Dagblaðið Vísir - DV - 22.07.2011, Blaðsíða 2

2 | Fréttir 22.–24. júlí 2011 Helgarblað
Hlaupasokkar
• Minnka verki og þyngsl í kálfum
• Minni hætta á blöðrumyndun
• Draga úr bjúgsöfnun
Stórhöfða 25 • Sími 569 3100 • eirberg.is
Í sumar er opið virka daga frá kl. 9 -18
Lánabók Byrs
DV greindi
frá því á
mánudag að
tuttugu stærstu
skuldarar Byrs
hefðu fengið
meira en 50 millj-
arða króna að
láni frá sjóðnum.
Athygli vakti að
þriðji stærsti skuldari Byrs árið 2008
var Ellert Aðalsteinsson, marg-
faldur Íslandsmeistari í leirdúfu-
skotfimi. Í nóvember 2008 námu
skuldir Ellerts rúmlega 6,1 milljarði
króna. „Ég er bara sveitastrákur
að norðan, frá Húsavík, sem kom í
borgina tómhentur og vann sig upp.
Það er ekkert hægt að tengja mig
við neinn, hvorki útrásarvíkinga né
innrásarvíkinga. Ég er algert „no-
name“, bara „low profile“ strákur,“
sagði Ellert þegar DV bar skuldirnar
undir hann.
Aðeins fimm
vatnsflöskur í boði
Farþegar
með flugi
Iceland Express
frá París til Kefla-
víkur biðu í 36
klukkustundir í
óvissu um hve-
nær þeir kæmust
af stað eftir að
flugmálayfirvöld
kyrrsettu flugvél félagsins. Þetta átti
sér stað um síðustu helgi en flugvélin
var metin óhæf til flugs. Farþegarnir
voru látnir gista með ókunnugu fólki
á hóteli sem þeim var úthlutað eftir
að hafa beðið á Charles de‘Gaulle-
flugvellinum í París í sex klukku-
stundir. Enginn frá flugfélaginu hafði
samband við farþegana fyrr en þeir
fengu SMS-skilaboð rétt fyrir hádegi
daginn eftir að flugvélin átti að fara
í loftið.
Hætti að borga
„Það var
mánudag-
inn 6. júní, ef ég
man rétt, sem
framhaldssala
fór fram. Þá hafði
áður farið fram
þetta venjulega
ferli, byrjun upp-
boðs einhvern
tíma í mars eða apríl. Þetta skiptist í
þrjú stig en húsið var að lokum selt 6.
júní.“ Þetta sagði fjölmiðlamaðurinn
fyrrverandi og lífskúnstnerinn Atli
Steinn Guðmundsson í DV á mið-
vikudag. Atli Steinn ákvað að hætta
að borga af lánum sínum á Íslandi
í febrúar í fyrra. Hann flutti ásamt
sambýliskonu sinni til Stavanger í
Noregi í maí sama ár með það fyrir
augum að hefja nýtt líf þar í landi.
Hús hans í Mosfellsbæ var að lokum
selt á uppboði þann 6. júní síðast-
liðinn.
Fréttir vikunnar í DV
1
2
3
Borhola Orkuveitu Reykjavíkur
veldur íbúum í Hveragerði tölu-
verðu angri. Borholan er á hvera-
svæði nærri Hveragerðiskirkju.
„Þetta er borhola sem er í eigu
Orkuveitunnar og hún er látin blása
allan sólarhringinn,“ segir Elberg
Þorvaldsson, ábúandi á svæðinu í
samtali við DV. Hún blæs að sögn
Elbergs í tíma og ótíma en hættir af
og til inni á milli.
„Það er líkt og maður búi við
hliðina á verksmiðju,“ segir hann og
nefnir að ónæðið sé talsvert. „Það
er mikill þrýstingur frá henni og há-
vaði og það eru bara allir hérna í
hverfinu búnir að fá nóg. Ég þarf að
fara snemma á fætur og er oft ósof-
inn þegar ég mæti í vinnuna.“
Gufu hleypt út öðrum til ónæðis
Orkuveitan notar borholuna til þessa
að hleypa af gufu sem ekki er notuð
til upphitunar í Hveragerði. Á vet-
urna er gufan mestmegnis notuð og
því þarf ekki að hleypa gufu út um
holuna eins oft. En á sumrin er raun-
in önnur.
„Þetta er gufa sem hefur ver-
ið notuð í bænum á veturna en hún
er minna notuð á sumrin og þá er
hún látin blása þarna upp, öðrum til
ónæðis,“ segir Elberg. Hann segir íbúa
á svæðinu jafnan þurfa að loka glugg-
um á næturna þar sem að borholan
blæs oft á mismunandi tímum sólar-
hringsins. „Við þurfum að loka öllum
gluggum þegar við förum að sofa. Svo
þegar hún fer að blása þá getum við
ekki verið úti á palli vegna hávaðans.“
Fór að blása eftir jarðskjálta
Eftir Suðurlandsskjálftann árið 2008
virðist eitthvað hafa raskast því að
það var eftir það sem borholan fór að
blása. „Þetta er búið að vera svona
meira eða minna stanslaust síðan
árið 2008,“ segir Elberg. „Eftir það
urðu þeir að láta hana blása til þess
að hún félli ekki.“ Hann segist hafa
leitað til Orkuveitunnar margsinnis
vegna þessa máls og slíkt hið sama
hafi aðrir íbúar einnig gert.
„Þar höfum við fengið margvísleg
og mismunandi svör en ekkert virð-
ist vera gert í þessu máli,“ segir El-
berg. „En maður er svefnlaus hérna
dag eftir dag út af þessum hávaða.“
Boða bót og betrun
„Við verðum að gera eitthvað í
þessu. Það er alveg ljóst,“ segir Eirík-
ur Hjálmarsson, upplýsingafulltrúi
Orkuveitu Reykjavíkur. Hann segir
að útstreymið frá holunum sé heldur
meira en verið hefur áður og þá sér-
staklega núna á hlýjasta tíma ársins.
Orkuveitan leitar nú leiða í samstarfi
við bæjaryfirvöld að ráða á þessu
bót.
„Það eru tvær leiðir helst til skoð-
unar. Annars vegar er hægt að setja
betri hljóðdeyfi á holuna og svo hins
vegar er möguleiki á betri stýringu á
því sem úr henni kemur. Og þetta eru
þær leiðir sem við erum að skoða,“
segir Eiríkur en tekur fram að tals-
verður kostnaðarmunur sé á þess-
um tveimur leiðum. Eiríkur segir að
vandamálið hafi verið viðvarandi í
talsverðan tíma en nú sé viðfangs-
efnið stærra. Þess vegna þurfi að
leita allra leiða til að ráða bót á há-
vaðanum.
Andvaka vegna
blásandi borholu
„Maður er svefnlaus
hérna dag eftir
dag út af þessum
hávaða.
Símon Örn Reynisson
blaðamaður skrifar simon@dv.is
Einar Þór Sigurðsson
blaðamaður skrifar einar@dv.is
n Mikill hávaði og þrýstingur berst frá holunni n Viðvarandi vandi í nokkur ár
Langþreyttur Elberg Þorvaldsson
segir ónæðið vegna holunnar sífellt,
líkt og að búa við hlið háværrar verk-
smiðju. DV MynD Hörður SVeinSSon
Lést í Taílandi
Íslenskur karlmaður um fimmtugt
lést af slysförum í Taílandi í vikunni.
Maðurinn lætur eftir sig tvö börn en
hann hafði verið búsettur í Taílandi
og þar áður lengi í Danmörku. Til-
drög slyssins eru óljós en ljóst er að
maðurinn lést á meðan hann undir-
gekkst aðgerð í kjölfar slyssins.
Utanríkisráðuneytið hefur stað-
fest að ræðismaður Íslands í Taílandi
aðstoði fjölskyldu mannsins. Ekki
hefur verið greint frá nafni hans.
Óvissa um mál-
efni fatlaðra
Flutningur á málefnum fatlaðra
frá ríki til borgar og óvissa um fjár-
mögnun málaflokksins veldur drætti
á því að borgarstjórn geti lagt fram
þriggja ára fjárhagsáætlun Reykja-
víkurborgar, sem átti að skila í
febrúar á þessu ári. Á fimmtudaginn
óskuðu fulltrúar Sjálfstæðisflokks og
Vinstri grænna eftir því að borgar-
stjórn yrði kölluð saman á aukafund
þar sem slík áætlun hafði ekki verið
lögð fram. Fulltrúar minnihlutans
gagnrýna meirihlutann og segja að
slík vinnubrögð séu bæði óábyrg og
algjörlega óviðunandi. Borgaryfir-
völd segja fullbúna útgjaldaáætlun
tilbúna en það sem skorti sé fjár-
magn. Því sé nú rætt við stjórnvöld
um málið. Vonast er til að gerð áætl-
unarinnar verði lokið í haust.
Veiddu lax
undir Gullinbrú
Tveir veiðimenn voru gripnir glóð-
volgir við laxveiðar í Grafarvogi um
miðjan dag á miðvikudaginn. Menn-
irnir, sem eru báðir um þrítugt,
höfðu komið sér fyrir undir Gull-
inbrú og veitt tvo laxa þegar lögregl-
an kom á vettvang. Lögreglumenn
bentu þeim á að veiðiskapur þeirra
væri brot á lögum um lax- og sil-
ungsveiði. Laxinn var haldlagður en
veiðimennirnir sögðu sér til máls-
bóta að þeir þekktu ekki fiskana með
nafni. Að sögn lögreglu gekk erfið-
lega að fá nöfn mannanna en tókst
að lokum.