Dagblaðið Vísir - DV - 05.11.2010, Blaðsíða 46

Önnur bók Þorbjargar Öldu Birkis Marinósdóttur, Dömusiðir,
kemur í búðir um helgina. Hún skrifar nú framhald af bókinni
Makalaus. Tobba er „royal“ í eldhúsinu og segir ástina
mikilvægasta, hvort sem er ást á lífinu eða belgísku súkkulaði.
Nafn og aldur?
„Þorbjörg Alda Birkis Marinósdóttir – Tobba Marinós.“
Atvinna?
„Fráfarandi blaðakona Séð og Heyrt – tilvonandi
kynningarfulltrúi Skjás Eins og rithöfundur.“
Hjúskaparstaða?
„Skotin í Karli Sigurðssyni.“
Fjöldi barna?
„Núll – hálfur hundur. Hann heitir Ella. Ég deili forræðinu með
mömmu minni sem á engin barnabörn. Eldri bróðir minn gaf
henni Ellu til að losna undan barnapælingum.“
Hefur þú átt gæludýr?
„Já – nokkra gullfiska, hest og hund.“
Hvaða tónleika fórst þú á síðast?
„Með þremur röddum á Faktorý. Það var æði og eitt af fyrstu
deitum mínum og kærastans.“
Hefur þú komist í kast við lögin?
„Nei, en ég hef deitað löggu. Telst það með?“
Hver er uppáhaldsflíkin þín og af
hverju? „Lopapeysan mín. Hún er íslensk
og gerð af ást. Amma mín er snillingur.“
Hefur þú farið í megrun?
„Já – en kalla þetta aðhald núna. Það er dulbúningur fyrir
megrun.“
Hefur þú tekið þátt í skipulögðum mótmælum?
„Já. Fyrir nokkrum vikum, með latte, á háum hælum. Mér
fannst ég feik.“
Trúir þú á framhaldslíf?
„Já, og Nýtt Líf. Það er gott blað.“
Hvaða lag skammast þú þín mest fyrir að hafa haldið
upp á?
„Ég kann óvart lag með Justin Bieber utan að. Það veldur mér
stundum sárri niðurlægingu – á það til að muldra textann. Are
we an item? Girl quit playing. We’re just friends, what are you
saying?“
Hvaða lag kveikir í þér?
„Silvia með Miike Snow.“
Til hvers hlakkar þú núna?
„Jólanna og hádegisins – þá fæ ég mat.“
Hvaða mynd getur þú horft á aftur og aftur?
„Coming to America með frænda mínum Eddí Mörfí. Hún er
einfaldlega of hress! Já og Death at a Funeral – bresku útgáf-
una. Hvað er ekki smart við bíómynd með samkynhneigðum
dverg? “
Afrek vikunnar?
„Fékk mína aðra bók úr prenti. Hún fer í verslanir um helgina
Whoop! Dömusiðir heitir hún og er oggulítið fyndin.“
Hefur þú látið spá fyrir þér?
„Já. Ellý vinkona mín Ármanns hressir stundum upp á sálina
mína með því að spá fyrir mér.“
Spilar þú á hljóðfæri?
„Já, úkúlele og fiðlu. Og einstöku sinnum á harmonikku sem
samstarfskona mín á.“
Viltu að Ísland gangi í Evrópusambandið?
„Ég get ekki svarað þessu. Svar mitt hefur alltaf
verið nei en í dag hreinlega veit ég ekki. Ég
treysti mér ekki í fleiri föst sambönd í augna-
blikinu. Af hverju getur Ísland ekki deitað
ESB í nokkra mánuði – að skrá sig strax í fast
samband er svolítið brútal. “
Hvað er mikilvægast í lífinu?
„Ástin. Hvort sem það er á lífinu, listinni, fjölskyldunni eða
belgísku súkkulaði. Og það að reyna að njóta – ekki bíða eftir
að þú grennist, hittir draumaprinsinn, fáir betra djobb ... bara
reyna að njóta augnabliksins og hætta að bíða. Við gætum
verið dáin á morgun!“
Hvaða íslenska ráðamann myndir þú vilja hella fullan
og fara á trúnó með?
„Vigdísi Finnboga – og koma henni saman við Magga Jóns í
GusGus. Það væri sko menningarlegt par. Hún þarf einhvern
yngri, held ég.“
Hvaða fræga einstakling myndir þú helst vilja hitta og
af hverju?
„Eddí Mörfí – og spyrja hann af hverju hann var svona
leiðinlegur við Mel B!“
Hefur þú ort ljóð?
„Já – ég botnaði vísu fyrir Orð skulu standa með Kalla Th. í
Borgarleikhúsinu fyrir skömmu. Það var svona: „Friðarsúlu
brennur bál
í boði Orkuveitu. Veldur þetta mikla mál maka mínum streitu.“
Nýlegt prakkarastrik?
„Ég laug að Röggu blaðakonu á Séð og Heyrt sem vinnur með
mér að Einar Örn borgarfulltrúi hefði sungið Hjálpaðu mér
upp fyrir Damon Albarn í Ráðhúsinu. Ég slefaði svo úr hlátri
þegar hún hringdi í Einar greyið til að spyrja hann út í þetta
uppátæki.“
Hvaða fræga einstaklingi líkist þú mest?
„Ég hef bæði heyrt að ég sé lík Pacas og einhverri kínverskri
sápuleikkonu.“
Ertu með einhverja leynda hæfileika?
„Ég get sett allan hnefann upp í munninn á mér og ég kann
að mála og teikna – og er „royal“ í eldhúsinu. Kalli
þyngist með hverjum deginum.“
Á að leyfa önnur vímuefni en áfengi?
„Nei fyrst M&M og Skitlers er komið er okkur
ekkert að vanbúnaði.“
Hver er uppáhaldsstaðurinn þinn?
„Fiskmarkaðurinn fyrir sushi og Prikið fyrir spil og hláturköst.
Svo er eldhúsið hennar mömmu best fyrir hjartans mál.“
Hvað er það síðasta sem þú gerir áður en þú ferð að
sofa? ,„Bý til málshátt og kyssi Kalla góða nótt. Í gær var það
til dæmis: Betri er brosandi dvergur, en þykkur eyrnamergur.“
Hver er leið Íslands út úr kreppunni?
„Hurðin fyrir neðan „exit“-skiltið.“
Mótmælti á háum
hælum með latte
M
Y
N
D
IR
S
IG
TR
Y
G
G
U
R
A
R
I
46 HIN HLIÐIN 5. nóvember 2010 FÖSTUDAGUR
www.birkiaska.is
Birkilauf (Betulic) hefur góð áhrif á bæði
vökvajafnvægi líkamans og húð, örvar
starfsemi nýrna og þvagfæra. Hraðar
efnaskiptum og losar vatn úr líkamanum,
dregur úr bólgum og afeitrar líkamann (detox).
Birkilaufstöflur
www.birkiaska.is
Minnistöflur
Bætir skammtímaminnið. Nýtist
fólki sem er undir álagi og fæst
við flókin verkefni. Hentar vel
fyrir eldri borgara, lesblinda og
nemendur í prófum. Dregur úr
streitu, eykur ró og bætir skap.
komdu í áskrift!
512 70 80
dv.is/askrift
frjálst, óháð dagblað