Dagblaðið Vísir - DV - 16.03.2012, Blaðsíða 28

Sandkorn
L
ögreglan hefur að undanförnu
staðið sig vel í því að koma
böndum á undirheimaklíkur á
borð við Hells Angels, Outlaws
og fleiri. Það er greinilegt að
stóraukin harka er komin í aðgerðir
lögreglu sem beitir öllum mögulegum
úrræðum til að halda niðri þeirri óværu
sem hlýst af klíkunum alþjóðlegu. Nak­
inn hryllingurinn blasir við í úttekt DV í
dag þar sem grófri árás á unga konu og
aðdraganda árásarinnar er lýst. Enginn
þarf að velkjast í vafa um að í þessu til­
viki hafa gengið fram skepnur fremur
en menn.
Almenningur og stjórnvöld í
landinu verða að veita lögreglunni
allan þann stuðning í orði og verki
sem mögulegur er. Það er þekkt að
glæpamennirnir beita öllum til­
tækum óþverrabrögðum til þess að
klekkja á lögreglumönnum. Þeir safna
persónulegum upplýsingum um lög­
reglumenn og sækja að þeim og fjöl­
skyldum þeirra. Krimmarnir hafa
sumir hverjir aðgang að svokölluðum
stjörnulögmönnum sem hjálpa þeim
að beita lagaklækjum til þess að þurfa
ekki að standa skil á glæpaverkum sín­
um. Þeir ala á ótta sem flestra og byggja
þannig upp valdakerfi sem grefur und­
an réttarríkinu.
Eins og staðan er núna stefnir í að
ellefu samtök, sem mörg eru kennd
við ofbeldi og ógnanir, komi sér fyrir
á Íslandi. Þetta er til viðbótar heima­
mönnum sem stunda handrukkanir
og önnur innheimtustörf af svipuð­
um toga. Þessi staða er þess eðlis
að allir verða að leggjast á eitt til að
halda samfélaginu réttum megin og
tryggja eins vel og auðið er öryggi
fólks. Það siðleysi sem fylgir þeim má
ekki umbera.
Ögmundur Jónasson innanríkisráð­
herra hefur sýnt festu og styrk í baráttu
sinni gegn skipulögðum glæpasam­
tökum. Ráðherrann gengur óhrædd­
ur gegn misindismönnunum og segir
gengjum þeirra stríð á hendur. Það
þarf kjarkmann til að standa í slíku.
Heigull hefði litið undan. Og það er
fagnaðarefni að Stefán Eiríksson lög­
reglustjóri og lið hans skuli beita sér
af hörku gegn illþýðinu. Og það er
aðdáunarvert að lögreglumenn skuli
sýna þann kjark sem þarf til þess að
koma lögum yfir hrottana sem meiða
og drepa. Hver einasti heiðarlegur Ís­
lendingur verður að koma til liðs við
lögregluna og mynda órofa sveit gegn
skepnuskapnum. Það felst í því að gefa
hiklaust upplýsingar um illþýðið og for­
dæma illvirkin. Það verður að tryggja
lögreglunni það fjármagn sem þarf til
þess að brjóta glæpasamtök á bak aftur.
Allir verða að leggjast á eitt til að upp­
ræta þann óþverra sem flæðir yfir ís­
lenskt samfélag undir sérstakri gæslu
stjörnulögmanna. Skálmöldinni verður
að ljúka.
Rektor tekur kipp
n Kristín Ingólfsdóttir, rektor
Háskóla Íslands, hefur veitt
mörgum vafasömum papp­
írnum skjól
í stofnun
sinni. Hún
kippti sér
ekki upp við
það að pró­
fessor var
dæmdur fyrir
ritþjófnað fremur en að einn
af framvörðum viðskipta­
fræðikennslu í skólanum
er grunaður um margvís­
leg brot í starfi. Báðir sitja
þeir enn. En Kristín á það til
að taka kippi við og við. Nú
hefur hún krafið lektorinn
Ársæl Valfells um skýringar
á því að hann fór með bréf
með upplýsingum um Guð-
laug Þór Þórðarson og setti í
póstkassa DV.
Löggan lekur
n Annar sem hefur haft sér­
stakan áhuga á lekamál­
inu er Stefán Eiríksson lög­
reglustjóri.
Stefán hefur
sett mikinn
mannafla
í að rann­
saka það
hvernig máli
Guðlaugs
Þórs Þórðarsonar var lekið.
Á meðan sitja fjölmörg mál
á hakanum. Ekki er ljóst
hvort Stefán sé með til rann­
sóknar þann hluta lekans
sem snýr að því að starfs­
maður Landsbanka hafi
lekið gögnum um Gunnar
Andersen til Guðlaugs Þórs
og áfram til Kastljóss. Og
það vekur sérstaka athygli
að svo virðist sem upplýs­
ingum úr rannsókninni sé
lekið til einstakra fjölmiðla.
Þannig lekur lögreglan ofan
á allt annað.
Stóra gámamálið
n Einhverjir bíða spenntir
eftir niðurstöðu Ríkisendur­
skoðunar hvað varðar 70
milljóna króna gám Skafta
Jónssonar sendiráðsstarfs­
manns og Kristínar Þor­
steinsdóttur, blaðamanns og
dómnefndarmanns vegna
blaðamannaverðlauna.
Gámurinn hafði að sögn að
geyma einhver mestu verð­
mæti sem finnast í íslensk­
um búslóðum og þurfti al­
menningur á Íslandi að láta
70 milljónir af hendi rakna
vegna vatnstjóns sem góssið
varð fyrir.
Einar K. í stuði
n Einar K. Guðfinnsson, þing­
maður Sjálfstæðisflokks­
ins, er gríðarlega öflugur og
fylginn sér. Einar slapp að
mestu óskaddaður undan
hrunsumræðunni og er
talinn líklegur til að leggja
þann umdeilda Ásbjörn
Óttarsson, oddvita sjálf­
stæðismanna í kjördæm­
inu, fyrir næstu kosningar.
Fullyrt er að Einar vinni að
þessu bæði leynt og ljóst
með öflugum málflutningi
á ýmsum sviðum. Þá hefur
hann smám saman snúist
frá því að vera algjörlega
andvígur kvótakerfinu í
það verða einn öflugasti
útvörður þess. Það skemmir
ekki fyrir.
Það var ekki bara
skortur á hrósi
Maður er sjálfur
ábyrgur fyrir sínu lífi
Ása Björk Ólafsdóttir prestur um framkomu Hjartar Magna fríkirkjuprests. – DV Einar Gunnar Birgisson stofnar Bjartsýnisflokkinn. – DV
Hrottar gegn lögreglu
Leiðari
Reynir Traustason
rt@dv.is
„Innanríkis-
ráðherra
hefur sýnt festu
og styrk
A
lþingi samþykkti 22. febrúar
sl. svohljóðandi ályktun með
31 atkvæði gegn 15: „Alþingi
ályktar að frumvarp til stjórn­
arskipunarlaga sem stjórnlagaráð af­
henti Alþingi 29. júlí 2011 ... fari í eftir­
farandi ferli: ... tillögurnar í heild, með
breytingartillögum stjórnlagaráðs ef
við á, ásamt spurningum um helstu
álitaefni, verði bornar upp í ráðgef­
andi þjóðaratkvæðagreiðslu ... 30. júní
2012 samhliða forsetakjöri.“ Í þessu
felst, að „Þingsályktunartillaga stjórn­
skipunar­ og eftirlitsnefndar um ráð­
gefandi þjóðaratkvæðagreiðslu komi
til lokaafgreiðslu Alþingis eigi síðar en
29. mars 2012 og verði hún samþykkt
skal þjóðaratkvæðagreiðsla sam­
kvæmt tillögunni fara fram 30. júní
2012 samhliða forsetakjöri.“
Frumvarp stjórnlagaráðs til nýrr­
ar stjórnarskrár er í föstum farvegi.
Klukkan gengur.
Málþóf? Nei, varla
Gæti klukkan stöðvazt? Gæti farveg­
urinn færzt til? Hvað þyrfti til þess?
Stjórnarandstaðan gæti reynt að spilla
ferlinu með málþófi, þ.e. með því að
setja á endalausar ræður til að reyna
að koma í veg fyrir afgreiðslu málsins í
tæka tíð, þ.e. „eigi síðar en 29. mars“.
Stöldrum við þennan möguleika.
Gögn sýna, að tíundi hver Íslending­
ur ber mikið traust til Alþingis. Hvað
fyndist fólkinu í landinu, ef þingmenn
stjórnarandstöðunnar sæjust í sjón­
varpi dag eftir dag flytja sömu ræð­
urnar fram á nætur í þeim eina og
augljósa tilgangi að koma í veg fyrir,
að þjóðin megi sjálf fá að segja álit sitt
á frumvarpi stjórnlagaráðs? Ef þing­
menn stjórnarandstöðunnar, og þá
einkum Sjálfstæðisflokksins, reyna að
hefta framgang lýðræðisins með þeim
hætti, mun slíkt framferði vísast kalla
fram hörð viðbrögð innan þings og
utan. Ég leyfi mér því að efast um, að
stjórnarandstæðingar áræði að grípa
til málsþófs. Þeir þurfa eins og við hin
að virða leikreglur lýðræðisins og lúta
niðurstöðunni.
Skiljanleg andstaða
Stjórnarskrárfrumvörp mæta ævinlega
andstöðu. Það stafar af því, að stjórnar­
skrár mæla fyrir um réttindi og skyldur.
Réttur eins leggur skyldur á herðar
annarra. Ákvæði frumvarps stjórnlaga­
ráðs um jafnt vægi atkvæða rýrir hlut­
fallslegt atkvæðavægi þeirra, sem hing­
að til hafa haft meiri atkvæðis rétt en
íbúar höfuðborgarsvæðisins í alþingis­
kosningum. Ákvæðið um auðlindir í
þjóðareigu rýrir forréttindi þeirra, sem
hafa hingað til getað gengið um auð­
lindina í hafinu sem sína einkaeign og
hirt af henni nær allan arðinn. Ákvæð­
ið um frjálsan aðgang að upplýsingum
skerðir hag þeirra, sem hafa hingað til
getað skammtað sjálfum sér forrétt­
indi – t.d. margföld eftirlaun – undir
leyndarhjúp.
Andstaða þessara afla gegn nýrri
stjórnarskrá er skiljanleg, en þau
sigla undir fölsku flaggi. Fáir mæla
gegn jöfnum atkvæðisrétti, enda er
hann sjálfsögð mannréttindakrafa í
okkar samfélagi. Ójafn atkvæðisréttur
(þ.e. jafn fjöldi öldungadeildarþing­
manna í öllum fylkjum óháð mann­
fjölda) var eitt umdeildasta ákvæðið í
stjórnarskrá Bandaríkjanna á sinni tíð.
Misvægið er bætt með réttum hlut­
fallsfjölda fylkja í fulltrúadeild Banda­
ríkjaþings. Fáir mæla gegn auðlindum
í þjóðareigu, enda hafa allir stjórn­
málaflokkar á Alþingi samþykkt álykt­
anir í þá veru. Í ályktun Sjálfstæðis­
flokksins um atvinnumál á landsfundi
2011 segir t.d.: „Fyrir afnotaréttinn
komi gjald er renni til ríkisins.“ Varla
nokkur maður mælir á móti gegnsæi.
Meirihlutinn ræður
Við, sem viljum, að þjóðin fái að
kjósa um nýja stjórnarskrá, segjum
við andstæðinga frumvarpsins: Þið
höfðuð sama rétt og aðrir til að gefa
kost á ykkur og kjósa fulltrúa til setu
á stjórnlagaþingi. Þið höfðuð sama
rétt og aðrir til að koma að málinu
á öllum stigum og leggja stjórn­
lagaráði lið, því að ferlið var opið
frá fyrsta degi, allir voru velkomnir.
Og nú er bara eitt eftir, og það er að
leggja frumvarpið, sem stjórnlaga­
ráð samþykkti einum rómi í fyrra, í
dóm þjóðarinnar í atkvæðagreiðslu,
þar sem öll atkvæði vega jafnt. And­
stæðingarnir þurfa að muna, hvernig
hlutirnir gengu fyrir sig í Bandaríkj­
unum 1787–88. Bandaríska stjórn­
arskráin var samþykkt með 89 at­
kvæðum gegn 79 í Virginíu, sem var
þá fjölmennasta fylkið, 30 gegn 27
í New York, 187 gegn 168 í Massa­
chusetts og þannig áfram. Meirihlut­
inn réð.
Klukkan gengur
„Ég leyfi mér því að efast um, að
stjórnarandstæðingar áræði
að grípa til málsþófs
Útgáfufélag: DV ehf. Stjórnarformaður: Lilja Skaftadóttir Ritstjórar: Jón Trausti Reynisson (jontrausti@dv.is) og Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is)
Umsjón helgarblaðs: Ingibjörg Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri: Stefán T. Sigurðsson (sts@dv.is)
Sölu- og markaðsstjóri: Heiða B. Heiðarsdóttir (heida@dv.is) Hönnunarstjóri: Jón Ingi Stefánsson (joningi@dv.is) Umbrot: DV Prentun: Landsprent Dreifing: Árvakur DV á netinu: DV.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
28 16.–18. mars 2012 Helgarblað
Kjallari
Þorvaldur
Gylfason