Dagblaðið Vísir - DV - 22.07.2011, Blaðsíða 31

Nærmynd | 31Helgarblað 22.–24. júlí 2011
Sama ár kom út bókin Og þá flaug
hrafninn, sem var uppgjör Ingva við
fréttastofuna og frásagnir af lífinu á
bak við skjáinn. Sagði Ingvi þar að
hann hefði í raun sagt upp í desem­
ber 1987 sem fréttastjóri þegar kvis­
aðist að Markús Örn ætlaði að ráða
Sigrúnu Stefánsdóttur, núverandi
dagskrárstjóra, í starfið hans Ingva.
„Það varð allt bókstaflega brjál­
að og fréttamenn sögðu beint út við
mig að ég mætti ekki skilja fréttastof­
una eftir í höndum Sigrúnar. Eng­
inn fréttamannanna vildi fá hana
sem yfir mann sinn. Ég var þá beitt­
ur miklum þrýstingi [að hætta við að
hætta, innsk. blm]. Á endanum féllst
ég á að taka uppsögnina til baka,“
skrifar Ingvi í bók sinni.
Í frétt DV um málið í júlí 1988
sögðust fréttamenn Sjónvarpsins
ekki kannast við neina andstöðu
gegn Sigrúnu. Enginn þeirra kom
þó fram undir nafni. Svo fór eins og
áður segir að Ingvi var rekinn, aðeins
nokkrum mánuðum eftir að hann
hætti við að hætta.
Sló í gegn með Bingó-Bjössa
Eftir að hafa verið rekinn frá RÚV
fór Ingvi yfir á Stöð 2 og varð þar
einnig fréttastjóri. En veturinn 1994
skipti Ingvi algjörlega um gír og tók
að sér þáttastjórnendahlutverk í ein­
um allra minnisstæðasta sjónvarps­
leikjaþætti Íslandssögunnar, Bingó­
Lottó. „Næsta laugardag segi ég bara
góðar fréttir,“ var heilsíðuauglýsing
með Ingva sem birtist í öllum dag­
blöðum landsins.
Þátturinn sló algjörlega í gegn og
var markaðsfræðilegt undur því ekki
bara voru það heppnir gestir í sjón­
varpssal sem gátu unnið peninga­
fjárhæðir upp að 400.000 krónum,
auk myndavéla, sjónvarpa, tölva,
utan landsferða og meira að segja
fólksbíla, heldur gat fólkið heima
einnig keypt sér Bingó­Lottó­miða,
tekið þátt í fjörinu og hringt inn þeg­
ar það var komið með bingó.
Á mörgum heimilum sat fólk klárt
við símann á hverju laugardags­
kvöldi en þátturinn var ávallt sýnd­
ur í opinni dagskrá. Það sem meira
var þá byrjaði Ingvi að hringja heim
til fólks í beinni útsendingu og var þá
eins gott að fólk ætti miða ætlaði það
sér að vinna eitthvað.
Ingvi sýndi í þættinum á sér nýja
hlið sem skemmtikraftur en þáttur­
inn höfðaði bæði til barna og full­
orðinna. Ingvi varð sjónvarpsstjarna
á einni nóttu og var hann farinn að
ferðast um landið til að hitta krakka
ásamt hinum sívinsæla bangsa,
Bingó­Bjössa, sem var aðstoðarmað­
ur hans. Fékk Úrval útsýn þá félaga
til að mæta þegar nýr ferðabækling­
ur fyrirtækisins var kynntur og gefa
kátum krökkum glaðning, svo dæmi
sé tekið.
ÍNN
Eftir að hafa yfirgefið Stöð 2 sinnti
Ingvi ýmsum störfum en fyrir rúm­
um fjórum árum síðan ákvað hann
að stofna eigin sjónvarpsstöð og
til varð ÍNN. Stöðina á Ingvi Hrafn
ásamt syni sínum, Ingva Erni.
Stefnt var að því að fara í loftið 19.
janúar 2007 en fyrsta útsending var
24. mars 2007. Fyrstu fjórar vikurnar
var Ingvi staddur á Flórída og talaði
við gesti sína í gegnum vefmyndavél
en það vakti eðlilega mikla athygli.
Það gerir Ingvi enn þann dag í dag.
„Það er hreint með ólíkindum að
ég geti setið hérna í 4.000 mílna fjar­
lægð og rætt við viðmælendur mína
sem sitja í stúdíói heima á Íslandi,“
sagði hann í viðtali við Fréttablaðið.
Ingvi var að vanda háfleygur þeg­
ar hann ræddi um stofnun ÍNN í
Fréttablaðinu í lok desember 2006.
Sá hann þá fram á að geta haldið
stöðinni í loftinu í sex mánuði en
þeir eru nú orðnir að fjórum árum.
„Hversu umfangsmikil dagskráin
á ÍNN verður ræðst af því hvernig
Sjálfstæðisflokkurinn afgreiðir Sikil­
eyjarfrumvarpið um RÚV. Sem mun
gera Pál Magnússon að sannkölluð­
um Corleone. Frumvarpið er glæp­
samlegt í mínum bókum. Mennta­
málaráðherra hæstvirtur sér ekki
upp fyrir koppinn sinn. Menn eru
alltaf að hugsa um Jón Ásgeir, Baug,
365, en málið er að þetta frumvarp
mun skerða stórkostlega alla þróun­
armöguleika í þessum miðli.
Ingvi er allt í öllu hjá ÍNN, er að
sjálfsögðu með þátt sinn Hrafna­
þing þar sem hann segir skoðanir
sínar á málefnum dagsins vægast
sagt umbúðalaust, auk þess sem
hann sér um daglegan rekstur og les
meira að segja inn á auglýsingar.
Hreinskilnin hans stærsti
kostur og galli
„Við kynntumst fyrst þegar ég var
íþróttafréttamaður og hann var að
þvælast á einhverjum leikjum fyr­
ir Moggann. Þar var hann látinn
hlaupa í ýmis mál,“ segir þúsund­
þjalasmiðurinn og nú stjórnlaga­
ráðsmaðurinn Ómar Ragnarsson,
vinur Ingva Hrafns og samstarfs­
maður til margra ára.
„Við kynntumst svo almenni­
lega þegar hann varð þingfrétta­
ritari RÚV,“ segir Ómar sem segir
Ingva Hrafn duglegan í vinnu.
„Hann er fyrst og fremst skorp­
umaður sem afkastar hlutum á
skömmum tíma og það kom í ljós
með leiðtogafundinn 1986. Hann
og fréttastofan í heild sinni lyftu
grettistaki þar og unnu eitthvert
mesta fjölmiðlaafrek Íslands­
sögunnar,“ segir Ómar sem telur
helsta kost Ingva einnig vera galla.
„Hans stærsti kostur og galli er
mikil hreinskilni og afdráttarlausar
skoðanir en ég vil meta það sem
kost. Það hefur alltaf verið gott að
eiga Ingva að og þó svo að hann segi
manni til syndanna í Hrafnaþingi er
það allt í lagi og kemur vináttu okkar
ekkert við. Ég samdi nú til dæmis lag
og texta um hann sem heitir Höfð­
ingi heim að sækja. Það er alltaf gott
að fara í heimboð til Ingva,“ segir
Ómar Ragnarsson.
Mikill veiðimaður
Ein helsta ástríða Ingva Hrafns í
gegnum tíðina hefur verið laxveiði.
Það er fátt sem Ingvi lætur stöðva sig
þegar kemur að því að renna fyrir lax
eins og sannaðist þegar hann fékk
hin svokölluðu Footloose­verðlaun
Stangveiðifélags Reykjavíkur árið
1987. Þau verðlaun eru veitt þeim
stangveiðimönnum sem stunda lax­
veiðar þrátt fyrir einhverja erfiðleika.
Til dæmis fékk þáverandi forsætis­
ráðherra, Steingrímur Hermanns­
son, verðlaunin árið áður en hann
hafði þá verið í gipsi við veiðar.
Ingvi hafði glímt við veikindi þetta
ár en lét það ekki stöðva sig í því að
landa nokkrum löxum. „Ég lenti í
því að vera á spítala og vera veikur
nokkra mánuði í fyrra en kom mér til
heilsu við laxveiðar. Þegar ég byrjaði
að veiða í fyrra var það við Norðurá
og ég hafði svoleiðis svima að ég gat
ekki veitt í nema þrjá til fjóra tíma og
svaf síðan í tólf til sextán. Tíu dögum
seinna fór ég aftur og hafði þá farið
verulega fram. Ég notaði þessar úti­
verur til þess að ná bata. Kunningjar
mínir höfðu það fyrir satt að ég hefði
jafnvel staðið upp af skurðarborðinu
til þess að komast í veiðina,“ sagði
Ingvi í viðtali við Tímann um ákefð
sína í að komast í veiði.
Ingvi veiðir ekki bara í ám ann­
arra heldur er hann einnig stað­
arhaldari í Langá á Mýrum. Af því
hefur hann haft góðar tekjur undan­
farin ár en í góðærinu hækkaði verð
á veiðileyfum í ánni til muna.
„Menn eru að borga 2 til 3 þús­
und dollara fyrir daginn,“ sagði Ingvi
í viðtali við Fréttablaðið árið 2007.
Hann sagði þá laxveiði ekki lengur
vera fyrir hinn venjulega mann. „Ég
hef af þessu miklar áhyggjur en nú er
kominn sá tími að stór hópur Íslend­
inga á enga möguleika á að komast
í toppveiði. Enga. Nema menn séu í
boði stórfyrirtækja.“
Í sama viðtali upplýsti Ingvi að
hann væri að borga 50 milljónir fyrir
leigurétt að ánni en fimm árum áður
hafi sú upphæð verið 20 milljónir.
Það var síðan vegna ánnar og vinnu í
kringum hana að Ingvi komst í hann
krappan í ár.
Óhemjukjaftfor
Fáir þekkja Ingva Hrafn jafnvel og
Orri Vigfússon stangveiðigoðsögn og
náttúruverndarsinni. Orri er formað­
ur NASF, verndarsjóðs villtra laxa, og
árið 2004 var hann útnefndur ein af
hetjum Evrópu af Time­tímaritinu.
Orri og Ingvi hafa þekkst lengi og hafa
ósjaldan staðið tveir saman og rennt
fyrir lax.
„Pabbi Ingva var prófessor og
var í laxárfélaginu. Hann bauð mér
að koma með og svo þróaðist þetta
þannig að við tveir fórum að veiða
saman,“ segir Orri.
En hvernig er að veiða með Ingva?
„Það er mjög gott. Við höfum veitt
mikið saman í gegnum árin. Ingvi er
hörkuveiðimaður og mjög meðvitað­
ur um allt í náttúrunni,“ segir Orri.
„Við erum samt mjög ólíkar pers­
ónur en hvað varðar Ingva er ekki
hægt að hugsa sér betri vin vina
sinna. Hann er auðvitað óhemjukjaft­
for en hann er mikill fjölskyldumað­
ur og góður vinur. Við kynntumst á
síldarævintýrinu á Siglufirði í kring­
um 1950 og eftir það hefur verið mik­
ill fjölskyldusamgangur. Ingvi er afar
góður maður,“ segir veiðifrömuður­
inn Orri Vigfússon um Ingva vin sinn.
Í fangelsi
Á dögunum var Ingvi Hrafn dæmd­
ur í Héraðsdómi Reykjavíkur til sex
mánaða fangelsisvistar fyrir skatta­
lagabrot, en dómurinn er skilorðs­
bundinn til tveggja ára. Hann var
einnig dæmdur til að greiða 15 millj­
ónir króna í sekt. Ef sektin er ekki
greidd innan fjögurra vikna skal
hann sæta 128 daga fangelsisvist.
Eiginkona hans, Ragnheiður Sara
Hafsteinsdóttir, fékk þriggja mánaða
skilorðsbundinn dóm og var dæmd
til að greiða átta milljónir króna í
sekt.
Brotin fela í sér ranga meðferð á
greiðslu virðisaukaskatts í tengslum
við vegagerð og vatnsveitu. Ingvi
tjáði sig um málið í samtali við DV í
janúar síðastliðnum þar sem hann
sagði svona geta gerst þegar menn
lentu í „klónum á svikulum og gjald­
þrota banka og vondum endurskoð­
endum.“ Hann neitaði að hafa gert
nokkuð rangt varðandi virðisauka­
skattinn.
„Þetta tengist Langárveiðum. Það
er erfitt fyrir mig að borga skatta af
einhverju sem ég hef ekki fengið
greitt,“ sagði Ingvi Hrafn í janúar en
tók þó fram að málið væri flókið og
teygði anga sína víða. Hann neitaði
sök í málinu og varðist ákærunni fyr­
ir Héraðsdómi Reykjavíkur þegar að­
almeðferð málsins fór fram í maí síð­
astliðnum.
Þegar DV.is hafði samband við
hann eftir að dómur var kveðinn upp
sagði hann: „Þetta er mjög einfalt,
við erum dæmd fyrir skattalagabrot
sem aldrei voru framin af ásetningi,
heldur vegna afglapa og vanrækslu
löggilts endurskoðanda sem við
treystum. En lögin segja að við ber­
um ábyrgð á þeim afglöpum og við
höfum enga peninga til að áfrýja
þessu. Þetta er bara eitt af þessum
súru eplum sem maður bítur í.“
tomas@dv.is
DV 16. ágúst 2003 Ingvi, Hallgrímur Thorsteinsson, Sigurður G. Tómasson og Arnþrúður Karlsdóttir
ætluðu að sigra heiminn með Útvarpi Sögu. Nú er Arnþrúður ein eftir.
DV 24. febrúar 1995 Bingó-Lottó sló í gegn
en þar fetaði Ingvi nýja braut í fjölmiðlun.
Morgunblaðið 29. nóvember 1988
Ingvi gaf út bókina Og þá flaug Hrafninn eftir að
hafa verið rekinn af RÚV.
Tíminn 12. febrúar 1987
Ingvi fékk Footloose-verðlaunin
hjá SVFR fyrir að veiða þrátt fyrir
að vera mjög veikur. Fátt kemst á
milli hans og veiðinnar.
„Hans stærsti kost-
ur og galli er mikil
hreinskilni og afdráttar-
lausar skoðanir.
Ómar Ragnarsson
þúsundþjalasmiður