Dagblaðið Vísir - DV - 30.05.2014, Blaðsíða 4

Helgarblað 30. maí –2. júní 20144 Fréttir
Fjölbreyttar vörur
í öllum litum fyrir
bæjarhátíðina!
FAXAFEN 11 • 108 REykjAvík • 534-0534
Eyjamenn bíða
eftir Magnúsi
n Salan á Bergi-Hugin ógilt n Magnús verður að selja Eyjamönnum
Þ
að er alveg ljóst að hvort
sem þessi útgerð eða aðrar
verða seldar frá Vestmanna-
eyjum þá munum við krefj-
ast forkaupsréttar,“ segir
Elliði Vignisson, bæjarstjóri í Vest-
mannaeyjum, aðspurður um stöð-
una á viðskiptum með útgerðina
Berg-Hugin. Í byrjun maí ógilti hér-
aðsdómur sölu eignarhaldsfélags
Magnúsar Kristinssonar á útgerðinni
Bergi-Hugin til Síldarvinnslunnar í
Neskaupstað.
Niðurstaðan í málinu var söguleg
í þeim skilningi að um var að ræða
fyrsta mál sinnar tegundar þar sem
sveitarfélag lætur reyna á forkaups-
rétt sinn á íslenskri útgerð sem selja á
úr heimabyggð. Fordæmisgildi máls-
ins er mikið og er spurning hvort
önnur sveitarfélög nýti sér þessa
leið til að koma í veg fyrir að störf
og aflaheimildir í sjávarútvegi færist
annað. Til dæmis gæti Hafnarfjarðar-
bær látið reyna á sama lagaákvæði
varðandi nýlega sölu á Stálskipum til
Samherja.
Engin viðskipti
Magnús gat því ekki selt útgerðina frá
Vestmannaeyjum og þar við situr segir
Elliði. „Þar með hafa engin viðskipti átt
sér stað, eða þau viðskipti sem áttu sér
stað voru ógilt. Það er enginn samn-
ingur um kaup og sölu á Bergi-Hugin.
Þar við situr gagnvart okkur.“
Elliði segist ekki hafa heyrt neitt
um fyrirætlanir Magnúsar, hvort
hann hyggist áfrýja málinu, eiga út-
gerðina áfram eða selja útgerðina til
heimamanna í Eyjum svo störfin og
kvótinn sem henni fylgir fari ekki úr
bænum. „Við höfum hvorki átt sam-
ræður við seljanda útgerðarinnar eða
kaupanda.“
Elliði segir að á meðan sé útgerðin
rekin með venjubundnum hætti í
Vestmannaeyjum – hún gerir út tvö
togskip, Vestmannaey og Bergey, frá
Eyjum.
DV náði ekki tali af Magnúsi til
að spyrja hann um fyrirætlanir hans
með Berg-Hugin, þrátt fyrir ítrekaðar
tilraunir.
Góður rekstur
– erfið skuldastaða
Rekstur Bergs-Hugins gengur vel og
skilaði félagið rúmlega 735 milljóna
króna hagnaði árið 2012 – ársreikn-
ingur félagsins fyrir 2013 liggur ekki
fyrir. Fyrirtækið var með tekjur upp
á tæpa tvo milljarða króna og greiddi
félagið laun og annan starfsmanna-
kostnað upp á tæplega 700 milljónir
króna. Ef fyrirtækið færi úr Eyjum
hefði það því sannarlega sitt að segja.
Vandamál Bergs-Hugins eru
hins vegar erfið skuldastaða en
ekki reksturinn sjálfur. Í árslok 2012
voru eignir fyrirtækisins tveimur
milljörðum króna lægri en skuld-
irnar – fyrirtækið átti rúmlega fjóra
milljarða en skuldaði rúmlega sex.
Í skýringu í ársreikningnum kemur
fram að þessi erfiða skuldastaða sé
ástæðan fyrir sölunni á fyrirtæk-
inu til Síldarvinnslunnar.
Orðrétt segir: „Við fall ís-
lensku krónunnar hækk-
uðu skuldir félagsins
tengdar erlendum gjald-
miðlum umtalsvert.
Auknar skuldir urðu til
þess að eiginfjárstaða fé-
lagsins varð neikvæð og
er félagið enn að vinna
sig úr þeirri stöðu. Síldar-
vinnslan hf. á Neskaupstað
keypti allt hlutafé í félaginu
í ágúst 2012. Áætl-
anir félagsins
gera ráð fyrir
að Bergur-
Huginn ehf.
verði áfram
rekið sem
sjálfstætt fé-
lag. En ráð-
gert er að
endurskipu-
leggja reksturinn á næstu mánuð-
um með hagræðingu í huga. Þessi
viðskipti eru vísbending um að
rekstrarhæfi félagsins sé til
staðar.“ n
Ingi Freyr Vilhjálmsson
ingi@dv.is
„Við höfum hvorki
átt samræður við
seljanda útgerðarinnar
eða kaupanda.
Tíðindamikill mánuður Nú í maí
hefur héraðsdómur ógilt söluna á útgerð
Magnúsar Kristinssonar, Bergi-Hugin,
auk þess sem greint var frá tæplega 70
milljarða skiptalokum hjá fyrirtæki í
hans eigu, Smáey ehf.
Ekkert heyrt
Fyrirætlanir Magnús-
ar Kristinssonar um
Berg-Hugin liggja ekki
fyrir. Forkaupsréttur
Eyjamanna er skýr, segir
Elliði Vignisson, bæjar-
stjóri í Vestmannaeyjum.
Mynd SIGTryGGur ArI
Ekki hægt
að kaupa sig
inn á lista
„Við munum endurskoða okkar
vinnubrögð í markaðsmálum,
vanda okkur betur við pósta sem
frá okkur fara og reyna að gera
enn betur í ritstjórnarlegri um-
fjöllun okkar um konur í atvinnu-
lífinu. Þegar okkur verður á er
ekkert annað að gera en biðjast
afsökunar og bæta sig. Hér með
geri ég það fyrir hönd blaðsins,“
segir Benedikt Jóhannesson, út-
gefandi Frjálsrar verslunar.
Ásthildur Sturludóttir, bæjar-
stjóri í Vesturbyggð, greindi frá
því á dögunum að henni hafi ver-
ið boðið að vera þátttakandi í veg-
legu afmælisriti um áhrifamestu
konurnar á Íslandi, en fyrir það
þyrfti hún þó að greiða 127 þús-
und krónur. Þá sagðist Þórdís Lóa
Þórhallsdóttir, formaður Félags
kvenna í atvinnulífinu, í viðtali í
Morgunblaðinu hafa heyrt rætt
um að hægt væri að kaupa sig inn
á listann yfir áhrifamestu konurn-
ar. Þessu neitar Benedikt en hef-
ur birt afsökunarbeiðni þar sem
hann segir vinnubrögðin verða
endurskoðuð.
Vilja bætur Forsvarsmenn Sól-
valla vilja bætur frá bænum vegna
hjúkrunarheimilis sem bærinn
ætlaði að byggja en gerði ekki.
Vilja fá 12 milljónir
Hafnarfjarðarbær auglýsti öldrunarheimili sem ekki var byggt
S
jálfseignarstofnunin Sólvellir
ses. hefur stefnt Hafnar-
fjarðarbæ og krefst skaðabóta
frá bænum upp á 12 milljón-
ir króna. Þetta kemur fram í stefnu
frá Sólvöllum sem þingfest verður
í Héraðsdómi Reykjaness þann 4.
júní næstkomandi. Hafnarfjarðar-
bæ er stefnt en forsvarsmaður hans
er Guðrún Ágústa Guðmundsdóttir
bæjarstjóri.
Stefnan snýst um það sem
forsvarsmenn Sólvalla telja misbrest
í framkomu stjórnenda Hafnar-
fjarðarbæjar vegna öldrunarheim-
ilis sem til stóð að byggja á Völlun-
um í bænum og sem auglýst var
árið 2010. Sólvellir vildu reka öldr-
unarheimilið og skiluðu inn tilboði
þess efnis ásamt öðrum fyrirtækjum.
Á endanum stóð tilboð Sólvalla ses.
eitt eftir.
Forsvarsmenn Sólvalla vilja
meina að Hafnarfjarðarbær hafi ekki
staðið við það sem fram kom í aug-
lýsingum um byggingu og rekstur
öldrunarheimilisins og því hafi
stofnunin lagt út í rúmlega 12 millj-
óna kostnað að óþörfu og vitanlega
eytt tíma til einskis. Hætt var við að
byggja hjúkrunarheimilið sem aug-
lýst var 2010 en í fyrra var birt auglýs-
ing um sams konar hjúkrunarheim-
ili. Fjármunum Sólvalla hafi því verið
varið til einskis. n
ingi@dv.is
Fær skaðabætur
Íslenska ríkið hefur verið skikkað
til að greiða Matthíasi Ólafssyni
200 þúsund krónur í skaðabætur
vegna gæsluvarðhalds sem hann
sat í er lögreglan rannsakaði
meint auðgunarbrot hans árið
2008. Matthías var handtekinn
grunaður um aðild að Virðingar-
málinu svokallaða en málið leiddi
ekki til ákæru. Hann var grunaður
um stórfellt auðgunarbrot ásamt
þeim Friðjóni og Haraldi Þórðar-
syni. Friðjón var forstöðumaður
verðbréfamiðlunar Virðingar hf. á
þeim tíma. Taldi efnahagsbrota-
deild ríkislögreglustjóra mennina
meðal annars hafa notfært sér
upplýsingar sem Friðjón hafði
yfir að ráða til gjaldeyrisviðskipta.
Matthías var hnepptur í fjögurra
daga gæsluvarðhald vegna rann-
sóknar málsins í nóvember 2009.