Dagblaðið Vísir - DV - 21.12.2011, Blaðsíða 6

6 Fréttir 21.–27. desember 2011 Jólablað
Bætir lífsgæði kvennanna
n Stuðningsheimili fyrir áður heimilislausar konur gefur góða raun
M
ýrin kallast stuðningsheimili
sem opnað var í október 2010
fyrir konur sem hafa verið
heimilislausar og er stað­
sett í Norðurmýri. Úrræðið er á veg­
um Reykjavíkurborgar og er nú heim­
ili fimm kvenna sem hafa verið hvað
verst settar og erfiðlega hefur gengið
að veita þjónustu. Allar konurnar sem
þar búa höfðu áður leitað athvarfs í
Konukoti, en þar sem Konukot er að­
eins hugsað sem tímabundið úrræði
var ljóst að þörf var fyrir langtímaúr­
ræði fyrir þær konur sem höfðu verið
á götunni til langs tíma og ekki svarað
meðferð.
Elísabet Kristjánsdóttir, deildar­
stjóri á Mýrinni, segir stuðningsheim­
ilið hafa reynst vel og hafa aukið til
muna lífsgæði kvennanna sem þar
búa. „Þetta eru konur á aldrinum 29
til 63 ára og eru þær sem lengst höfðu
verið heimilislausar og dvalið mest í
Konukoti. Það má segja að þetta úr­
ræði hafi verið búið til fyrir þær.“ Kon­
urnar sem búa á heimilinu eru flestar
með tvöfalda greiningu, það er áfeng­
issýki og eða aðra fíkn auk geðraskana.
Ekki er gerð krafa um að konurnar séu
hættar neyslu áfengis eða annarra
vímuefna. „Þetta eru konur sem oftar
en ekki hafa farið í margar meðferðir
og einhverra hluta vegna geta ekki eða
eru ekki tilbúnar til að hætta neyslu, en
einhvers staðar verða þessar konur að
búa.“ Konurnar mega ekki neyta áfeng­
is eða fíkniefna inni á heimilinu sjálfu
en þeim er ekki meinaður aðgangur að
heimilinu ef þær mæta undir áhrifum.
Áhersla er lögð á að skapa heimilislegt
andrúmsloft en konurnar bera sjálfar
ábyrgð á að halda herbergjum sínum
hreinum. Þær greiða húsaleigu fyrir
vistina og fá aðstoð sérfræðinga vegna
sinna mála. Alls starfa átta starfsmenn
við þjónustu og umönnun við íbúa all­
an sólarhringinn.
J
ón Gerald Sullenberger, kaup­
maður í Kosti á Dalvegi, sakar
Gunnar I. Birgisson, bæjarfull­
trúa í Kópavogi, um að beita sér
fyrir vini sína með því að leggj­
ast gegn því að vegur verði lagður um
lóð sem fyrirtækið Kraftvélar hefur til
umráða við Dalveg 6–8. Kvöð er á lóð­
inni um að vegur skuli liggja í gegnum
hana, en þrátt fyrir það hefur málið
þvælst í kerfinu árum saman án þess
að niðurstaða hafi fengist. Mikill um­
ferðarþungi er á svæðinu og segir
Jón Gerald að aðstæður séu beinlín­
is hættulegar. Málið hefur verið rætt
nokkrum sinnum í bæjarráði Kópa­
vogs og hafa lögmenn verslunarrek­
enda á svæðinu ítrekað sent erindi til
bæjaryfirvalda. Samkvæmt heimild­
um hefur Gunnar meðal annars látið
þau orð falla að það sé hvort sem er
ekki svo mikil umferð í Kost.
Gunnar hefur tengsl við eigendur
Kraftvéla, en fyrir prófkjör Sjálfstæðis­
flokksins á síðasta ári var hann meðal
annars með kosningaskrifstofu sína í
húsnæði félagsins á Dalvegi. Fyrirtæk­
ið hefur notað lóðina undir notaðar
vélar sem það hefur til sölu. Hann seg­
ir hins vegar í samtali við DV að tengsl
hans við Kraftvélar hafi engin áhrif á
afstöðu hans.
„Stendur Í vegi fyrir þessu“
Jón Gerald liggur ekki á skoðunum
sínum um skipulagsmálin á svæðinu.
„Það eru allir brjálaðir þarna á Dalveg­
inum, að vegurinn skuli ekki vera opn­
aður, því það myndast svo svakaleg
umferð, bæði hjá okkur og öðrum. Það
lítur út fyrir að Gunnar noti sín ítök
til að koma í veg fyrir að eitthvað sem
er í skipulaginu fari í gegn. Gunnar er
að skaða öll fyrirtækin á Dalveginum
með framkomu sinni. Hann er sá sem
stendur í vegi fyrir þessu,“ segir Jón
Gerald, sem hefur barist fyrir lagningu
vegarins í um það bil tvö ár.
„Það átti að vera búið að klára
þessa götu fyrir einhverjum árum. Þeir
hjá Kraftvélum hafa hins vegar notað
lóðina til þess að geyma vinnuvélar.
Það er búið að setja upp girðingu fyrir
og loka svæðinu.“
Jón Gerald furðar sig á því að Kraft­
vélum hafi aldrei verið gert að ganga
frá málunum. „Ástæðan fyrir því að
þetta hefur aldrei verið gert er sú að
Gunnar er svo mikill vinur þeirra í
Kraftvélum. Hann er búinn að sjá til
þess að Kraftvélar hafa aldrei þurft að
ganga frá lóðinni og þessum vegi.“
Segist hafa málefnalega afstöðu
Gunnar Birgisson segist hins vegar
leggjast gegn veginum á öðrum for­
sendum. „Það er búið að breyta öllu
umferðarskipulagi síðan þessi vegur
var hugsaður. Þá voru ekki komin und­
irgöng upp í Lindirnar. Ef það kæmi
vegur niður þá færi hann beint á und­
irgöngin og þá yrðu þarna krossgatna­
mót sem yrði erfitt að leysa. Í öðru lagi
hleyptum við þeim hjá Kraftvélum í
gang með viðbyggingu á húsnæðinu
sem þrengir mjög að þessum vegi.
Menn reiknuðu ekki með að vegurinn
kæmi þarna enda engin not fyrir hann.
Þeir hjá Kraftvélum eiga ekki einu
sinni húsnæðið. Það er staðreynd og
ég tengist þeim eigendum ekki neitt.
Ég þekki þá í Kraftvélum og er búinn
að skipta við þá í gegnum tíðina,“ segir
Gunnar.
Í stað þess að leggja veg í gegnum
lóð Kraftvéla vill Gunnar taka allt um­
ferðarskipulagið á svæðinu til gagn­
gerrar endurskoðunar með það fyrir
augum að setja hringtorg á Dalveginn
til að auðvelda aðgengi að þeim þjón­
ustufyrirtækjum sem þar eru, meðal
annars Kosti. „Ég vísa þessu algjörlega
á bug hjá Sullenberger. Ég kemst þarna
ágætlega að. Ég fer oft að versla hjá
honum og ég á ekki í neinum vanda­
málum með það.“
Jón Gerald segist hins vegar sjá í
gegnum þessa skýringu Gunnars. Mál­
ið var sem fyrr segir tekið fyrir á fundi
hjá Kópavogsbæ á dögunum. „Gunn­
ar talaði þar um að það þyrfti að gera
endurskipulag á öllu svæðinu. Það er
bara verið að koma í veg fyrir að það
verði klárað að ganga frá þessum vegi.
Kraftvélar vilja ekki gera það því þeir
vilja ekki missa lóð undir tæki og vél­
ar.“
Sullenberger endurskoði afstöðu
sína
Gunnar gefur lítið fyrir ásakanir Jóns
Geralds um að hann sé að skaða fyrir­
tækin á Dalveginum. „Svona er það
þegar menn hafa ekki kynnt sér mál­
in. Það liggur fyrir tillaga í málinu um
að setja hringtorg á Dalveginn til að
gera aðgengi betra. Mín afstaða er að
leysa málið í heild sinni. Ég held að
Sullenberger verði að endurskoða af­
stöðu sína,“ segir Gunnar og bendir á
að hann sé í minnihluta í bæjarstjórn
og geti því varla ákveðið hvað gera
skuli í málinu.
Jón Gerald heimtar hins vegar að­
gerðir. „Þetta er alveg ógeðslega rot­
ið.“
n Enginn vegur um lóð Kraftvéla þrátt fyrir kvöð n Tengsl við Gunnar Birgisson
n Gunnar sagður skaða Dalveginn n „Ég vísa þessu algjörlega á bug.“
Segir Gunnar
hygla vinum
Valgeir Örn Ragnarsson
blaðamaður skrifar valgeir@dv.is
Gunnar I. Birgisson „Ég þekki þá í Kraft-
vélum og er búinn að skipta við þá í gegnum
tíðina.“
Jón Gerald Sullenberger „Þetta er alveg ógeðslega rotið og hann er að skaða alla við
Dalveginn.“
Deildarstjóri Elísabet segir konurnar sem
dvelja á heimilinu flestar hafa tvöfalda
greiningu.
Hrottafengið hundsdráp:
Hinir grunuðu
farnir úr
bænum
„Við ætluðum að fara í þetta mál í
morgun en þá voru hinir grunuðu
komnir úr bænum, svo við þurf­
um að hafa uppi á þeim,“ segir
Önundur Jónsson, yfirlögreglu­
þjónn hjá lögreglunni á Vestfjörð­
um, sem undanfarið hefur rann­
sakað hrottafengið hundsdráp á
Þingeyri.
DV hefur fjallað um mál­
ið síðan það kom upp þann 8.
desember síðastliðinn. Þá fannst
hundshræ fljótandi í Þingeyrar­
höfn bundið við tvö bílhjól. Fram­
og afturfætur hundsins höfðu
verið bundnir saman og við hjólin
og virðist einhver hafa losað sig
við dýrið með þessum svívirði­
lega hætti. Mikil reiði hefur verið
vegna málsins bæði meðal bæjar­
búa og almennings sem fordæmt
hefur verknaðinn í athugasemda­
kerfi DV.is. Önundur Jónsson vill í
samtali við DV þó ekki ganga svo
langt að segja að hinir grunuðu
séu flúnir úr bænum. „Þeir eru
allavega farnir og við gripum í
tómt,“ segir hann en til stóð að
yfirheyra fólkið í dag.
Staða rannsóknarinnar er ann­
ars þannig að lögreglan bíður nú
niðurstaðna úr krufningu dýrsins.
„Við erum komnir með dánaror­
sök en það er verið að rannsaka
fleiri þætti á rannsóknarstofum.“
Aðspurður vill Önundur ekkert
gefa upp um banamein hundsins
að svo stöddu þar sem enn eigi
eftir að ná tali af þeim sem grun­
aðir eru í málinu.
Heimildir DV herma að hinir
grunuðu séu aðfluttir á Þingeyri
og það sé í raun á allra vitorði í
bænum hverjir hinir meintu dýr­
aníðingar eru. Þá hefur DV eftir
heimamanni sem segir að við­
komandi hafi ekki sést mikið á
ferli síðan málið kom upp.
mikael@dv.is