutæki
Batterí - Borvél 10,8VBatterís Borvél 10,8V
Þyngd 2,1 kg m. magasíni
og batteríi.
Hægt að slökkva á höggi,
Þyngd 2,6 kg m. batteríi.
4 gírar, 1,5-13mm patróna.
Þyngd 1,8 kg m. batteríi.
2 gírar. 1,5-13mm patróna.
Þyngd 1,7 kg m. batteríi.
1500-3800 str/min,
Þyngd 2,4kg m. batteríi.
Gengur á 1 eða 2 batteríum og
afköstin eru á við snúrusög.
18V 5,2Ah-Li Ion batterí. Mjög fyrirferðarlítið, veggfesting
og einfalt að koma snúrunni fyrir
2 gírar og 12 torkstillingar, 10,8V.
Kemur í tösku með hleðslutæki
og 2 batteríum.
Þyngd 0,9kg með 2,6Ah batteríi.
Kemur í tösku með hleðslutæki
og 2 batteríum.
Verð: 70.921 kr. með VSKVerð: 60.547 kr. með VSK
Verð: 47.421 kr. með VSKVerð: 55.255 kr. með VSK
Verð: 96.325 kr. með VSKVerð: 65.416 kr. með VSK
Verð: 11.427 kr. með VSK
Verð: 20.562 kr. með VSK
Verð: 45.094 kr. með VSK Verð: 45.094 kr. með VSK