Dagblaðið Vísir - DV - 11.04.2014, Blaðsíða 11

Helgarblað 11.–14. apríl 2014 Fréttir 11
OKKAR
LOFORÐ:
Lífrænt og
náttúrulegt
Engin
óæskileg
aukefni
Persónuleg
þjónusta
HEILSU-
SPRENGJA
20% afsláttur
Grænn apríl í Lifandi markaði
G
il
d
ir
f
rá
3
. -
1
0
. a
pr
íl
2
01
4
Borgartún 1 Fákafen 1 Hæðasmári
www.lifandimarkadur.is
„Fólk getur ekkert
flutt til Grindavíkur“
n Íbúar á Þingeyri uggandi yfir flutningi Vísis n Framkvæmdastjórinn segir tímann nægan
M
ikill hiti var í fólki á íbúa­
fundi sem haldinn var í
félagsheimilinu á Þing­
eyri á miðvikudagskvöld.
Tilefni fundarins var sú
ákvörðun útgerðarfyrirtækisins Vísis
að flytja starfsemi sína á Þingeyri, og
víðar á landinu, til Grindavíkur. Fyrir­
tækið tilkynnti um þetta í lok mars
en í tilkynningu frá fyrirtækinu seg­
ir: „Áform stjórnenda Vísis eru að
færa allan tækjabúnað fyrirtækisins á
einn stað. Þannig verður sveigjanleiki
í starfseminni meiri og framleiðni
eykst því auðveldara verður að stýra
framleiðslunni í verðmætustu afurða­
flokka hverju sinni og bregðast við
kröfum erlendra fiskkaupenda. Fyrir­
tækið telur Grindavík kjörinn stað fyr­
ir fiskvinnsluna meðal annars vegna
nálægðar við alþjóðaflugvöll og út­
flutningshöfn.“
„Sjávarútvegurinn
er grunnurinn“
Áform fyrirtækisins hafa verið harð­
lega gagnrýnd og það heyrðist meðal
annars vel á fundinum í gær. Á með­
al þeirra sem tóku til máls var Gunn­
hildur Elíasdóttir, formaður Verka­
lýðsfélagsins Brynju á Þingeyri. „Þetta
er gríðarlegt áhyggjuefni hjá stéttarfé­
laginu þegar svona staða kemur upp
hjá verkafólkinu. Grunnstoðirnar eru
ekki sterkar og ein af þeim er sjávar­
útvegurinn. Það er talað um ferða­
mannaiðnað, en sjávarútvegurinn er
grunnurinn að öllu hér. Ég held ég geti
fullyrt það að fiskveiðistjórnunarkerfið
er rótin að öllum þessum vandræðum.
Kannski þykir einhverjum það þvælin
tugga, en það er bara staðreynd,“ segir
Gunnhildur í samtali við DV.
Enn einn löðrungurinn
Ólína Þorvarðardóttir, fyrrverandi al­
þingiskona svæðisins, tekur und­
ir þessi orð Gunnhildar. „Þörfin á
því að breyta kvótakerfinu og um­
gjörðinni um sjávarútveginn er mik­
il. Þessi atburður er enn ein áminn­
ingin um það að það er ekki hægt að
búa við óbreytt kvótakerfi, sem felur í
sér að atvinnulífið í heilu byggðarlagi
er eins og fjöregg í höndunum á ein­
um atvinnurekanda. Þegar hann fer
skilur hann byggðarlagið eftir í blæð­
andi sárum. Fólk getur ekkert flutt til
Grindavíkur og farið að vinna hjá Vísi,
það getur ekki losnað við eignirnar
sínar. Það situr eftir með verðlausar
eignir, fjölskyldu sína og allt sem er
bundið byggðarlaginu. Þetta er enn
einn löðrungurinn sem sýnir hvílíkar
hörmungar geta hlotist af óbreyttu
kvótakerfi,“ segir Ólína.
„Ég vil vera hér áfram“
Starfsmaður Vísis á Þingeyri, Davíð
Davíðsson, tók til máls og fundinum
og í samtali við DV lýsir hann þung­
um áhyggjum af stöðu mála. „Ég var
helst að gagnrýna þá aðstoð sem þeir
hafa fengið við að koma starfseminni
hér upp. Á fundinum sem haldinn
var með starfsmönnum í fiskvinnsl­
unni var rætt um flutning starfsfólks­
ins og ég spurði hvað húsnæði kost­
aði í Grindavík. Miðað við verðið hér
á Þingeyri þá er það mun hærra og
við fáum ekki greiðslumat á þessum
launum sem við erum á. Hingað hafa
flutt fjölskyldur til að vinna hjá Vísi,
sumar fyrir stuttu síðan, hvað eiga þær
að gera? Sjálfur vil ég vera hér áfram,“
segir Davíð.
Áttu góðan fund
með bæjarstjóranum
„Við höfum ekki kannað verðsaman­
burð á húsnæði á Þingeyri og Grinda­
vík. Hins vegar hefur það verið gert
vegna Húsavíkur og samanburður­
inn þar var ekki óhagstæður þeim
sem velja það að flytja sig um set,“
segir Pétur Hafsteinn Pálsson, fram­
kvæmdastjóri Vísis. „Í tilkynningunni
okkar segir að við ætlum að vinna
með því fólki, sem hefur fasta bú­
setu, að nýjum störfum. Það er margt í
gangi sem við erum að vinna að og við
áttum mjög góðan fund með bæjar­
stjóranum og formanni Atvinnu­
þróunarfélags Vestfjarða á föstu­
daginn síðastliðinn. Þar voru lagðar
ákveðnar línur og við ætlum að vinna
að því næstu mánuði, við vorum
sæmilega bjartsýnir á það sem er þar í
spilunum,“ segir Pétur. Einhverrar óá­
nægju gætti meðal fundargesta á mið­
vikudagskvöld vegna þess að ekki var
hægt að segja frá því hvað hefði komið
út úr fundinum með bæjarstjóranum
og formanni Atvinnuþróunarfélags­
ins. Pétur segir að ekki hafi verið tíma­
bært að segja opinberlega frá þeim
verkefnum um rætt var um. Nægur
tími væri til stefnu enda ár í að flutn­
ingar frá Þingeyri verði að veruleika.
„Spyrjum að leikslokum“
„Ég hvet fólk á Þingeyri til að vera ró­
legt, það er ákveðin vinna í gangi og
við höfum eitt ár til stefnu. Um leið og
við höfum eitthvað í höndunum þá
verður sagt frá því. Ég vill hins vegar
ítreka það að við vitum að starfsfólkið
skiptist í tvo hópa, þá sem eiga auðvelt
með að færa sig um set og hins vegar
þá sem eiga mjög erfitt með það. Verk­
efnið er, og ég vil að fólk trúi því, að
vinna með þeim hópi,“ segir Pétur.
Fyrirtækið hefur verið gagnrýnt
fyrir að sinna ekki samfélagslegri
ábyrgð sinni. „Ég hef sagt það áður að
samfélagsleg ábyrgð felst ekki í því að
reka eitthvað sem ekki gengur heldur
að gera nauðsynlega breytingar í sátt
við samfélagið og fólkið sem vinnur
hjá þér. Fyrir mér er ekki greinar­
munur á því að stór tæknifyrirtæki
færi sig um set, hvort sem það er á
milli landa eða innanlands, og bjóði
sínu starfsfólki að fylgja með. Alveg
eins erum við að bjóða okkar sér­
hæfða fiskvinnslufólki að fylgja okk­
ur,“ segir Pétur. Hvað með þá gagn­
rýni að fyrirtækið hafi fengið meðgjöf
í formi byggðarkvóta? „Við erum bún­
ir að skila þeim byggðarkvóta aftur
inn í samfélagið. Hins vegar skal spurt
að leikslokum hvernig við förum frá
þessum stöðum, verði af þessu. End­
anleg ákvörðun verður tekin í lok apr­
íl og við vitum af okkar samfélagslegu
ábyrgð. Að okkar mati erum við ekki
að bregðast henni,“ segir Pétur Haf­
steinn. n
Rögnvaldur Már Helgason
rognvaldur@dv.is
Vel mætt Ríflega 100 manns
mættu á íbúafundinn á Þingeyri
á miðvikudagskvöld. Mikill hiti
var í fólki, en umræðuefnið
var áætlun Vísis um að flytja
starfsemi fyrirtækisins til
Grindavíkur. Mynd RóbERt REyniSSon
Kvótakerfið er ástæðan Ólína
Þorvarðardóttir tók til máls og segir að
málið sé áminning um að breyta þurfi
kvótakerfinu. Mynd RóbERt REyniSSon
„Ég hvet fólk á
Þingeyri til að vera
rólegt.
„Þetta er enn einn
löðrungurinn