Dagblaðið Vísir - DV - 22.07.2011, Blaðsíða 54

54 | Fólk 22.–24. júlí 2011 Helgarblað
Eignaðist son
Fyrrverandi sjónvarpskonan
og fyrirsætan Andrea Róberts­
dóttir og Jón Þór Eyþórsson
eignuðust sitt annað barn á
miðvikudaginn. Þeim fæddist
heilbrigður og stór, 17,5 marka
og 56 sentímetra, drengur.
Andrea sagði frá þessu á Face­
book­síðu sinni í gær og sagði
hann vera fullkominn. Fyrir
á parið soninn Dreka sem er
fæddur í september 2008.
Handhristing-
urinn mikli
Í nýjasta innslagi í liðnum
Álitið á fotbolti.net voru spek­
ingar spurðir út í atvik sumars­
ins í Pepsi­deildinni hingað til.
Álitsgjafarnir voru fjölmargir
og má þar nefna Loga Ólafs­
son, Guðjón Guðmundsson og
Geir Ólafsson. Þar var einnig
Egill Gillz Einarsson en hann
sagði atvik sumarsins hafa
verið þegar Guðjón Baldvins­
son framherji KR stundaði
sjálfsfróun eða „handhristing“
inni í klefa eftir KR og Keflavík
í annarri umferð. Egill fékk
svo greinilega vin sinn Mikael
Nikulásarson og samstarfs­
konu sína Silju Úlfarsdóttur til
liðs við sig því nefndu einnig
meintan handhristing Guð­
jóns sem eitt af atvikum sum­
arsins.
V
ið vorum að keyra í
brautinni í Sólbrekku
hér rétt hjá mér
nokkrir félagar. Svo
var ég að stökkva og
leika mér og slasa mig. Ég man
ekki neitt. Hvorki fyrir né eftir
slysið,“ segir handboltahetj­
an og silfurdrengurinn Logi
Geirsson sem liggur á sjúkra­
beði stórslasaður eftir mótor­
kross­slys.
Logi datt af hjóli sínu Kawa­
saki KX 250 en enginn sá hvað
gerðist og hann man sjálfur
ekkert. „Það er alveg vika sem
er týnd hjá mér. Ég man ekkert
í kringum þetta nema að ég var
á spítala í nokkra daga á eftir,“
segir Logi en hann slasaðist
nokkuð illa.
„Ég braut viðbein og svona
eitt og annað. Það þurfti að
taka bein úr mjöðminni og
setja í viðbeinið. Það fór í
sundur. Svo fékk ég líka heila­
hristing og rifbeinin eru brák­
uð. Ég er búinn að liggja núna
heima í tíu daga,“ segir Logi.
Öxlin sem viðbeinið brotn­
aði við er vinstra megin en ekki
hægri sleggjan sem gerði Loga
frægan.
„Þetta er sem betur fer ekki
„byssan“,“ segir Logi sprell­
kátur. „Ég myndi nú ekki kalla
þetta sleggju lengur. Meira
svona gúmmíhamar,“ bætir
hann við hlæjandi. „Ég er bú­
inn að vera að reyna að ná öxl­
inni á hægri í gang þannig að
það er lán í óláni að þetta var
vinstra megin.“
Þótt Logi sé nokkuð illa far­
inn í dag hefði slysið getað ver­
ið mun alvarlegra hefði hann
ekki verið skynsamur.
„Ég þakka bara fyrir að
hafa verið í öllum gallanum og
með allan hlífðarfatnað. Ég á
sem betur fer allt besta dótið,
brynjur og púða og þakka guði
fyrir það í dag.
Ég vil bara brýna fyrir öllum
sem eru að leika sér á kross­
ara að vera skynsamir og búa
sig vel. Það er ástæða fyrir því
að þessir gallar og brynjur eru
til,“ segir Logi sem lítur þó eins
og alltaf fram á veginn, það þarf
meira en mótorkross­slys til að
brjóta hann niður.
„Það eru ekki alltaf jólin. Það
eru hæðir og lægðir í lífinu og
maður verður að geta brosað
í gegnum erfiðu tímana líka.
Maður kemst ekki í gegnum líf­
ið án þess að þurfa að takast
á við vandamál. Þetta eru búin
að vera strembin tvö ár og nú
hlýtur að fara að birta til. Mað­
ur verður auðvitað lifa lífinu lif­
andi,“ segir Logi sem nýlega hóf
nýjan kafla í lífi sínu sem vöru­
merkisstjóri Asics á Íslandi.
Logi hefur verið einstaklega
sigursæll íþróttamaður og varð
nú síðast Íslandsmeistari með
FH eftir að hafa orðið tvisvar
sinnum Evrópumeistari með
Lemgo í Þýskalandi og árangur
hans með landsliðinu þekkja
allir. Þá er hann einnig flutt­
ur til Njarðvíkur, heimabæj­
ar unnustu sinnar, Ingibjargar
Elvu Vilbergsdóttur.
„Ég vann stutt á Kananum
sem markaðsstjóri eða í rúma
þrjá mánuði og náði mér í fína
reynslu þar. Svo var ég eigin­
lega keyptur yfir til Asics. Nú
er maður bara kominn í níu til
fimm vinnu sem fer mér ágæt­
lega. Ég sé um þetta merki sem
er Ferrari íþróttaskónna. Þetta
eru langbestu handbolta­ og
hlaupaskórnir og svo er einnig
ýmis fatnaður. Það eru til dæmis
átta í íslenska handboltalands­
liðinu í dag sem spila í Asics.“
En stefnir Logi Geirsson
á atvinnumennsku aftur? „Ef
öxlin fer í gang þá fer ég aft­
ur af stað í að vinna í gömlum
draumi sem tengist Spáni,“ seg­
ir Logi spáskur.
„Annars er maður bara flutt­
ur til Njarðvíkur með fjölskyld­
una sem er rosalega fínt. Konan
er að fljúga með Icelandair
og við unum hag okkar
vel á Suðurnesjun­
um,“ segir silfur­
drengurinn Logi
Geirsson.
tomas@dv.is
n Logi Geirsson stórslasaður eftir mótorkross-slys
n Þurfti að flísa úr mjöðminni og setja í brotið viðbein
n Fluttur til Njarðvíkur og tekinn við Asics-merkinu
„Þetta er
sem betur
fer ekki „byssan“.
„Man ekki
eftir slysinu“
Getur verið hættulegt Það er eins gott að búa sig vel
áður en maður fer á krossara.
Þakkar fyrir að hafa notað
hlífðarbúnað Logi hefði slasast
mun verr ef hann hefði ekki verið í
brynju og með hjálm.Handlaginn
Halldór
Leikstjórinn, uppistandarinn
og rapparinn Halldór Hall­
dórsson festi nýlega kaup á
sinni fyrstu íbúð. Halldór er
ekki bara blessaður af lista­
gyðjunni því hann er einnig
áhugasmiður mikill og sá sjálf­
ur um flestar endurbæturnar í
nýju íbúðinni. Hon­
um til halds og
trausts var pabbi
hans, kvikmynda­
framleiðandinn
Halldór Þor­
geirsson, en
þeir feðgar
smíðuðu
meðal
annars
eld­
hús­
inn­
réttingu frá
grunni.
Ósk Norðfjörð yngir upp
G
lamúrfyrirsætan og
móðirin Ósk Norðfjörð
er samkvæmt heimild­
um DV komin með nýj­
an kærasta. Sá heppni heit­
ir Sveinn Elías Elíasson og er
frjálsíþróttakappi. Töluverð­
ur aldursmunur er á turtil­
dúfunum en Ósk er fædd árið
1978 og er því 33 ára á þessu ári
en Sveinn Elías er fæddur árið
1989 og verður 22 ára í ágúst.
Þau láta ekki aldursmuninn á
sig fá og Sveinn setti mynd af
þeim saman inn á Facebook­
síðu sína í vikunni þar sem þau
eru saman á ferðalagi um land­
ið og stilla sér ástúðleg að sjá
upp fyrir myndatöku hjá Geysi
í Haukadal. Vinir Sveins lýstu
yfir ánægju sinni með mynd­
ina og skrifuðu meðal annars
undir myndina „Ást í loftinu“
og „Þið eruð fullkomin.“
Ósk stóð nýlega fyrir keppn­
inni Goð og gyðjur á Spot þar
sem valinn var einn keppandi
af hvoru kyni sem fékk titil­
inn goð eða gyðja ársins. Valið
var út frá útgeislun keppenda
en ekki útliti. Hún hefur einnig
setið töluvert fyrir og prýtt síð­
ur blaða. Hún þreytti frumraun
sína í söng í fyrra þegar hún gaf
út lagið „Keep on Waiting“ sem
hún söng með vinkonu sinni,
Ásdísi Rán. Sveinn hefur lengi
verið talinn einn efnilegasti
frjálsíþróttakappi landsins og er
einnig mikill bílaáhugamaður.
Ósk á fimm börn úr fyrri
samböndum en Sveinn er
barnlaus.
Nýtt par Samkvæmt heimildum DV blómstrar ástin hjá turtildúfunum
Ósk og Sveini. Sveinn birti þessa mynd á Facebook-síðu sinni í vikunni.
Eldheit Ósk er fimm barna móðir,
fyrirsæta og söngkona.
n Komin með nýjan kærasta sem er 11 árum yngri en hún
Viðbeinið í sundur Röntgenmynd sem
tekin var af Loga eftir slysið.