Dagblaðið Vísir - DV - 05.11.2010, Blaðsíða 10

10 FRÉTTIR 5. nóvember 2010 FÖSTUDAGUR
Á netinu hefur verið stofnuð Face-
book-síða undir nafninu Mótmæl-
um mosku á Íslandi. Nöfn stofn-
enda síðunnar er hvergi að finna,
en rúmlega 800 manns eru nú
skráðir á henni. Margir hafa skrifað
ummæli á síðuna og eru flest þeirra
mjög gróf og lýsa heiftarlegum for-
dómum í garð múslima.
Yousef Ingi Tamimi kom fram
í fréttum Stöðvar 2 á mánudags-
kvöld ásamt systur sinni þar sem
þau fordæmdu síðuna og sögðu
hana bera mikinn vott um fá-
fræði og vitleysu. Systkinin, sem
eru bæði múslimar, eru börn Sal-
manns Tamimi, formanns félags
múslima á Íslandi, og þau eru
fædd og uppalin á Íslandi.
Eftir fréttina skrifaði einhver
sem kallar sig SlummaTytringsson
ummæli á síðuna sem beindust
persónulega að þeim systkinum.
„Það var viðtal við einhvern Tali-
bana á Íslandi í fréttunum á stöð 2,
hann sagði að íslendingar þyrftu að
kynna sér þetta. Við þurfum þess
ekki neitt, hann getur bara drullað
sér heim til sín.“
Um þessi ummæli, segir Yousef:
„Þegar hann segir farðu heim þá
get ég bara farið heim upp í Breið-
holt, þar sem ég er uppalinn.“
Ekki miklar áhyggjur
af öfgaöflum
„Það er ekki eins og múslimar séu
að gera eitthvað besta PR-stunt
í heimi. Það er hægt að tengja
hryðjuverk og islam og það er stað-
reynd, en vandinn er ofbeldið,
vandinn er ekki trúin, og við þurf-
um öll að taka okkur saman og
berjast gegn því.“
Í heiminum er um einn og hálf-
ur milljarður múslima og af öllum
þeim fjölda er ákaflega fámenn-
ur hópur öfgamúslima sem er há-
vær og aðhyllist hryðjuverk. Yousef
Ingi segir menn hafa framið glæpi
í nafni trúarinnar alla tíð og mús-
limar séu ekki þeir fyrstu sem gera
það. „Þetta er ekkert nýtt í heimin-
um en þetta eru bara svona brjál-
æðingar sem nýta sér veikgeðja fólk
til að fremja ódæðisverk í nafni trú-
arinnar.“ Hann segir tólf til þrett-
ánhundruð múslima búa á Íslandi
og veit ekki til þess að það sé mikið
um glæpi á meðal þeirra. „Auðvit-
að þarf að hafa eftirlit með hugsan-
legum öfgahópum, ef þeir eru látn-
ir afskiptalausir þá nærum við bara
öfgarnar.“
Yousef Ingi hefur þó ekki miklar
áhyggur af því sem stendur að öfga-
öfl nái að skjóta rótum hér á Íslandi.
„Það er alltaf ákveðið áhyggjuefni
og það má aldrei gleyma því að slíkt
getur auðvitað gerst, en ég held að
það séu mjög litlar líkur á því. Sam-
félagið hefur hingað til tekið vel
á móti fólki og öfgahópar eru svo
gríðarlega mikill minnihluti mús-
lima.“
Múslimar hafa aðlagast vel
Hann telur að múslimar hafi al-
mennt aðlagast vel á Íslandi og
að flestir séu virkir í samfélaginu.
„Þeir reka sínar eigin verslanir, eru
húsasmíðameistarar, bifvélavirkj-
ar, rafiðnaðarmenn, veitingastjórar
og fleira. Auðvitað eru einhverjir
sem eiga erfiðar með aðlagast en
það er þá bara okkar hlutverk að
hjálpa þeim.“ Yousef Ingi segist ekki
þekkja neitt dæmi þess að músli-
mar hér á landi séu andsnúnir ís-
lenskum gildum og neiti að aðlag-
ast. Hann segir að slík hegðun væri
bara vitleysa. „Ég held að aðlög-
un sé ekki gríðarlegt vandamál en
það er mikið hlutverk stjórnvalda
og félagsmálayfirvalda að auð-
velda nýbúum að aðlagast í samfé-
laginu. Þetta getur verið gríðarlega
stórt skref fyrir fólk að koma hingað
enda ólík menning.“
Fólk á að kynna sér hlutina
„Fólk hefur fullan rétt á að vera á
móti byggingu mosku en þetta er
komið út í einhverjar öfgar. Þarna
eru menn sem eru að næra á hatri
gagnvart ákveðnum hópi,“ segir
Yousef Ingi. Hann bendir á að þeir
sem eru á móti síðunni séu síður
en svo að berjast gegn tjáningar-
frelsi fólksins, en tjáningarfrelsinu
fylgi mikil ábyrgð og ekki megi níða
ákveðinn hóp. „Þetta er hatur sem
er ekki byggt á neinum grunni, fólk
þarna inni er að apa eftir tveimur,
þremur mönnum sem eru búnir
að hafa það sem markmið sitt að
níðast á islam.“ Hann vill endilega
að fólk kynni sér hlutina áður en
það fari að mótmæla. „Í dag er svo
auðvelt að afla sér upplýsinga að
heimska er val. Ef þú vilt vera fávís
þá geturðu verið það.“
Ekki var við mikla fordóma
Yousef segir varla hægt að taka
ummælin á mótmælasíðunni per-
sónulega. „Okkur var kennt það í
islam að sýna svona mótlæti þol-
inmæði. Það er eitthvað sem allir
ættu að temja sér.“
Aðspurður segist Yousef Ingi þó
almennt ekki verða fyrir neinum
fordómum á Íslandi. „Íslendingar
eru mjög móttækilegir fyrir mikl-
um og nýjum breytingum og þeg-
ar maður skoðar netið þá sér mað-
ur að þeir sem eru á móti einhverju
eru alltaf háværastir, en heildarvið-
mótið er bara mjög jákvætt,“ segir
Yousef. Hann segist aldrei hafa orð-
ið fyrir áreiti úti á götu. „Ég held að
það sé ekki mikið af því á Íslandi.
Við Íslendingar erum náttúrulega
bara svo ótrúlega opin og skemmti-
leg þjóð og það er alið upp í okkur
flestum.“
Mörg harkaleg ummæli hafa verið skrifuð á Facebook-síðu undir nafninu Mótmælum
mosku á Íslandi. Yousef Ingi Tamimi hefur fordæmt umræðuna sem fer fram á síðunni en
finnst þó eðlilegt að fólk nýti rétt sinn til að mótmæla.
SÓLRÚN LILJA RAGNARSDÓTTIR
blaðamaður skrifar: solrun@dv.is
MÚSLIMUM SAGT
AÐ FARA „HEIM“
Allir velkomnir YousefIngi
hveturallatilaðlítaviðhjáfélagi
múslimaíÁrmúlaogkynnasér
islamámálefnaleganhátt.
Uppalinn í Breiðholti YousefIngi
geturekkifariðlengraenuppíBreiðholt
þegareinhversegirhonumaðfaraaftur
heimtilsín.
Nokkur ummæli notenda á Facebook-
síðunni Mótmælum mosku á Íslandi.
n„Fyrrmunégdauðurliggjaenað
sjáMoskurísaáÍslandi.STOPPUM
MÚSLIMAINNRÁSINA!!!ÍSLAND
FYRIRÍSLENDINGA!!!“
n„Eingasandsurtaávíkingaslóðir!“
n„efviðbyrjummeðmoskuáíslandi
byrjumviðlíkameðhryðju-
verk,,neiitakk“
n„Íslamerógeð.“
n„Múslimar:BURT!Þaðættiaðhefja
svonabaráttuför,Múslimanaheim.“
*Öll ummæli eru tekin beint af síðunni með
stafsetningar- og málfarsvillum.
UMMÆLI
UMFANGSMIKIÐ FÍKNIEFNAMÁL:
Fimm í
varðhaldi
Lögreglan á höfuðborgarsvæðinu
handtók á miðvikudaginn karlmann
á þrítugsaldri. Hann er grunað-
ur um aðild að
máli sem lög-
reglan rann-
sakar og snýr
að framleiðslu
fíkniefna, sölu
þeirra og dreif-
ingu. Maðurinn
var á fimmtu-
dag úrskurðað-
ur í gæsluvarðhald til 11. nóvem-
ber. Fjórir aðrir karlar á þrítugs- og
fertugsaldri voru handteknir í síð-
asta mánuði vegna sama máls og
úrskurðaðir í gæsluvarðhald. Það
gæsluvarðhald hefur sömuleiðis
verið framlengt. Mennirnir eru allir
af erlendu bergi brotnir. Fimm hús-
leitir voru framkvæmdar í tengslum
við rannsókn málsins í þremur sveit-
arfélögum, Reykjavík, Reykjanesbæ
og Grímsnesi. Amfetamín, kókaín,
marijúana og sex milljónir króna í
reiðufé fundust í þeim húsleitum.
Við áðurnefndar aðgerðir naut
lögreglan á höfuðborgarsvæðinu
aðstoðar lögreglunnar á Selfossi og
Suðurnesjum auk lögreglumanna
frá embætti ríkislögreglustjóra.
Fréttamaður styrkir
mæðrastyrksnefnd
Fréttamaðurinn Elín Hirst afhenti
Ragnhildi Guðmundsdóttur, for-
manni Mæðrastyrksnefndar Reykja-
víkur, fyrsta eintakið af DVD-diski
heimildarmyndar sinnar Síðasta
ferðin á fimmtudag. Myndin fjallar
um íslenska vesturfara. Elín hefur
ákveðið að 300 krónur af söluand-
virði hvers disks renni til hjálpar
bágstöddum sem þurfa að leita til
Mæðrastyrksnefndar eftir matarað-
stoð. Myndin, sem verður til sölu í
verslunum um land allt, fjallar um
það þegar Elín fann fyrir tilviljun
ljósmynd frá 1890 af íslenskri fjöl-
skyldu í Vesturheimi á Vesturfara-
setrinu á Hofsósi. Ljósmyndin leiddi
Elínu óvænt á slóðir fjölskyldu sinn-
ar sem flutti úr Fellum á Héraði til
Nýja Íslands í Manitóba árið 1878.