Húnavaka - 01.05.1964, Qupperneq 9

H Ú N AVAKA
7
ir. Þau eru vörður við veg lífsins og traustustu hornsteinarnir und-
ir byggingu þess." Annar merkur Norðurlandamaður landkönnuð-
urinn og atorkumaðurinn Sven Hedin segir einhvers staðar: „Hefði
ég ekki átt sterka og örugga trú á guð og almáttuga vernd háns
iiefði mér reynzt ókleift að lifa tólf ár í menningarsnauðustu hér-
uðum Asíu. Biblían lielir verið mitt bezta lestrarefni og samfélag
á öllum mínum ferðum." Þannig væri hægt að tilgreina ýmsa fleiri
vitnisburði frá frægustu og merkustu mönnum veraldarsögunnar
fyrr og síðar, en þess gerist ekki þörf, því að sem betur fer er biblían
með sínar háleitu Inigsjónir og sína dýrmætu leiðsögn enn þá í vit-
tmd ótal margra bezta bókin, sem við eigum völ á að kynnast. Þess
viljum við minnast á þessum lielgidegi, sem nú síðari árin hefir
verið helgaður og tileinkaður trúarbók okkar, umhugsuninni um
mikilvægt gildi hennar, útbreiðslu hennar og lestrar nauðsyn. Hún
geymir þau frækorn, sem þurla að gróðursetjast í hvers manns sál
og geta þá borið hina blessunarríkustu ávexti. Og við minnumst
þess einnig nú, er undirbúningur fermingarbarnanna er að hefjast
frá minni hálfu. Víst vildi ég geta sáð þeim frækornum í sálir þeirra,
sem bera mætti þeim blessunarríka ávexti í lífinu. Og ég er sann-
færður um það, að bezta veganestið, sem þau geta haft með sér út í
lífið er það, að hafa tileinkað sér sem bezt orð og anda Jesú Krists.
I'.g vildi að þau mættu hugsa eitthvað svipað og sveitapiltur, sem
var að leggja af stað til dvalar í Lundúnum. Vinur hans, sem fylgdi
honum á leið sagði þá við liann: „Mundu það vinur, að þú leggur
nú út á mikið hættuhaf." „Veit ég það, svaraði hinn, en ég hefi líka
góðan áttavita,“ sagði hann, um leið og hann dró biblíu upp úr
vasa sínum. Megi guðs orð vera oss öllum skærasta leiðarljósið.
í jesú nafni. Amen.