Dagblaðið Vísir - DV - 11.04.2014, Blaðsíða 10

Helgarblað 11.–14. apríl 201410 Fréttir
Mikill verðmunur
hjá dekkja-
fyrirtækjum
Allt að 86 prósenta verðmunur
reyndist vera á skiptingu, umfelg-
un og jafnvægisstillingu á hjól-
barðaverkstæðum í verðkönnun
sem ASÍ gerði á dögunum. Eins og
flestum er kunnugt er ekki lengur
löglegt að aka um á nagladekkjum
frá og með 15. apríl.
Könnunin náði til 27 hjól-
barðaverkstæða víðsvegar um
landið, en hún var framkvæmd
þann 2. apríl síðastliðinn.
Mestur verðmunur í könnun-
inni var á þjónustu við dekkja-
skipti á jeppa (t.d. Mitshubishi)
með 18´´ álfelgum og stálfelgum
(265/60R18) sem var ódýrust á
7.157 krónur hjá Bifreiðaverkstæði
S.B á Ísafirði en dýrust á 13.320
krónur hjá Öskju. Verðmunurinn
var 6.163 krónur, eða 86 prósent.
Ódýrasta þjónustan fyrir jepp-
ling (t.d. Toyota Rav) á 16´´ álfelg-
um (225/70R16) var hjá Dekkja-
húsinu, 5.990 krónur, en dýrust
á 10.015 krónur hjá Betra gripi í
Guðrúnartúni. Verðmunurinn var
4.025 krónur, eða 67 prósent.
Kostnaður við dekkjaskipti
undir smábíl, minni meðalbíl
og meðalbíl á 14, 15 og 16´´ ál-
felgu og stálfelgu (175/65R14,
195/65R15 og 205/55R16), var
minnstur á 4.990 krónur hjá
Dekkjahúsinu Kópavogi, en
mestur á 8.510 krónur hjá Öskju.
Verðmunurinn var 3.520 krónur,
eða 71 prósent.
Kannað var verð á þjónustu
við dekkjaskiptingu, umfelgun
og jafnvægisstillingu á álfelgum
og stálfelgum af stærðum 14,15,
16 og 18´´ á 29 hjólbarðaverk-
stæðum í Reykjavík, Kópavogi,
Hafnarfirði, Garðabæ, Ísafirði, Ak-
ureyri, Egilsstöðum og Selfossi.
Verð í könnuninni er án afslátt-
ar en verkstæðin bjóða upp á
margs konar afsætti t.d. FÍB, eldri
borgara- og staðgreiðsluafslátt.
ASÍ hvetur því viðskiptavini til að
spyrja um afslátt.
Allt hreint fyrir páska
Vinna við hreinsun gatna og göngustíga í borginni eftir veturinn gengur vel
V
ið grófsópum fyrst og í
seinni umferðinni spúlum
við með vatni allar húsa-
götur og ákveðnar tengi-
brautir,“ segir Guðjóna Björk
Sigurðardóttir, skrifstofustjóri
reksturs og umhirðu borgarlands-
ins, í tilkynningu frá Reykjavíkur-
borg um verklagið sem viðhaft er
við hreinsun gatna og stíga. Síð-
ustu daga hefur verið grófsópað
en gert er ráð fyrir að hefja götu-
þvottinn um miðja næstu viku. Um
helgina verður byrjað að spúla lóð-
ir við skólana sem þá eru komnir í
páskafrí.
„Fyrir seinni umferðina þegar
við þvoum og sópum verður íbú-
um gert viðvart með bréfi og skilt-
um og þeir beðnir um að liðka til
fyrir hreinsun með því að færa bíla
úr götum sem verið er að hreinsa
hverju sinni,“ segir Guðjóna.
Í tilkynningunni kemur fram að
allir hjólastígar og gönguleiðir inn-
an hverfa verði sópaðar samhliða
samhliða hreinsun í hverfinu, en
allir helstu hjólastígar, eða svokall-
aðir stofnstígar milli borgarhluta,
verða hreinsaðir fyrir páska.
Til verksins eru notaðir átta
götusópar, þrír vatnsbílar og átta
gangstéttasópar. Guðjóna Björk
segir að vinna við fyrstu yfirferð
gangi vel þrátt fyrir að óvenju
mikill sandur sé bæði á götum
og gönguleiðum. Miklu magni af
sandi var dreift í vetur til að bæta
öryggi gangandi vegfarenda í
hálkunni.
Til að verkið gangi hraðar fyrir
sig er unnið samtímis í austurhluta
borgarinnar og vesturhluta. Í aust-
urhluta borgarinnar var byrjað í
Neðra-Breiðholti og Seljahverfi og
í vesturhlutanum hófst hreinsun í
Vesturbænum og í Háleitishverfi. n
einar@dv.is
Svifryk Ætla má að
svifryksmengun verði minni
eftir að hreinsun lýkur.
Þetta er ný stjórn
Landsvirkjunar
Sjálfstæðismaðurinn Jónas Þór Guðmundsson nýr stjórnarformaður
J
ónas Þór Guðmundsson var
kjörinn stjórnarformað-
ur Landsvirkjunar í síðustu
viku. Hann tekur við af Bryn-
dísi Hlöðversdóttur, en hún
hafði áður setið á þingi fyrir Samfylk-
inguna. Jónas Þór hefur ekki gegnt
þingstörfum, en hann hefur sinnt
trúnaðarstörfum fyrir Sjálfstæðis-
flokkinn. Fjárfestirinn Ólafur Arnar-
son hafði fullyrt á vef sínum að Davíð
Oddsson, fyrrverandi formaður Sjálf-
stæðisflokksins og ritstjóri Morgun-
blaðsins, yrði settur stjórnarformað-
ur. „Samkvæmt traustum heimildum
Tímaríms mun nú hafa verið ákveðið
að hinn nýi stjórnarformaður verður
enginn annar en sjálfur Davíð Odds-
son,“ skrifaði Ólafur þann 12. mars
síðastliðinn. Orðrómur um slíkt varð
hávær, en hann reyndist þó ekki
réttur þegar upp var staðið. Í stjórn-
inni eru einnig fulltrúar stjórnmála-
flokka í minnihluta á Alþingi, þær
Þórunn Sveinbjarnardóttir og Álf-
heiður Ingadóttir. Framsóknarmað-
urinn Jón Björn Hákonarson, for-
seti bæjarstjórnar Fjarðabyggðar,
er varaformaður stjórnarinnar. DV
birtir hér upplýsingar um nýja stjórn
Landsvirkjunar. n
Jónas Þór Guðmundsson
Jónas Þór verður stjórnarformaður Lands-
virkjunar. Hann er formaður fulltrúaráðs
Sjálfstæðisflokksins í Hafnarfirði og þá er
hann í yfirkjörstjórn Suðvesturkjördæmis.
Jónas Þór er formaður í Lögmannafélagi
Íslands og hefur verið það síðan árið 2012.
Hann situr í kjararáði og á þar sæti þangað
til í júní á þessu ári, en hann var kosinn
þangað inn af Alþingi. Þá á hann einnig
sæti í landsdómi.
Helgi Jóhannesson
Lögfræðingurinn Helgi Jóhannesson var for-
maður Lögmannafélagsins frá 2005–2008
og einnig formaður Lögfræðingafélags Ís-
lands á árunum 1997–1999. Hann er formaður
endurkröfunefndar samkvæmt umferð-
arlögum og hefur starfað sem slíkur síðan
árið 1991. Þá er hann formaður matsnefndar
eignarnámsbóta og sat í málskotsnefnd LÍN
frá 1997–2009. Helgi hefur meðal annars
unnið sem lögfræðingur fyrir Samherja, en
hann er einn eigenda lögfræðistofunnar LEX.
Jón Björn Hákonarson
Jón Björn er forseti bæjarstjórnar Fjarða-
byggðar, en hann er eini fulltrúi sveitar-
stjórna í stjórninni. Hann sat í skamman
tíma á þingi, sem varamaður Framsóknar-
flokksins í Norðausturkjördæmi. Áður var
hann upplýsinga- og kynningarfulltrúi
Fjarðabyggðar. Hans aðalstarf í dag er hjá
Vátryggingafélagi Íslands, en þar er hann
þjónustufulltrúi hjá útibúi fyrirtækisins á
Reyðarfirði. Hann er jafnframt varafor-
maður stjórnar Landsvirkjunar.
Þórunn Sveinbjarnardóttir
Þórunn hefur einna mestu reynsluna úr
pólitík af þeim sem eru í stjórn Landsvirkj-
unar, en hún starfar í dag sem fram-
kvæmdastýra Samfylkingarinnar. Áður
sat hún á þingi fyrir flokkinn, frá 1999–2011
og var um tíma þingflokksformaður. Hún
var umhverfisráðherra frá 2007–2009, í
öðru ráðuneyti Geirs H. Haarde. Þórunn er
stjórnmálafræðingur að mennt.
Álfheiður Ingadóttir
Álfheiður hefur reynslu af stjórnarstörf-
um Landsvirkjunar, því hún sat í stjórn
fyrirtækisins frá 2003–2006. Ári eftir að
hún fór úr stjórninni var hún kosin á þing
fyrir Vinstri græn og sat á þingi allt til
ársins 2013. Hún var heilbrigðisráðherra frá
2009–2010, en hún er með háskólapróf í
líffræði. Álfheiður hefur einhverja reynslu
af störfum við orkutengd mál, því hún var í
nefnd um mótun orkustefnu Reykjavíkur-
borgar frá 2002–2003.
Rögnvaldur Már Helgason
rognvaldur@dv.is
Landsvirkjun Ný stjórn var kosin á dögunum. Þar sitja bæði fulltrúar ríkisstjórnarflokka
og stjórnarandstöðu. Mynd dV
Ráðist á lög-
reglumann
Lögreglunni á höfuðborgarsvæð-
inu barst á miðvikudag tilkynning
um að bifreið hefði verið stolið í
Hafnarfirði. Í tilkynningu frá lög-
reglu kemur fram að lögreglu-
menn í Kópavogi hafi séð bif-
reiðina í akstri á Reykjanesbraut
móts við Kost. Lögreglan gaf
ökumanni merki um að stöðva
bifreiðina en hann varð ekki við
þeirri beiðni. Bifreiðin var stöðv-
uð skömmu síðar og fór ökumað-
urinn ekki að fyrirmælum lög-
reglu og réðst á lögreglumann. Í
tilkynningu segir að ökumaður-
inn hafi því verið handtekinn og
vistaður í fangageymslu þar til
hægt yrði að ræða við hann.