Dagblaðið Vísir - DV - 21.05.2010, Qupperneq 10

10 FÖSTUDAGUR 21. maí 2010 FRÉTTIR
Fjölmennt á námskeiði í hlutverkaleik sem haldið var nýverið í Hljómskálagarðinum:
Kennarar börðust með sverðum
Á dögunum voru undarlegar ver-
ur á sveimi í Hljómskálagarðinum,
klæddar skikkjum og báru sverð og
skjöld. Þetta reyndust vera íslensk-
ir grunnskólakennarar sem voru
á námskeiði hjá Dananum Rune
Lippert. Kennararnir voru að læra
hvernig hægt er að kenna með úti-
kennslu, Snorra sögu, landnám Ís-
lands, Tyrkjaránið og annað náms-
efni á miðstigi grunnskólans.
Námskeiðið var haldið á vegum
FLÍSS, félags um leiklist í skólum,
en félagið heldur nokkrar vinnu-
smiðjur fyrir kennara á hverjum
vetri til þess að kynna kennslu-
aðferðir leiklistar í samstarfi við
fræðsludeild Þjóðleikhússins.
Á námskeiðinu voru kennararn-
ir beðnir að setja sig í spor nem-
enda á miðstigi grunnskóla. Auk
þess voru þeir settir í hlutverk per-
sóna í Snorra sögu því nú skyldu
þátttakendur kynnast lífinu á Sturl-
ungaöld. Þátttakendum var skipt
niður í hópa og hver hópur átti
að leysa ákveðið verkefni í tengsl-
um við Snorra sögu. Víðs vegar
um Hljómskálagarðinn voru síðan
persónur á sveimi sem hóparnir
áttu að finna. Þetta gátu til dæmis
verið Sturla Sighvatsson, spá kona
sem segir til um ókomna hluti,
járnsmiður, hugrakki vinnumað-
urinn, Herdís eða aðrar persónur
er tengdust Snorra sögu. Auðvitað
var síðan svikari sendur út meðal
þátttakenda og þá æstist leikurinn
er menn börðust til að halda feng
sínum.
Þátttakendur, í sínum hlutverk-
um, þurftu síðan að leysa margs
konar þrautir sem lagðar voru fyr-
ir þá. Hver þraut reyndi á útsjón-
arsemi þátttakenda og hugmynda-
flug þeirra. Ljóst er að kennarar
fóru með margar hugmyndir með
sér í farteskinu heim í tengsl-
um við útikennslu í grunnskólum
landsins. trausti@dv.is
Tókust á Grunnskólakennararnir
börðust með sverðum í Hljóm-
skálagarðinum og settu sig í spor
nemenda á miðstigi grunnskóla.
Gunnar Helgi Kristinsson, prófessor í
stjórnmálafræði við Háskóla Íslands,
HÍ, hefur sagt af sér deildarforseta-
embætti sínu vegna óánægju með
yfirstjórn skólans. Hann leitaði lið-
sinnis rektors vegna samskiptavanda
innan stjórnmálafræðideildarinnar
en varð fyrir vonbrigðum með úr-
lausn málsins. Fyrir vikið sagði hann
af sér forsetaembættinu.
Eftir því sem DV kemst næst snýr
samskiptavandinn að því að fjórir
prófessorar stjórnmálafræðideildar-
innar kvörtuðu yfir samstarfsmanni
þeirra, Svani Kristjánssyni prófessor.
Það gerðu þeir Baldur Þórhallsson,
Gunnar Helgi, Hannes Hólmsteinn
Gissurarson og Ólafur Þ. Harðarsson
prófessorar skriflega til Kristínar Ing-
ólfsdóttur rektors.
Svanur hefur sjálfur lengi deilt á
yfirstjórn HÍ vegna starfa Hannesar
við skólann og hefur meðal annars
gagnrýnt kennslu þess síðarnefnda
á skyldugreinum deildarinnar. Sam-
kvæmt heimildum DV vísaði rektor
málinu frá og Svanur heldur ótrauð-
ur áfram störfum.
Ekki sáttur
Gunnar Helgi staðfestir að hann
hafi hætt sem deildarforseti vegna
óánægju með úrlausn yfirstjórnar
skólans. Sökum trúnaðar segist hann
ekki ræða sjálfa deiluna innan deild-
arinnar. „Það hafa alveg verið deilur
innan stjórnmálafræðideildarinn-
ar og þar eru ekki allir sáttir. Ég ósk-
aði eftir því að láta af starfi deildar-
forseta, fyrr en ætlað var, vegna þess
að mér og aðalbyggingu skólans kom
ekki saman um vinnubrögð. Ég sagði
af mér vegna þeirra samskipta en ég
get ekki rætt um efnisatriði málsins,“
segir Gunnar Helgi.
Kristín Ingólfsdóttir, rektor HÍ,
staðfestir að samskiptavandi sé til
staðar í stjórnmálafræðideild skól-
ans en sökum trúnaðar vill hún
hvorki ræða eðli vandans né úr-
lausn hans. Aðspurð segir hún vand-
ann ekki af þeirri stærðargráðu að
til uppsagnar nokkurs starfsmanns
komi. „Það er rétt að hjá mér hefur
verið mál er varðar samskipti í deild-
inni en ég get ekki rætt málefni ein-
stakra starfsmanna. Deildarforset-
inn, Gunnar Helgi, óskaði eftir því að
leitað yrði leiða til að bæta úr ástand-
inu innan deildarinnar. Eftir að tek-
in voru viðtöl við alla sem koma að
málinu og farið var vandlega yfir það
gripum við til úrræða sem við teljum
vænleg til árangurs,“ segir Kristín.
Vissulega erfitt
„Gunnar Helgi var augljóslega ekki
sammála og ákvað að segja af sér
deildarforsetastarfinu áður en til
stóð að því lyki. Það er vissulega allt-
af erfitt þegar svona innanhússdeilur
koma upp en þá reynum við að gera
það sem hægt er til að finna lausnir.
Við þurfum hins vegar að gæta með-
alhófs og fara eftir settum reglum.
Við teljum okkur hafa leyst málið far-
sællega,“ bætir Kristín við.
Hannes Hólmsteinn segist hafa
heyrt af deilum innan stjórnmála-
fræðideildarinnar en hafnar því að
hann hafi komið nálægt þeim. Það
stangast á við heimildir DV sem
herma að hann sé meðal þeirra sem
kvartað hafi til rektors yfir störfum
Svans. Hannes óskar Svani velfarn-
aðar í starfi. „Ég óska Svani Kristjáns-
syni alls góðs og vil gjarnan setjast
niður með honum og hjálpa honum,
ef hann á í einhverjum erfiðleikum.
Ég hef síður en svo kippt mér upp við
það, þótt ekki hafi hann alltaf verið
mjúkmáll við mig eða um mig,“ segir
Hannes Hólmsteinn.
Við vinnslu fréttarinnar var leit-
að viðbragða hjá öllum málsaðil-
um. Gunnar Helgi, Kristín, Ólafur
og Svanur vildu ekki tjá sig efnislega
um málið. Ekki náðist í Baldur við
vinnslu fréttarinnar.
trausti@dv.is
Deilur innan stjórnmálafræðideildar Háskóla Íslands
hafa orðið til þess að Gunnar Helgi Kristinsson
prófessor hefur sagt af sér embætti deildarforseta.
Það gerir hann vegna óánægju með úrlausn skólans
á samskiptavanda innan deildarinnar. Prófessorar
leituðu til rektors, Kristínar Ingólfsdóttur, með málið
sem telur sig hafa fundið farsæla lausn á erfiðu máli.
FORSETI HÆTTI Í FÚSSI
TRAUSTI HAFSTEINSSON
blaðamaður skrifar: trausti@dv.is
Gunnar Helgi var augljóslega ekki
sammála og ákvað að
segja af sér deildarfor-
setastarfinu.
Ekki sáttur Vegna óánægju með
lausn samskiptavandans ákvað Gunnar
Helgi að hætta sem deildarforseti
stjórnmálafræðideildar háskólans.