Dagblaðið Vísir - DV - 22.07.2011, Blaðsíða 8

8 | Fréttir 22.–24. júlí 2011 Helgarblað
Stígamót opna athvarf fyrir þolendur kynferðisofbeldis:
Safna hlutum fyrir athvarf
„Við erum að vinna í því að opna at-
hvarf og komum til með að fá hús-
næði fljótlega. Við þurfum í rauninni
allt sem venjulegt heimili þarfnast.
Ef fólk á einhverja hluti, bæði nýja og
notaða, sem eru í góðu ásigkomulagi
myndum við gjarnan vilja gefa því
framhaldslíf,“ segir Steinunn Gyðu-
og Guðjónsdóttir, verkefnastýra hjá
Stígamótum. Samtökin stefna að því
að opna athvarf fyrir þolendur kyn-
ferðisofbeldis á næstunni. Þau ætla
að innrétta athvarfið eins og heimili
og vantar ýmislegt inn á það.
„Við ætlum að innrétta heim-
ili fyrir 5–6 manns. Okkur vant-
ar allt, sófa, stofuborð, rúm, hillur,
fataskápa, já, bara allt sem er inni á
venjulegum heimilum. Líka hræri-
vél, ryksugu, glös og bara allt svona.
Við viljum bara gera þetta fallegt og
heimilislegt.“
Hún segir athvarfið koma til
með að hjálpa þolendum kynferðis-
ofbeldis. „Markhópurinn okkar eru
konur sem hafa verið seldar mansali
eða verið í vændi. Hugmyndin er að
þetta verði ekki neyðarathvarf held-
ur staður þar sem konur geta búið í
nokkra mánuði meðan þær eru að
fóta sig í lífinu og koma sér frá þeim
harða veruleika sem vændið er og
því sem þar viðgengst.“
Þeim, sem vilja leggja söfnun-
inni lið, er bent á að hafa samband á
tölvupóstfangið steinunn@stigamot.
is eða á skrifstofu Stígamóta í síma
690-3565 eða 562-6868.
Athvarf fyrir
Stígamót Hafin er
söfnun fyrir athvarf
Stígmóta. Athvarfið
á að geta hýst fimm
til sex manns í einu.
Vildi selja pláss í bók:
„Ósiðlegt
brask“
Þór Saari, þingmaður Hreyfingar-
innar, segir að Sturla Böðvarsson,
fyrrverandi samgönguráðherra, hafi
boðið sér að kaupa umfjöllun um
Hreyfinguna í bók sem Sturla stóð
að. Þór segir að bókin hafi átt að vera
einhvers konar söguleg úttekt á Ís-
landi frá árinu 2010.
Þór segist hafa hitt Sturlu eftir að
hin síðarnefndi hefði þrábeðið hann
um fund vegna bókarinnar. „Hann
er viðriðinn einhverja bókaútgáfu
og þetta átti að vera einhvers konar
mynd af Íslandi á hverjum tíma.
Þetta átti að vera bara fyrir árið 2010.
Þetta hljómaði allt mjög vel og fal-
lega og var nokkuð áhugavert. Þegar
við hittumst þá útskýrði hann þetta
svo fyrir mér í þaula,“ segir Þór.
Við lok fundarins kom svo í ljós
að Hreyfingin gat keypt sér um-
fjöllun um flokkinn í bókina. Í bók-
inni átti að vera einhvers konar listi
yfir stjórnmálaflokka og umfjöllun
um þá. „Til þess að vera með í því
þá þurftum við að borga fyrir það,“
segir Þór og telur að sú upphæð hafi
hlaupið á einhverjum hundruðum
þúsunda.
„Mér finnst þetta bara ósiðlegt
brask. Að bjóða mönnum að kaupa
umfjöllun um eitthvað sem þeir
kalla sögulegar heimildir. Greinilegt
er að einhverjir þurfa að minnsta
kosti að borga fyrir umfjöllunina,“
segir Þór, en Hreyfingin mun hafa
hafnað þessu boði frá Sturlu.
Þór Saari sagði fyrst frá mál-
inu í ummælum við frétt á vef DV.is
þar sem fjallað var um lánsloforð
Byggðastofnunar, þar sem Sturla
situr í stjórn, til Ökugerðis Íslands,
þar sem Sturla er stjórnarformaður.
Í ummælunum sagði Þór: „Sturla
kemur víða við. Í vor fundaði ég með
honum eftir mikla eftirgangssemi af
hans hálfu vegna bókar sem hann
er að gefa út um Ísland, e.k. söguleg
úttekt á Íslandi árið 2010. Ástæða
fundarins var að hann vildi selja
Hreyfingunni pláss fyrir umfjöllun
í bókinni. Svona geta menn nú ein-
faldlega keypt sér sess í sögunni, ef
sagnaritarinn er. . . . ? Leyfi ykkur að
botna.“
Heimildir DV herma að enski leik-
stjórinn Ridley Scott gisti nú í glæsi-
villunni Hrafnabjörgum við Eyja-
fjörð. Scott, sem meðal annars er
heimsfrægur fyrir að hafa gert Alien-
myndirnar, er staddur hér á landi við
tökur á kvikmynd sem mikil leynd
hvílir yfir og lítið sem ekkert er vit-
að um hvers eðlis hún er. Þó er vitað
að myndin heitir Prómeþeus. Meðal
leikara í myndinni eru Charlize The-
ron og Michael Fassbender.
Húsið er í eigu svissneska auð-
mannsins Thomas Martin Seiz en
var áður í eigu Jóhannesar Jónsson-
ar, stofnanda Bónus. Landsbankinn
tók húsið af Jóhannesi fyrir nokkr-
um mánuðum, líkt og DV greindi frá
á sínum tíma. Öryggisverðir frá Ör-
yggismiðstöðinni vakta húsið allan
sólarhringinn á meðan Ridley Scott
dvelur í því.
Meðfylgjandi mynd, sem tekin
var á fimmtudag, sýnir öryggisvörð
á bíl merktum fyrirtækinu standa
vaktina við innkeyrsluna við Hrafna-
björg. Daginn áður sást þyrla lenda á
lóðinni. Hún staldraði þó stutt við því
hún fór aftur á loft og lenti á Akureyr-
arflugvelli.
Fer yfir hálft landið
Heimildir DV herma að Ridley gisti
nú í húsinu en þetta hefur ekki feng-
ist fyllilega staðfest. Ástæða þess er
að tengiliðir hans hér á landi, starfs-
menn True North, eru bundnir trún-
aði. Tökur fara nú fram á mynd Rid-
leys Scott við Dettifoss og DV hefur
áður sagt frá því að falast hafi ver-
ið eftir Hrafnabjörgum sem aðsetri
fyrir Ridley. Þá mun öryggisgæsla í
húsinu hafa verið hert til muna ný-
lega, ásamt því að menn hafa ekki
orðið sérstaklega varir við þyrluferð-
ir við húsið fyrr en nýverið. Það má
því ætla að leikstjórinn gisti nú í því.
Þá hefur DV áreiðanlegar heimild-
ir um að tökulið Ridleys og leikarar
í myndinni gisti nú á sveitahótelum
á nágrenni við Hrafnabjörg og hef-
ur hótelið Bjarnargerði við Eyjafjörð
verið nefnt í því samhengi.
Ætla má að Ridley noti þyrluna til
að ferðast á tökustað, sem er nærri
Dettifossi. Sjónarvottar segja þyrl-
una hafa lent við húsið á miðvikudag
og hafa svo haldið áleiðis til Akur-
eyrar. Mögulegt er þó að leikstjórinn
ferðist frá flugvellinum og á tökustað
á bíl. Tökur standa nú yfir við Detti-
foss og munu standa fram á föstu-
dag. Meðan á þeim stendur mun að-
gengi ferðamanna að fossinum verða
takmarkað.
Stórmynd í bígerð
Þó að ekkert hafi verið tilkynnt
opinberlega um málið mun Rid-
ley hafa látið ýmislegt í ljós í við-
tölum vegna kvikmyndarinnar.
Myndin átti upprunalega að vera
sú fyrri af tveimur sem yrðu for-
leikur að Alien-kvikmyndunum.
En í kjölfar ágreinings við 20th
Century Fox-myndverið voru
nokkrar breytingar gerðar á mynd-
inni. Ágreiningurinn snérist fyrst
fremst um að Scott vildi fram-
leiða mynd sem yrði bönnuð inn-
an 18 ára, en mynd verið vildi ekki
leggja eins miklar fjárhæðir í kvik-
mynd sem næði ekki til breiðari
markhóps. Henni var því breytt. Á
vefnum imdb.com er ýmislegt sagt
um kvikmyndina – en ekkert hefur
fengist staðfest og ljóst er að marg-
ar sögusagnir eru á kreiki um þessa
mynd Ridleys Scott.
„Daginn áður
sást þyrla
lenda á lóðinni.
n Heimsfrægur leikstjóri gistir í Hrafnabjörgum n Áður heimili Jóhannesar í Bónus
n Sólarhringsvöktun öryggisvarða n Flýgur frá Hrafnabjörgum með þyrlu
Ridley Scott gistir í
húsi Jóa í Bónus
Eitt glæsilegasta
hús landsins
Hrafnabjörg er eitt glæsilegasta hús
landsins. Húsið er 427 fermetrar og
stendur á um sextán þúsund fermetra
eignarlóð. Húsið er á tveimur hæðum
og á efri hæðinni mynda stofan, borð-
stofan og eldhúsið eitt stórt og opið
rými. Stórir útsýnisgluggar eru á stof-
unni sem í er arinn. Á neðri hæðinni er
tæknirými, líkamsræktaraðstaða og tvö
baðherbergi. Fyrir utan er 40 fermetra
sundlaug og stór heitur pottur.
Thomas Seiz festi kaup á þessari
glæsilegu eign í apríl síðastliðnum eftir
að skilanefnd Landsbankans leysti
eignina til sín. Gamli Landsbankinn átti
400 milljóna veð í húsinu. Samkvæmt
heimildum DV óku öryggisverðir framhjá
eigninni á klukkutíma fresti þegar húsið
var í eigu Jóhannesar.
Símon Örn Reynisson
blaðamaður skrifar simon@dv.is
Villan Hrafnabjörg er eitt glæsilegasta hús landsins, en það er
427 fermetrar og stendur á um sextán þúsund fermetra eignarlóð.
Lúxuslíf Ridley Scott gistir, sam-
kvæmt heimildum, í glæsivillunni
Hrafnabjörgum við Eyjafjörð. Húsið
var áður í eigu Jóhannesar í Bónus.
Á vaktinni Öryggisvörður fylgist með því að enginn óboðinn fari inn á lóðina.
Sjálfskiptur Skoda Octavia árg 2002
Ekinn 110 þús, dökkblár, 4 dyra, 1.984 cc.,
heilsársdekk fylgja, ekkert áhvílandi.
Hafið samband við Margréti í síma 661-8330