Dagblaðið Vísir - DV - 11.09.2009, Page 48

48 föstudagur 11. september 2009
vill rappa fyrir
lauryn hill
nafn og aldur?
„Kristín Ýr Bjarnadóttir, 25 ára.“

atvinna?
„Knattspyrnuþjálfari.“

hjúskaparstaða?
„Trúlofuð hinum eina rétta.“

fjöldi barna?
„Alexander Már Brynjarsson er „fóstursonur“ minn
eins asnalegt orð og það er nú að mínu mati.“

hefur þú átt gæludýr?
„Já, eitthvað hef ég átt af þeim, en núna á ég tvo chi-
huahua-hunda.“

hvaða tónleika fórst þú á síðast?
„Það er svo ótrúlega langt síðan ég gaf mér tíma til
að fara á tónleika að ég man ekki einu sinni hvaða
tónleikar það voru síðast.“

hefur þú komist í kast við lögin?
„Ég held að ég hafi ekki gerst sekari um neitt um-
fangsmeira en hraðakstur.“

hver er uppáhaldsflíkin þín og af hverju?
„Nían (treyja nr. 9 hjá Val, innsk. blm.) klárlega, því
hún veitir mér hamingju og ég klæðist henni bara
við þær aðstæður sem mér líkar einstaklega vel
við.“

hefur þú farið í megrun?
„Uuu... Já! Ég var meidd í þrjú ár og fyrstu mánuð-
ina borðaði ég eins og ég væri enn að æfa fótbolta.
Þá varð ég algjör kjötbolla og fór í megrun og var í
henni þangað til ég byrjaði aftur að æfa. Þá byrjaði
ég að éta aftur eins og tröll.“

hefur þú tekið þátt í skipulögðum mótmæl-
um?
„Nei, ég held ég hafi ekki gert það.“

trúir þú á framhaldslíf?
„Mér finnst allavega mjög skrítið ef þetta er allt
búið eftir þennan stutta tíma sem við fáum hér.“

hvaða lag skammast þú þín mest fyrir að
hafa haldið upp á?
„Bara ekki neitt.“

hvaða lag kveikir í þér?
„Vá þau eru svo mörg. Ég elska tónlist og hún er svo
stór hluti af lífi mínu en til að nefna eitt sem ég hef
lengi haldið upp á og fæ varla leið á þá get ég nefnt
Lean back með Terror Squad.“

til hvers hlakkar þú núna?
„Mánudagsins 14. september, Evrópukeppninnar
og líka bikarúrslitaleiksins. Og svo framhaldsins eft-
ir þessa leiktíð. Það er svo gaman að vera í fótbolta.“

hvaða mynd getur þú horft á
aftur og aftur?
„LOTR, Harry Potter, Sister Act og National Treas-
ure, bara til að nefna nokkrar.“

afrek vikunnar?
„Það verður að vera að hafa unnið Stjörnuna á
þriðjudaginn.“

hefur þú látið spá fyrir þér?
„Mamma mín er spákona svo svarið er gefið.“

spilar þú á hljóðfæri?
„Nei, en ég ætla að læra á píanó. Mér finnst svo
geðveikt að geta spilað á hljóðfæri.“

viltu að ísland gangi í evrópusambandið?
„Já, ég er alveg til í það.“

hvað er mikilvægast í lífinu?
„Hamingjan er þar ofarlega á lista. Hvað það nú er
sem færir fólki hana er misjafnt en ef þú færð enga
hamingju úr lífinu þá get ég ekki ímyndað mér að
það sé gaman að vera til.“

hvaða íslenska ráðamann mundir þú vilja
hella fullan og fara á trúnó með?
„Þetta er loðin spurning. Ég læt ekki plata mig út í
neina vitleysu.“

hvaða fræga einstakling myndir þú helst
vilja hitta og af hverju?
„Ég væri til í að hitta átrúnaðargoðið mitt í tónlist,
Lauryn Hill, til að komast að því hvort hún er í al-
vöru svona mikill kynþáttahatari eins og talað er
um og til að sjá hvort hún mundi ekki bakka með
allar skoðanir sínar á hvítu fólki þegar hún mundi
heyra mig rappa. Því þá væri hún örugglega sjúk í
að gera plötu með mér.“

hefur þú ort ljóð?
„Heilan helling.“

nýlegt prakkarastrik?
„Ég er búin með kvótann í bili, tók út stóra summu í
þeim málum frá 0-20 ára.“

hvaða fræga einstaklingi líkist þú mest?
„Útlitslega séð veit ég það ekki en oftar en ekki hef-
ur fólk orðað mig við Monicu úr Friends. Mér finnst
það samt svolítið gróft en þetta heyrir maður sér-
staklega í spilum með vinunum.“

ertu með einhverja leynda hæfileika?
„Já.“

á að leyfa önnur vímuefni en áfengi?
„Það veit ég ekki, nota ekkert af því svo mér gæti
ekki verið meira sama.“

hver er uppáhaldsstaðurinn þinn?
„Svona yfir allt er það fótboltavöllurinn en annars
elska ég að vera í Bandaríkjunum.“

hvað er það síðasta sem þú gerir áður en þú
ferð að sofa?
„Vá, sem betur fer er ég ekki svona skipulögð í líf-
inu.“

hver er leið íslands út úr kreppunni?
„Ha, ha, ha, ég er svo síðasta manneskjan á Íslandi
til að svara þessari spurningu.“
Knattspyrnukonan Kristín Ýr Bjarnadóttir hefur farið á kostum
með Íslandsmeisturum Vals í sumar og skorað mörk eins og
að drekka vatn. Hún er einnig rappari og myndi helst vilja
hitta átrúnaðargoðið sitt, Lauryn Hill, til að fara yfir málin.
30 days
Apótekin & Heilsubúðirnar
www.leit.is · Smellið á ristilvandamál
Á gamla gamla verðinu.
Losnið við hættulega kviðfitu og komið
maganum í lag með því að nota
náttúrulyfin Oxytarm og 30 days saman.
Umboðs- og söluaðili
Birkiaska ehf.
sími: 551 9239
www.birkiaska.is
Birkilauf
NICOLAI
Véla- og hjólastillingar
Tímareimar - Viðgerðir
BIFREIÐASTILLINGAR
Faxafeni 12 Sími 588-2455
Apótekin & Heilsubúðirnar
www.leit.is · Smellið á ristilvandamál
Á gamla gamla genginu.
Oxy tarm
Endurnærir og hreinsar ristilinn
Allir dásama Oxy tarmið