Dagblaðið Vísir - DV - 22.07.2011, Blaðsíða 6

6 | Fréttir 22.–24. júlí 2011 Helgarblað
Ríkislögreglustjóri þrætir fyrir að Morgunblaðið hafi aðgang að hlerunarbúnaði:
Rak löggu sem leyfði hlerun
Haraldur Johannesson ríkislög-
reglustjóri þvertekur fyrir að sá orð-
rómur sé réttur að ljósmyndadeild
Morgun blaðsins hafi aðgang að
hlerunarbúnaði til að fylgjast með
samskiptum lögreglu, slökkviliðs og
sjúkraliðs. Sagt var frá því í sandkorni
DV að þetta flygi fyrir.
„Ríkislögreglustjóri lítur það al-
varlegum augum að fjölmiðlum sé
veittur slíkur aðgangur eins og sjá
má á því að árið 2006 vék hann lög-
reglumanni úr embætti fyrir að hafa
heimildarlaust afhent Tetra-talstöð
ljósmyndara á eigin vegum (free-
lance) að láni um óákveðinn tíma í
því skyni að veita ljósmyndaranum
aðgang að fjarskiptum lögreglunn-
ar á lokuðum rásum í þágu starfs
hans, en ljósmyndarinn seldi mynd-
ir til birtingar í 365 ljósvakamiðlum.
Vegna þessa brots í starfi var lög-
reglumaðurinn dæmdur í 60 daga
skilorðsbundið fangelsi í Héraðs-
dómi Reykjavíkur. (Dómur uppkveð-
inn 26. apríl 2006, sakadómsmál nr.
28/2006),“ segir í yfirlýsingu lögregl-
unnar.
Samkeppnismiðlar Morgun-
blaðsins hafa gert athugasemdir við
lögregluna um að óeðlilegt sé að
einn fjölmiðill hafi yfir að ráða
slíkum hlerunarbúnaði.
Nú hefur lögreglan
tekið af skarið og
fullyrt að enginn
ljósmyndari fjöl-
miðla hafi slíka
stöð undir hönd-
um. DV hefur
ekki forsendur til
að efast um yfir-
lýsingu ríkislög-
reglustjóra.
Ríkislög-
reglustjóri
Lögreglan full-
yrðir að enginn
fjölmiðill hafi
svokallaða
Tetra-talstöð
undir höndum.
Þú færð Naturfrisk engiferöl í öllum helstu matvöruverslunum landsins.
Gotthollt!
...og svo er hann auðvitað
frábær á bragðið!
Naturfrisk engiferöl er hollur og
bragðgóður gosdrykkur, laus við
öll óæskileg aukefni, s.s viðbættan
sykur, litar- og rotvarnarefni.
Naturfrisk engiferöl er frábær
drykkur fyrir alla fjölskylduna
sem þú verður alltaf að eiga
í ísskápnum!
Tilraun til innbrots:
Betra ef hann
hefði náð
skiptimyntinni
Innbrotsþjófur sem reyndi að brjót-
ast inn á pítsastaðinn Wilson’s Pizza
í Gnoðarvogi aðfaranótt fimmtudags
fór í burtu með tvær hendur tómar.
Eftirlitsmyndavél inni á staðnum
náði innbrotstilrauninni á mynd-
band. Á því sést hvar maðurinn,
vopnaður kúbeini, reynir að brjóta
upp útidyrahurð staðarins. Mannin-
um tókst ekki að brjóta upp hurðina
en skemmdi hana þó töluvert.
Vilhelm Einarsson, framkvæmda-
stjóri Wilson’s Pizza, segir í samtali við
DV.is að þrátt fyrir að þjófurinn hafi
ekki haft neinar fjárhæðir á brott með
sér hafi vesenið verið mikið. 
„Þetta er bara vesen að rífa sig upp
um nótt út af hurð. Það hefði eiginlega
verið betra ef hann hefði ekki skemmt
neitt og náð þessari skiptimynt sem
var þarna inni,“ segir Vilhelm. 
Safnar krónum
til styrktar Rauða
krossinum
Kjartan Trausti Þórisson, 21 árs
nemi við Háskóla Íslands, stend-
ur um þessar mundir fyrir krónu-
söfnun til styrktar Rauða kross-
inum. Hann segist hafa fengið
þessa hugmynd þegar hann átt-
aði sig á því að margir Íslending-
ar hreinlega fleygja krónupen-
ingumí ruslið. Söfnunin stendur
til loka september.
Kjartan segist ætla að láta húð-
flúra á sig „I help anyone, any-
time“ þegar takmarki hans um
hundrað þátttakendur hefur ver-
ið náð. Þegar hafa 40 þátttakend-
ur skráð sig, en þeir hafa safnað
tæplega fjögur þúsund krónum.
Kúlulánið teKið
yfir eftir hrun
E
igendur fjárfestingarfélags-
ins Sunds, Jón Kristjánsson
og Páll Þór Magnússon, sem
var einn stærsti stofnfjárhlut-
hafi sparisjóðsins Byrs, létu
eignarhaldsfélagið yfirtaka nærri 240
milljóna króna skuld eignarhalds-
félags sem var í eigu viðskiptafélaga
þeirra, Símons Sigurpálssonar, eftir
bankahrunið árið 2008. Þetta kemur
fram í skuldskeytingarsamningi á milli
Byrs og Sunds ehf. sem DV hefur und-
ir höndum. Lánið var tilkomið vegna
fjárfestingar í stofnfjárbréfum í Byr.
Símon var viðskiptafélagi Jóns
og Páls Þórs og sat meðal annars í
stjórnum félaga sem þeir áttu að hluta
til eða öllu leyti, meðal annars fast-
eignafélagsins D-1 ehf. og fjárfest-
ingarbankans VBS. Félagið sem átti
stofnfjárbréfin heitir Miðbúðin fjár-
festingarfélag ehf. og er að öllu leyti í
eigu Símons. Hugsanlegt er að um-
rædd skuldskeyting tengist viðskipt-
um eignarhaldsfélagsins Exeter Hold-
ings sem áttu sér stað um svipað leyti
og þessi yfirtaka Sunds á skuldbind-
ingum félags Símonar.
Þáverandi stjórn Byrs sendi ábend-
ingu um umrædd viðskipti til embætt-
is sérstaks saksóknara og Fjármála-
eftirlitsins í fyrra vegna gruns um að
refsiverð háttsemi hefði átt sér stað í
þeim, nánar tiltekið umboðssvik.
Að rukka inn greiða
Líkt og komið hefur fram í fjölmiðlum
snerist Exeter Holdings-málið með-
al annars um það að helstu eigendur
og stjórnendur Byrs, Jón Þorsteinn
Jónsson og tengdir aðilar og eigend-
ur Sunds, losuðu sig við stofnfjárbréf í
sparisjóðnum sem orðin voru verðlítil
eftir bankahrunið.
Jón Þorsteinn bar því meðal ann-
ars við í skýrslutökum í Exeter-mál-
inu að ástæðan fyrir því að einn af við-
skiptafélögum Jóns og Páls Þórs, Birgir
Ómar Haraldsson, fékk að selja stofn-
fjárbréf sín í Byr inn í Exeter Holdings,
sem fjármagnað var af Byr, hafi verið
sú að Jón Kristjánsson hafi verið að
„rukka inn greiða“ hjá Jóni Þorsteini.
Eigendur og helstu stjórnendur
skiptust því þannig á greiðum, að því
er virðist, sem gengu út á það að þeir
fengu að losa sig við verðlítil stofn-
fjárbréf sín í Byr eftir bankahrunið
2008. Í tilfelli Exeter Holdings-við-
skiptanna og yfirtöku Sunds á skuld-
bindingum Miðbúðarinnar var það
sparisjóðurinn Byr sem á endanum
tók skellinn þar sem eigið fé Sunds
var neikvætt um 25 milljarða króna í
lok árs 2009.
Samningur virðist hafa verið
gerður afturvirkt
Í skuldskeytingarsamningnum á
milli Byrs og Sunds segir orðrétt: „Byr
sparisjóður hefur samþykkt yfirtöku
skuldarinnar og er núverandi greið-
andi bréfsins hér með laus úr allri
ábyrgð á efndum þess.“
Undir þessa skuldskeytingu skrif-
uðu Páll Þór Magnússon og Jón Krist-
jánsson og er samningurinn dagsettur
18. ágúst 2008. Í samningnum kemur
fram að miða skuli eftirstöðvar láns-
ins við 10. október 2008, stöðu lánsins
tveimur mánuðum eftir að samning-
urinn átti að hafa verið undirritaður.
Í veðsamningunum á milli Sunds
og Byrs, sem dagsettir eru 18. ágúst
2008 líkt og skuldskeytingarsamn-
ingurinn, kemur hins vegar fram að
Ragnar Z. Guðjónsson, sparisjóðs-
stjóri Byrs, hafi skrifað undir samn-
ingana þann 12. desember árið 2008,
fjórum mánuðum eftir að skuldskeyt-
ingarsamningurinn var gerður.
Með veðsamningnum veðsetti
Sund stofnfjárbréfin í Byr fyrir láninu
sem áður hafði hvílt á Miðbúðinni. Þá
kom fram í tölvupósti frá starfsmanni
Byrs þar sem fjallað var um nafna-
breytinguna á láninu og stofnfjárbréf-
unum að frestur til að ganga frá mál-
inu væri 10. október 2008. „Hæ, get ég
fengið hraðafgreiðslu á þetta...?“
Þetta bendir til að gengið hafi ver-
ið frá láninu síðar en í ágúst árið 2008.
Umrædd viðskipti líta því út fyrir að
vera svipaðs eðlis og Exeter Holdings-
málið þar sem aðili sem tengist eig-
endum og stjórnendum Byrs losn-
ar við verðlítil stofnfjárbréf og lán á
erfiðum tímum.
Ingi F. Vilhjálmsson
ingi@dv.is
Sund og Byr 3. hluti
n Viðskipti með stofnfé Byrs send til saksóknara og Fjármálaeftirlitsins
n Viðskiptafélagi stórs stofnfjáreiganda, Sunds, losnaði við bréfin sín
„Byr sparisjóður hef-
ur samþykkt yfir-
töku skuldarinnar og er
núverandi greiðandi bréfs-
ins hér með laus við alla
ábyrgð á efndum þess.
Skrifað undir í desember Ragnar Z. Guðjónsson, sparisjóðsstjóri Byrs, skrifaði undir veðsamninginn í viðskiptum Byrs, Sunds og Mið-
búðarinnar í desember 2008. Skuldskeytingarsamningurinn var hins vegar dagsettur í ágúst.