Dagblaðið Vísir - DV - 22.07.2011, Blaðsíða 36

36 | Sakamál 22.–24. júlí 2011 Helgarblað
H
inn 7. október sat
Cheryl Jennings í
makindum og vann
við tölvuna sína á
heimili þeirra Seans,
eiginmanns henn-
ar, í Spokane í Washington þeg-
ar Sean bar fram frekar undar-
lega bón. „Þetta er ekki tilbúið
enn. Ég vil ekki að þú sjáir hvað
ég er búinn að gera. Ég bind fyrir
augun á þér og leiði þig þangað,“
sagði Sean við Cheryl. „Þang-
að“ var inn í bílskúrinn þar sem
Sean hafði dundað við að útbúa
draugahús fyrir börn sín.
Cheryl, sem var 36 ára, var
bundin við hjólastól og hafði
aðeins verið gift Sean í eitt og
hálft ár. Hjónabandið var þriðja
hjónaband Seans og var Cheryl
afar umhugað að gera honum til
geðs, hjálpa honum að ala upp
börn hans og verða sú kona sem
fyllti líf hans hamingju og gleði.
Þennan dag þarfnaðist hann
Cheryl til að ákvarða lengd reip-
is sem hann hugðist nota til að
hengja upp plastbeinagrind í
draugahúsinu til að fullkomna
það.
„En af hverju þarf ég að hafa
bundið fyrir augun,“ spurði
Cher yl. Sean gaf það svar að um
væri að ræða leik og hún þyrfti
engar áhyggjur að hafa.
Leidd í snöruna
Sean batt fyrir augu Cheryl og
hún lét það eftir honum að leyfa
honum að leiða sig inn í bíl-
skúrinn. Þangað komin reisti
hann hana úr hjólastólnum og
upp í stiga þar sem hún þurfti
að standa á meðan hann mældi
lengdina frá hálsi hennar upp í
loft.
Fyrirvaralaust var hann
búinn að handjárna hana og
smeygja lykkju um háls hennar.
Cheryl var verulega brugðið og
hrópaði: „Losaðu þetta af mér,
Sean. Hættu þessari vitleysu.“ En
Sean brást við kröfu hennar með
því að hækka í útvarpinu.
Þar sem bundið var fyrir augu
Cheryl var henni gjörsamlega
ómögulegt að gera sér grein fyr-
ir hvað var að gerast í kringum
hana en skyndilega fann hún
að stiginn hallaði undir henni,
en örvæntingarhróp hennar
drukknuðu í hávaðanum frá út-
varpinu.
Sean mistókst að sparka stig-
anum undan konu sinni og
henni tókst að halda jafnvægi
með því að tylla sér á tær. Hún
fann að reipið hertist um háls
hennar og bað Sean, á milli þess
sem hún barðist við að ná and-
anum, um að losa sig.
Einfaldara en skilnaður
Allt í einu lækkaði tónlistin í út-
varpinu og Sean útskýrði með
kaldri, tilfinningalausri röddu
hvað fyrir honum vakti. Þetta var
einfaldara en að standa í skiln-
aði, sagði hann. Hann hefði þeg-
ar gengið í gegnum tvo skilnaði
og hugnaðist ekki að skilja þriðja
sinni og greiða framfærslueyri.
Sean bætti við að hann myndi
segja börnunum að Cheryl hefði
framið sjálfsmorð í þunglyndi
og að sjálfsögðu myndi hann sjá
til þess að sjálfsmorðsbréf fynd-
ist. Sean upplýsti Cheryl um að
hann hefði eytt ófáum stundum
í að æfa rithönd hennar.
Þar sem Cheryl barðist fyrir
lífi sínu, standandi á tám í efstu
rim stigans, missti Sean þolin-
mæðina og sagði henni að láta af
þessari baráttu, hún myndi hvort
sem er missa meðvitund innan
skamms.
Sean hafði rétt fyrir sér, en
þegar Cheryl var um það bil að
missa meðvitund skipti Sean um
skoðun. „Þá var ég gjörsamlega
magnvana; undrun mín og reiði
höfðu breyst í uppgjöf. Ég var viss
um að lífi mínu myndi ljúka þar
og þá,“ sagði Cheryl síðar.
Sean lyfti Cheryl úr snör-
unni og kom henni fyrir í
hjólastólnum og hálfringl-
uð leit hún í andlit hans
þegar hann bað hana
lengstra orða að gleyma
því sem á undan var
gengið. Cheryl hélt
að Sean hefði misst
vitið. Hann var ný-
búinn að reyna að
fyrirkoma henni
og bað svo um
fyrirgefningu;
hann vildi ekki
skilnað, hann
elskaði hana og
vildi að hún lof-
aði að fara ekki
fram á skilnað.
Ákæra, ekki
fyrirgefning
Sean sagði Cheryl að
bera smyrsl á sárið á
hálsinum og hylja það síðan
með hálsklút og fyrst þá sagðist
hann vera miður sín vegna máls-
ins.
Cheryl var eðlilega nokkuð
ringluð og því var það ekki fyrr en
tveimur dögum síðar þegar hún
var í verslunarmiðstöð í hverfinu
að hún hafði samband við lög-
regluna. Sean Jennings var hand-
tekinn þá um kvöldið og neitaði,
þrátt fyrir að lögreglan væri búin
að finna handjárnin, reipið, stig-
ann og fleira sem málið varðaði,
ásökunum eiginkonu sinnar.
Sean var ákærður fyrir morð-
tilraun og Cheryl fór, eðli máls-
ins samkvæmt, fram á skilnað.
Við réttarhöldin yfir Sean sagði
Cheyl társtokkin við hann: „Þú
sagðir mér að treysta þér og ég
gerði það. Þú sagðir að þú mynd-
ir ekki meiða mig og ég trúði þér.“
Sean játaði á sig morðtilraun
og var, þrátt fyrir að sýna iðrun í
tíma og ótíma, dæmdur til tólf
ára fangelsisvistar. Cheryl sagði
hins vegar að hún teldi sig afar
lánsama að enda sem fráskilin
kona, en ekki dauð.
kolbeinn@dv.is
Banaráð
í Bílskúr
n Með bundið fyrir augun var Cheryl Jennings leidd inn í bílskúr n Það sem hún hélt vera grín
var í huga eiginmanns hennar dauðans alvara n Í bílskúrnum beið Cheryl frumstæður gálgi
„Þá var ég
gjör samlega
magnvana; undrun
mín og reiði hafði
breyst í uppgjöf. Ég
var viss um að lífi
mínu myndi ljúka
þar og þá.
Sean Jennings Hugnaðist ekki að ganga í gegnum sinn þriðja skilnað.
Ó
hætt er að segja að gleði
Tammy Lee Hinton á
brúðkaupsdegi sínum
um síðustu helgi hafi
fengið snöggan endi.
Tammy Lee var vart búin að
segja „já“ og þannig séð komin
í hnapphelduna þegar hún fékk
heldur óvenjulegt skart frá lög-
reglunni sem hafði ákveðið að
heiðra hana með nærveru sinni
í kirkju einni í grennd við Jack-
son í Michigan í Bandaríkjun-
um.
Þannig er mál með vexti
að Tammy Lee Hinton ku ekki
hafa gengið hinn þrönga veg
dyggðugs lífernis og var á skrá
hjá lögreglunni fyrir að hafa
gengið í bága við lög og regl-
ur með því að nýta sér pers-
ónuupplýsingar annarrar
manneskju. Samkvæmt Rick
Gillespie, öryggisfulltrúa bæj-
arfélagsins Blackman-Leoni
í Jackson-sýslu, var talið að
Tammy Lee, sem er 53 ára,
hefði komið sér fyrir í Flórída
en lögreglan í Jackson hafði
fengið ábendingar um að hún
kynni að drepa niður fæti í
Leoni-bæjarfélaginu vegna
fyrirhugaðs brúðkaups.
Lögregluyfirvöld veltu fyr-
ir sér hvort við hæfi væri að
hneppa Tammy Lee í varð-
hald á brúðkaupsdegi hennar
en komust að því eftir nokkra
umhugsun að þeim væri ekki
margra kosta völ, enda ekki
hægt um vik að láta áreiðan-
legar upplýsingar um veru-
stað hennar sem vind um eyru
þjóta. „Við þurftum að gera
hið nauðsynlega,“ sagði áður-
nefndur Gillespie við vefsíð-
una MLive.com.
Tammy Lee fékk þó óáreitt
að ganga inn kirkjugólfið,
skiptast á heitum við verð-
andi eiginmann sinn og segja
„já“ áður en lögreglan skellti
handjárnum á hana. Tammy
afþakkaði aftur á móti að hafa
fataskipti áður en hún var
færð í varðhaldið og skartaði
því þessu líka fína brúðarslöri
á „brúðkaupsmynd“ lögreglu-
yfirvalda í Jackson-sýslu.
Að sögn Gillespies var
Tammy Lee forviða í fyrstu
enda hafði hún, að eigin
sögn, ekki minnstu hugmynd
um hvað málið snérist um.
Reyndar þurfti hin nýbak-
aða eiginkona ekki að dvelja
lengi í varðhaldi því eigin-
maður hennar, ónafngreind-
ur, fékk að sækja hana innan
við hálftíma eftir hina óvæntu
uppákomu þegar búið var að
ganga frá tryggingu fyrir hana.
Frekari upplýsingar um mál-
ið eru ekki fyrirliggjandi, en tal-
ið er að Tammy Lee Hinton og
eiginmaður hennar hafi haldið
rakleitt til brúðkaupsveislu og
ekki látið hnappheldu lögregl-
unnar hafa áhrif á hnappheldu
hjónabandsins.
Brúðurin sett í járn við altarið
n Fékk óvænta gesti í brúðkaupið