Dagblaðið Vísir - DV - 22.07.2011, Blaðsíða 14

14 | Fréttir 22.–24. júlí 2011 Helgarblað
Kaupir Domino’s með
vinum og fjölskyldu
n Er einn af stofnendum Domino’s á Íslandi n Keypti það árið 2004 og seldi með
hagnaði 2005 n Landsbankinn tapar einum og hálfum milljarði á pítsakeðjunni
B
irgir Þór Bieltvedt, fjárfest-
ir og einn af eigendum ol-
íufélagsins Skeljungs, mun
ásamt vinum og fjölskyldu
eignast Domino’s á Íslandi.
Reksturinn verður tekinn yfir þann 1.
september en þau kaupa fyrirtækið
á um 560 milljónir króna. Söluverð-
ið er samkvæmt tilkynningu Lands-
bankans 210 milljónir króna en auk
þess hvíla á félaginu vaxtaberandi
skuldir fyrir um 350 milljónir króna.
Birgir hefur áður komið að rekstri
Domino’s en hann var upphafsmað-
ur þess hér á Íslandi. Fyrsti staðurinn
var opnaður í ágúst árið 1993 und-
ir stjórn Birgis. Hann hætti störfum
árið 1996 en keypti sig inn í félagið
árið 2004 eftir að hafa stundað við-
skipti í Danmörku en seldi það svo
aftur skömmu síðar. Félagið var þá
selt á um 1.100 milljónir en hefur nú
verið selt á tæplega helmingi lægri
fjárhæð en árið 2005.
Birgir og Domino’s
Birgir gegndi starfi framkvæmda-
stjóra Domino’s á Íslandi við stofn-
un árið 1993 en á meðal eigenda
voru Skúli Þorvaldsson, oft kenndur
við Hótel Holt, Hagkaup og Sigurjón
Sighvatsson. Birgir hætti svo störf-
um sem framkvæmdastjóri árið 1996
fyrir Domino’s á Íslandi. Leið hans lá
til Danmerkur þar sem hann hugðist
byggja upp Domino’s þar í landi. Það
voru eigendur Domino’s hér heima
ásamt nokkrum öðrum fjárfestum
sem fóru í útrás Domino’s til Dan-
merkur með Birgi. Samkvæmt Birgi
samdi hann við eigendur Domino’s
á Íslandi um að hann gæti keypt sig
inn í reksturinn hér heima. Árið 2004
hafði Birgir hugsað sér að flytja aft-
ur til Íslands frá Danmörku. Á sama
tíma og hann leitaði leiða til að kaupa
íslenska reksturinn vann hann að
ákveðnum verkefnum í Danmörku
og þá helst að kaupum á Magasin Du
Nord. Birgir keypti svo Magasin ásamt
Baugi og Björgólfi Thor Björgólfssyni
með láni frá Straumi-Burðarási.
Að sögn Birgis gerðist hvort tveggja,
kaupin á Domino’s á Íslandi og Ma-
gasin í Danmörku, á sama tíma. Með
þessu breyttust áform Birgis. Hann
hafði haft hugmyndir um að byggja
upp Domino’s og gera að stærra fyrir-
tæki. Eftir nokkra mánuði ákvað hann
svo að réttast væri að gefa eftir stjórn
fyrirtækisins og selja sig út úr því þar
sem hann hafði ekki tíma til að sinna
því sem skyldi. Straumur-Burðarás
var beðinn um að finna kaupanda að
Domino’s nokkrum mánuðum eftir að
Birgir hafði keypt félagið. „Ég fór aldrei
inn til að fara út aftur. Það var aldrei
hugsunin að ég færi þarna inn til að
selja þetta strax dýrara,“ segir Birg-
ir sem hélt eftir um 10 prósenta hlut
í Domino’s. Að eigin sögn var það að
frumkvæði Domino’s í Bandaríkjun-
um til að tryggja að allt gengi að ósk-
um. Birgir seldi sig svo endanlega frá
félaginu árið 2007.
Skuldsett félag
Eignarhaldsfélag Domino’s, Fut-
ura ehf., síðar Pizza-Pizza ehf., var
á sínum tíma mjög lítið skuldsett.
Fyrir endurkomu Birgis til fyrirtæk-
isins voru skuldir félagsins undir 100
milljónum króna. Birgir staðfesti við
DV að hafa farið í skuldsetta yfir-
töku á félaginu þegar hann keypti
það árið 2004 með fjármögnun
Straums-Burðaráss. Nokkrum mán-
uðum síðar seldi hann svo stóran
hluta í félaginu til Baugs og Magnús-
ar Kristinssonar, útgerðarmanns frá
Vestmannaeyjum, í gegnum félagið
Traðarkot. Að eigin sögn hélt hann
eftir um 10 prósenta hlut í félaginu
að kröfu Domino’s í Bandaríkjun-
um sem hann seldi svo 2006 til 2007.
Magnús eignaðist félagið að fullu
árið 2007. Í fyrrahaust greindi DV frá
því að Domino’s hefði verið skuldsett
fyrir á annan milljarð króna. Fyrst
var um að ræða skuldsetninguna við
kaup Birgis á Domino’s og síðar þeg-
ar Magnús endurfjármagnaði skuldir
félagsins.
Þessi gríðarlega skuldsetning varð
að lokum til þess að Landsbankinn
þurfti að taka félagið yfir. Á móti skuld-
setningunni var gríðarlega há við-
skiptavild sem hækkaði úr 0 krónum
í 1,3 milljarða króna um mitt ár 2005.
Þegar Traðarkot rann inn í Pizza-Pizza,
vegna aðkomu Baugs og Magnúsar,
eignaðist Pizza-Pizza einnig 90 pró-
sent hlutafjár í félaginu The Scandi-
navian Pizza Company. Birgir hafði
verið forsvarsmaður félagins sem átti
og rak Domino’s í Danmörku. Við yfir-
færsluna yfirtók Pizza-Pizza skuldir og
viðskiptavild Traðarkots. Í ársreikningi
Pizza-Pizza fyrir árið 2005 segir um
þetta: „Traðarkot ehf. var eigandi alls
hlutafjár Futura ehf. frá 9. júní 2005
og yfirtók Futura ehf. við samrunann
langtímaskuldir sem tengdust þeirri
fjárfestingu.“ Einnig segir í ársreikn-
ingnum: „Viðskiptavildin myndast
upphaflega við kaup Traðarkots ehf. á
dótturfélögum og vegna kaupa á versl-
un í Danmörku.“
Skuld félagsins upp á 1,3 milljarða
var að mestu leyti tilkomin vegna lán-
veitingar Straums-Burðaráss til Trað-
arkots sem síðar rann inn í Pizza-Pizza
ehf. Aftur á móti virðist sem þeir fjár-
munir hafi ekki runnið inn í rekstur
Domino’s á Íslandi við samrunann
eins og DV greindi frá í nóvember.
Ekkert hefur komið fram um í hvað
peningarnir frá Straumi voru notaðir
en stjórnarformaður Pizza-Pizza, Úlf-
ar Steindórsson, sagði í nóvember að
fjármunirnir hafi ekki verið notaðir í
rekstur Domino’s hér á landi. Eins og
áður hefur komið fram þykir þó líklegt
að fjármagnið hafi verið notað í aðrar
fjárfestingar.
Selt og endurfjármagnað
Magnús Kristinsson, útgerðarmaður
frá Vestmannaeyjum, eignaðist Pizza-
Pizza að fullu árið 2007 en hann hafði
komið inn sem minni hluthafi árið
2005 ásamt Baugi. Magnús var um-
svifamikill fjárfestir á Íslandi á árun-
um fyrir hrun og keypti til að mynda
Toyota-umboðið á um sjö milljarða
árið 2005. Grunnurinn að veldi hans
er útgerðin Bergur-Huginn í Vest-
mannaeyjum sem hann byggði upp
ásamt föður sínum. Magnús var um
tíma stór hluthafi í fjárfestingar-
bankanum Straumi-Burðarási. Þeg-
ar Magnús seldi þann hlut stofnaði
hann fjárfestingarfélagið Gnúp ásamt
Kristni Björnssyni og Þórði Má Jó-
hannessyni en félagið átti talsvert
magn hlutabréfa í FL Group og Kaup-
þingi. Gnúpur varð svo eitt af fyrstu
félögunum til að lenda í vandræðum
og bárust fregnir af yfirvofandi gjald-
þroti félagsins í ársbyrjun 2007. Fé-
laginu var svo bjargað frá gjaldþroti
með samkomulagi við lánardrottna
en talið var að eigið fé félagsins hefði
rýrnað um 45 milljarða á skömmum
tíma. Haustið 2009 greindi DV frá því
að skilanefnd Landsbankans þyrfti
að afskrifa um 50 milljarða króna af
skuldum Magnúsar og félaga hans við
bankann.
„Þetta er skuldsetning sem var á
félaginu þegar Magnús keypti það...
Þetta var aldrei skuldsett frekar af hálfu
Magnúsar. Hann endurfjármagnaði
bara gamlar skuldir,“ sagði Úlfar Stein-
dórsson, starfandi stjórnarformaður
Pizza-Pizza ehf. í frétt DV í nóvem-
ber 2010. Á þeim tíma var rekstrar-
félag Domino’s í umsjón Landsbank-
ans sem hafði tekið félagið yfir. Skuldir
félagsins námu um 1.800 milljónum
króna samkvæmt ársreikningi ársins
2009 og var eigið fé félagsins neikvætt
um rúmar 1.100 milljónir króna. Árið
2009 námu rekstrartekjur Domino’s
um 1.600 milljónum en tap félagsins
var um 200 milljónir á árinu. Magnús
endurfjármagnaði skuldir félagsins
með lánum frá Landsbanka Íslands.
Meðal annars var það gert með er-
lendu kúluláni sem hækkaði gríð-
arlega í kjölfarið á íslenska banka-
hruninu.
Skuldir afskrifaðar
Ljóst er að þorri þeirra skulda sem
hvíldu á Pizza-Pizza ehf. hafa ver-
ið afskrifaðar eftir að félagið var
selt frá Landsbankanum. Sam-
kvæmt tilkynningu frá bankanum
hvíla nú á félaginu skuldir að verð-
mæti 350 milljóna króna. Miðað við
skuldastöðuna árið 2009 hafa því
að minnsta kosti um 1.450 milljón-
ir króna verið afskrifaðar vegna fyrri
skuldsetningar Domino’s á Íslandi.
í samtali við DV sagðist Birgir ekki
geta gefið upp að svo stöddu hverj-
ir verði eigendur Domino’s á Íslandi
ásamt honum. Fjármögnun kaup-
anna liggur nokkuð ljós fyrir. Kaup-
verðið er 560 milljónir, þar af hvíla
um 350 milljónir sem skuld á fyrir-
tækinu. Afgangurinn er svo lagður
inn sem eigið fé af hálfu nýrra eig-
enda að sögn Birgis.
Aðspurður hvort fyrrverandi
viðskiptafélagar á borð við Björg-
ólf Thor komi að kaupunum neitar
hann því. Að hans sögn eru það að-
allega vinir og fjölskylda sem munu
koma að kaupunum með honum.
„Þeir sem koma inn í þetta með mér
núna hafa aldrei komið nálægt þessu
áður og hafa aldrei verið mér tengd-
ir í fjárfestingum,“ segir Birgir um
hverjir komi að kaupunum. „Þetta
eru aðilar sem ég þekki og þetta eru
ekki aðilar sem eru þekkt nöfn í ís-
lensku samfélagi í dag. Við erum að-
allega að tala um vini og fjölskyldu
og ekki þekkta fjárfesta á Íslandi,“
segir Birgir en hann og fólk nátengt
honum mun fara með ráðandi hlut í
fyrirtækinu. Að hans sögn er það lið-
ur í samkomulaginu við Domino’s
í Bandaríkjunum að hann og fólk
tengt honum fari með virkan eignar-
hlut í félaginu.
Framtíð Domino’s
Birgir er með hugmyndir að ýmsum
breytingum á Domino’s, meðal ann-
ars ýmsar nýjungar sem voru inn-
leiddar í Þýskalandi. Þessar breyting-
ar snúa aðallega að vörunni sjálfri,
markaðsmálum og netinu að sögn
Birgis. Að hans mati þarf svo að bæta
ímynd Domino’s, laga útlit á búðum
og annað slíkt. „Þetta hefur verið hálf
vængbrotið á meðan bankinn hef-
ur verið með þetta,“ segir Birgir sem
tekur við rekstrinum 1. september.
Hann segir að tíminn fram til ára-
móta fari í að skoða félagið og hverju
þurfi að breyta í rekstrinum. Góð
velta er hjá félaginu en afkoman hef-
ur ekki verið sem skyldi.
Birgir býr í Danmörku og mun gera
það áfram þó svo að eignarhald hans
á Domino’s muni eflaust ýta undir að
hann eyði meiri tíma á landinu. Birg-
ir segir að hann muni ekki taka að sér
að reka Domino’s en að hann muni
vera virkur í starfi stjórnarformanns.
Hann segir ekki ljóst hvort sömu að-
ilar og fara með rekstur fyrirtækisins
í dag geri það áfram: „Það getur vel
verið að þeir sem reka þetta í dag séu
hæfir til þess að reka þetta, ég þarf að
skoða það. Ég get ekkert tjáð mig um
það fyrr en ég er búinn að setjast nið-
ur með þeim og fara yfir fortíðina og
framtíðina.“
Guðni Rúnar Gíslason
blaðamaður skrifar gudni@dv.is
Eignast Domino’s á ný Birgir Þór Bielt-
vedt kemur inn sem nýr eigandi Domino’s og
tekur við rekstri þann 1. september.
Úr höndum ríkisins Domino’s er nú farið úr höndum Landsbankans, sem er að mestu í
eigu ríkisins, en ljóst er að bankinn tapaði yfir milljarði króna vegna fjármögnunar bankans á
Domino’s fyrir bankahrunið.
„Það var aldrei
hugsunin að ég
færi þarna inn til að selja
þetta strax dýrara.
Birgir Þór Bieltvedt
Nýr eigandi Domino’s