Dagblaðið Vísir - DV - 15.04.2014, Qupperneq 61

Páskablað 15.–22. apríl 2014 Lífsstíll 61
Æ
fleiri hafa þann sið
að búa til sitt eigið
súkkulaðiegg fyrir pásk­
ana. Margt kemur til.
Bæði er það skemmti­
legt og þá er kostur fyrir marga að fá
að ráða því hvernig súkkulaði er not­
að og hverju er raðað í eggin. Þeir sem
þjást af fæðuóþoli eða ofnæmi geta
þannig búið sér til ljúffengt páskaegg
sem þeir geta borðað án þess að hafa
áhyggjur og sælkerarnir geta ráðið sér
sjálfir og valið súkkulaðið og sætindin
í eggin.
Þá skemmir ekki fyrir að búa til
eigin málshætti eða lauma heilu
skemmtibréfunum inni í eggin. Form
fyrir páskaeggin fást til dæmis í Pipar
og salti, Hagkaupum og fleiri verslun­
um. Gott er að hafa við höndina eftir­
farandi í eldhúsinu svo páskaeggja­
gerðin verði leikandi létt.
n Gott súkkulaði
n Páskaeggjaform
n Sprautupoki
n Góð skál til að bræða súkkulaðið í,
helst úr stáli.
n Bökunarpappír eða plast til að
leggja eggin á.
Heimagerð súkkulaðiegg
Hægt er að gera páskaegg auðveld­
lega úr gæðasúkkulaði, bæði úr dökku
súkkulaði með kakóinnihaldi frá um
50–70% og jafnvel dekkra og hvítu
súkkulaði. Athugið að engum auka­
efnum þarf að bæta við súkkulaðið,
aðeins þarf að vanda til verka við að
tempra það.
Börn eru hrifnari af hvítu súkkulaði
og mjólkursúkkulaði. Gott ráð er að
blanda saman mjólkursúkkulaði og
dökku súkkulaði.
Svona bræðir þú súkkulaðið:
Byrjaðu á að saxa súkkulaðið og
bræða það við vægan hita í skál yfir
vatnsbaði. Hrærðu í því á meðan það
bráðnar. Varastu að það ofhitni (þeir
sem eiga hitamæla passa að hitastig­
ið fari ekki yfir 50°C). Helltu mest­
öllu súkkulaðinu á kalda, slétta borð­
plötu eða marmarabretti og smyrðu
því jafnt út með spaða. Hrærðu svo í
því og skafðu það fram og aftur með
plastsköfu eða sleikju. Haltu áfram
þar til það er farið að þykkna og
kólna. Skafðu það þá aftur yfir í skál­
ina, hrærðu því saman við súkkulaðið
sem eftir var í henni og settu skálina
aftur yfir pott með heitu vatni.
Hitaðu súkkulaðið (fyrir þá sem
eiga hitamæli, upp í um 32°C). Blaða­
maður á ekki hitamæli og fylgist
hreinlega með þar til súkkulaðið verð­
ur slétt og gljáandi. Þá er súkkulað­
ið tilbúið til páskaeggjagerðar. Ef það
stendur til að gera mörg egg er gott að
hafa vatn í pottinum til suðu og saxað
súkkulaði tilbúið til að bæta í skál­
ina. Það má alltaf blanda aftur í skál­
ina saman við leifarnar, það eina sem
þarf að gæta að er að súkkulaðið of­
hitni ekki, þá verður það matt, líflaust
og leiðinlegt að vinna með.
Svona ferðu að:
Takið páskaeggjaform og látið
nokkrar skeiðar af súkkulaðinu í
formið, hallið forminu hægt fram
og til baka þannig að súkkulaðið
renni um formið og þeki það alveg.
Setjið formin á bakka með smjör­
pappír eða þykkri plastfilmu og látið
storkna. Þetta tekur nokkrar mín­
útur, það er vel hægt að flýta fyrir
ferlinu með því að setja formin inn
í kæli (jafnvel í frystinn í skamma
stund). Þetta er endurtekið nokkrum
sinnum þar til skelin er orðin ákjós­
anleg að þykkt (þrisvar sinnum ætti
að duga).
Þegar skeljarnar eru tilbúnar er
listin að losa varlega um þær svo
þær brotni ekki. Þegar skeljarnar
eru allar klárar og botnarnir líka ef
þeir hafa verið gerðir, má setja egg­
ið saman. Þeir sem vilja geta sett
sælgæti og málshætti inn í eggin
áður. Það má líka gera annars konar
páskasælgæti með skeljum, til dæm­
is skjaldböku með marsipanfætur
eins og sýnd er hér.
Það er þægilegast að loka eggj­
unum með því að nota bráðið
súkkulaði til að festa það saman. Svo
má skreyta ójafna kanta með bráðnu
súkkulaði og skrauti. n
Kristjana Guðbrandsdóttir
kristjana@dv.is
Gerðu páska-
eggin sjálfur
n Auðvelt að gera eigin páskaegg n Solla í Gló gefur súkkulaðiuppskrift
Súkkulaði-
uppskrift frá
Sollu í Gló
Solla í Gló er vön að gera
súkkulaðiegg með fjölskyldunni
fyrir páskahátíðina og stundum
gerir hún sitt eigið súkkulaði
sem hún deilir hér uppskrift að
með lesendum DV:
n ½ dl kaldpressuð kókosolía
n ½ dl kakósmjör
n 1 dl 100% hreint kakóduft
n ½ dl kókospálmasykur eða önnur
sæta (eða „sykurlaus“ sæta)
n smá sjávarsalt og nokkur korn
cayenne-pipar ef vill
Til að kókosolían verði fljótandi:
látið heitt vatn renna á kókosolíu­
krukkuna eða setjið krukkuna í
skál með um 50°C heitu vatni.
Til að kakósmjörið verði fljótandi:
setjið pokann í um 40°C heitt
vatn eða bræðið yfir vatnsbaði.
Blandið öllu saman í skál, nú
eruð þið komin með fljótandi
súkkulaði. Leiðbeiningar Sollu
eru eins og þær að ofan og þeim
má fylgja til að útbúa páskaegg úr
heimagerða súkkulaðinu.
Heimagerðir málshættir Börnin geta skemmt sér við að búa til málshættina sjálf
handa foreldrum sínum og velja þá það sem þeim þykir henta í skilaboðin. Mynd Kolfinna Mjöll
Heimagert súkkulaði
Þetta súkkulaðiegg úr hvítu
súkkulaði gerði blaðamaður
með fjölskyldu og vinum fyrir
nokkrum árum og heppnaðist
vel. Mynd Kolfinna Mjöll
Egg úr dökku
súkkulaði Faðir
blaðamanns fékk
þetta páskaegg að
gjöf með upphafs-
stöfum hans. Margt
má gera skemmti-
legt til skrauts á
eggjunum. Mynd
Kolfinna Mjöll
Skjaldbökur úr
súkkulaði Skelj-
ar sem misheppn-
ast þurfa ekki að
fara í súginn, þær
verða fyrirtaks
skjaldbökur með
marsipanfætur.
Mynd Kolfinna Mjöll
Af hverju
höldum við
páska?
Páskar eru haldnir hátíðlegir víða
um heim, en af hverju? Hvað
gerðist á þessum tíma, af hverju
borðum við páskaegg og hver
valdi kanínu eða gulan lit sem
tákn þessa tíma?
Páskaegg
Saga páskaeggsins í Evrópu er
lengri en hér á landi, en Ís­
lendingar tóku þessa hefð upp í
kringum 1920.
Á miðöldum rukkuðu land­
eigendur leigjendur sína um
skatt fyrir afnot af landeign sinni
og var þessi skattur innheimtur
í kringum páska. Á þessum tíma
árs voru hænurnar nýbyrjaðar að
verpa á ný eftir vetrarhlé og þótti
því eftirsóknarvert að fá greitt
með eggjum.
Sá siður að gefa börnum
páskaegg er dreginn af þessari
hefð. Á barokktímanum byrj­
aði yfirstéttin að gefa skreytt egg
og oft var lítið gat gert á skurnina
og litlu spakmæli, rímu eða ljóði
stungið í eggið. Í dag eru egg í öll­
um regnbogans litum framleidd
úti um allan heim og tilheyra
páskum líkt og pakki á jólum.
Páskakanínan
Gyðjan
Eastre, var
gyðja vorsins,
morgunsins,
endurfæðingar­
innar og barna.
Eastre breytti uppáhaldsgælufugl­
inum sínum í kanínu. Kanínan
gladdi síðan börn með því að færa
þeim marglit egg að gjöf frá vor­
gyðjunni.
Páskakanínan er ekki beint
tengd hinum kristna boðskap
páskanna heldur á hún rót sína
að rekja til goðsögunnar um ger­
mönsku vorgyðjuna Eastre.
Skírdagur
Á skírdag borðaði Jesús ásamt læri­
sveinum sínum síðustu kvöldmál­
tíðina. Jesús tilkynnti lærisveinum
sínum að einn þeirra myndi svíkja
sig. Enginn af lærisveinunum vildi
viðurkenna það og töldu það af og
frá, en ekki leið á löngu þar til Júd­
as, einn lærisveinanna, sveik hann
fyrir 30 silfurpeninga. Jesús var
handtekinn í kjölfarið og dæmdur
til dauða.
föstudagurinn langi
Hermenn afklæddu Jesú og flétt­
uðu þyrnikórónu og settu á höf­
uð hans. Jesús var krossfestur á
Golgatahæð og lést á krossinum
sama dag.
Um kvöldið var hann lagður
í gröf sem var inni í kletti. Jesús
hafði sagt áður að hann myndi
rísa upp á þriðja degi eftir dauða
sinn. Þess vegna var stórum og
þungum steini velt fyrir opið að
gröfinni og átti það að koma í veg
fyrir að lærisveinarnir næmu lík­
ama Jesú á brott.
Páskadagur
María Magdalena og María, móð­
ir Jakobs, keyptu ilmsmyrsl til að
smyrja líkama Jesú. Þegar þær
komu árla morguns að gröf hans
sáu þær að búið var að velta stein­
inum frá grafaropinu. Þær héldu
inn í gröfina og hittu þar fyrir
ungan mann sem var klæddur í
hvíta skikkju og sagði konunum
að vera óhræddar, því Jesús væri
risinn upp frá dauðum.
iris@dv.is- Heimild: Vísindavefurinn