Dagblaðið Vísir - DV - 11.04.2014, Blaðsíða 6

Helgarblað 11.–14. apríl 20146 Fréttir
Evonia er hlaðin bæti-
efnum sem næra hárið
og gera það gróskumeira.
Myndirnar hér til hliðar
sýna hversu góðum árangri
er hægt að ná með Evonia.
Evonia
www.birkiaska.isFyrir Eftir
Evonia eykur
hárvöxt með því
að veita hárrótinni
næringu og styrk.
Bætiefni ársins í Finnlandi 2012.
Skólar verða að vera
með eineltisáætlun
n Nemendur stoppaðir með valdi n Flestir skólar vinna markvisst gegn einelti
S
jötíu og tveir skólastjórar
á Íslandi segjast hafa þurft
að nota líkamlegt inngrip í
skólanum á síðasta skólaári
(2012–2013). Ástæðan var
oftast hættuleg hegðun nemenda
í skólanum en í eitt skiptið var það
vímuefnaneysla. Flestir skólar hafa
útbúið viðbragðsáætlun vegna ein­
eltis, og flestir skólarnir stunda það
reglulega að kanna hvort einelti þríf­
ist innan veggja skólans og vinna
markvisst gegn einelti í grunnskól­
um.
Þetta kemur fram í könnun
Capacent sem gerð var meðal skóla­
stjóra í grunnskólum á Íslandi, en
hún sneri að því hversu vel skólum
hefði gengið að innleiða reglugerð
um ábyrgð og skyldur aðila skóla­
samfélagsins í grunnskólum. Ein­
elti hefur verið mikið í umræðunni
á undanförnum árum og hefur óþol
samfélagsins gagnvart því að slíkt
þrífist verið áberandi. Skólum ber
skylda til þess að stuðla að því að
uppræta einelti.
Verða að hafa áætlun
Reglugerðinni, sem er nr. 140/2011,
er ætlað víðtækt hlutverk hvað varð­
ar meðal annars skólabrag, agamál,
eineltismál, ábyrgð og skyldur að­
ila skólasamfélagsins í þeim efn­
um og málsmeðferð í skólum þegar
misbrestur verður á tilteknum atrið­
um að því að fram kemur í skýrslu
Capacent. Samkvæmt henni ber að
setja skólareglur í hverjum grunn­
skóla þar sem viðbrögð við brotum
á reglum liggja skýrt fyrir. Viðbrögð­
in eiga að stuðla að jákvæðri hegðun
og rækta persónuþroska nemenda
og hæfni þeirra. Meðal þess sem í er
farið í reglugerðinni er að skólarnir
eigi að hafa aðgerðaráætlun gegn
einelti með virkri viðbragðsáætlun
ef upp koma eineltismál. Það þýðir
að skólarnir eiga að vinna gegn ein­
elti og vera í stakk búnir til að bregð­
ast við komi slík mál upp í skólan­
um. Menntamálaráðuneytið hefur
einnig starfrækt fagráð í eineltismál­
um sem skólar geta leitað til.
Ekki svöruðu allir
Ekki svöruðu allir skólarnir könnun
ráðuneytisins, þrátt fyrir ítrekaðar
kröfur um að það væri gert, en
skólunum ber skylda til að svara
slíkri könnun.
Samkvæmt þessum niðurstöðum
hafa velflestir skólar á Íslandi mark­
að sér stefnu um það hvernig bregð­
ast eigi við einelti, öðru ofbeldi og
félagslegri einangrun, eða 93 pró­
sent.
90 prósent þeirra hafa svo birt
áætlunina á vef skólans. Skólarnir
hafa að auki, það er þeir sem hafa
sett sér slíkar áætlanir, rætt hana við
hagsmunaaðila, svo sem foreldra og
kennara.
Þrír stefnulausir
Þeir skólar sem hafa ekki mótað sér
slíka stefnu voru þrír og átta sögðu
það vera í vinnslu. Skólarnir sem
sögðu að slíkt hefði ekki verið gert
sögðust ekki hafa gert það vegna fá­
mennis, og bentu á að nemendur
færu hluta úr ári í annan stærri skóla
og þar væri unnið með Olweusar­
áætlun í eineltismálum. Í einum
skólanum var þetta í vinnslu, en ekki
komið til framkvæmda. Í þeim þriðja
segir skólastjórinn: „Það er ekki
þörf á því. Uppeldi til ábyrgðar er að
virka það vel að ekki er þörf á öðru.“
Þá sagði einn skólastjóri að einelti
rúmaðist ekki innan stefnu skól­
ans og þar með þyrfti ekki að hafa
stefnu um virka viðbragðs áætlun.
„Heildarstefna og ­sýn skólans er
að byggja upp jákvæð samskipti og
viðhorf nemenda til hvers annars og
skólans í heild. Innan þeirrar stefnu
rúmast ekki einelti og því er tekið á
og unnið með öll samskiptamál sem
upp kunna að koma áður en þau ná
að verða að endurtekinni hegðun,“
sagði skólastjórinn. n
Ásta Sigrún Magnúsdóttir
astasigrun@dv.is
Einelti Flestir skólar vinna markvisst að því
að draga úr einelti meðal nemenda sinna.
Myndin er úr safni. Mynd Sigtryggur Ari
„Uppeldi til ábyrgðar
er að virka það vel
að ekki er þörf á öðru.
Ákærð fyrir milljóna fjárdrátt
Sambýlisfólk sakað um umboðssvik og fjárdrátt
S
érstakur saksóknari hefur
ákært sambýlisfólk, þau Hildi
Nönnu Jónsdóttur og Sig­
trygg Leví Kristófersson, fyrir
fjárdrátt með því að hafa
sem stjórnarmenn og prókúruhaf­
ar einkahlutafélagsins H­D húsið
dregið sér samtals 70.003.000 krón­
ur af fjármunum félagsins. Stærsti
hluti fjárhæðarinnar var söluand­
virði eignarhluta H­D hússins í einka­
hlutafélaginu Sævarhöfða, sem þau
seldu einkahlutafélaginu IceCapital.
Í ákæru sérstaks saksóknara kemur
fram að fólkið sé að auki ákært fyrir
að hafa ekki haldið lögboðið bókhald
og geymt bókhaldsgögn rekstrarárin
2003 til 2009.
Ákæran er í þremur liðum. Fólkið
er meðal annars ákært fyrir að hafa
notað hluta söluandvirðis, eða um
20 milljónir, í greiðslu á skuld Sig­
tryggs við Icecapital í ágúst árið 2007.
Ákærðu sömdu um að umrædd fjár­
hæð yrði greidd í formi skuldajafnað­
ar við persónulega skuld ákærða við
IceCapital.
Þá eru þau ákærð fyrir að hafa í
september árið 2007, látið millifæra
tæpar fimmtíu milljónir af reikningi
H­D hússins yfir á reikning konunnar.
Fjárhæðinni var síðar ráðstafað til
kaupa á íbúðarhúsnæði samkvæmt
ákæru sérstaks saksóknara, en fólkið
er búsett þar í dag samkvæmt þjóð­
skrá. Saksóknari segir að með þessu
hafi þau framið umboðssvik og mis­
notað aðstöðu sína til tjóns fyrir H­D
húsið ehf.
Þrotabú H­D hússins krefst þess
að fá greiddar sjötíu milljónir, ásamt
vöxtum frá árinu 2007. Þá krefst sak­
sóknari þess að fólkið verði látið
greiða allan sakarkostnað og dæmt til
refsingar, en viðurlög geta verið sektir
og allt að sex ára fangelsi. n
astasigrun@dv.is
Keyptu hús Fólkið er sagt hafa keypt sér
íbúðarhúsnæði fyrir ágóðann.
„Mér leið eins og
glæpamanni“
Við lögðum niður vinnu til að
mótmæla þessu,“ sagði Guðrún
Magnea Guðmundsdóttir, flokks­
stjóri hjá Reykjavíkurborg og bíl­
stjóri, sem fór fyrir mótmæla­
aðgerðum sorphirðumanna
Reykjavíkurborgar við höfuð­
stöðvar 365 miðla á fimmtudag.
Sorphirðumenn eru verulega
ósáttir við fréttir Vísis og Frétta­
blaðsins af meintri innbrotstil­
raun sorphirðumanna á heimili
Heiðars Helgusonar knattspyrnu­
kappa sem birtust á miðvikudag.
„Þarna er staðhæft að sorp­
hirðumenn hafi verið að gera
tilraun til að brjótast inn á þetta
heimili. Það eru engar tilraun­
ir gerðar til að leita skýringa áður
en þessu er fleygt fram og við
erum bara að mótmæla þessari
frétt,“ sagði Guðrún í samtali við
blaðamann DV á vettvangi. Málið
eigi sér eðlilegar skýringar.
„Þarna var nýliði á ferð sem
vissi ekki hvar tunnurnar eru.
Hann gengur hringinn í kring­
um húsið, eins og við gerum oft.
Hann finnur ekki tunnurnar end­
ar eru þær stundum inni í læst­
um geymslum fyrir utan einbýlis­
hús. Hann fer inn í bíl og nær í
masterslykil sem gengur að öll­
um ruslageymslum í Reykjavík.
Það var „verkfærið“ sem hann var
að ná í samkvæmt fréttinni.“ Guð­
rún sagði að sér hefði liðið eins
og „ótíndum glæpamanni“ þegar
hún mætti til vinnu á fimmtudag.
Átta sorphirðubílar um­
kringdu höfuðstöðvar 365 í
morgunsárið og var mikill hiti í
mannskapnum.
Fréttastjóri Vísis, Kolbeinn
Tumi Daðason, baðst vel­
virðingar á fimmtudag vegna
málsins. „Ritstjórn Vísis harmar
ef fréttaflutningur af þessu máli
hefur valdið misskilningi og biðst
velvirðingar á þeim óþægindum
sem fréttin kann að hafa valdið,“
sagði í yfirlýsingu frá honum sem
birtist á vef Vísis.
Kolbeinn sagði málið vera
til rannsóknar hjá lögreglu en
sagði fyrirsögn fréttarinnar hafa
geymt ótímabæra fullyrðingu en
fyrirsögnin var: Sorphirðumenn
reyndu að brjótast inn til Heiðars
Helgusonar.
„Vitaskuld var aldrei ætlunin
að þjófkenna saklaust fólk sem í
þessu tilfelli eru sorphirðumenn
Reykjavíkur,“ skrifar Kolbeinn
Tumi og bætti við í enda tilkynn­
ingarinnar: „Sorphirðumenn eru
hér með beðnir afsökunar.“