Dagblaðið Vísir - DV - 30.05.2014, Blaðsíða 28

Helgarblað 30. maí –2. júní 201428 Umræða
Sóley Tómasdóttir
oddviti Vinstri grænna í Reykjavík
Kjallari
V
iltu flugvöllinn áfram í
Vatnsmýrinni? Það viljum
við og því verður hvergi
hnikað. Sjálfstæðisflokk­
urinn læðist eins og köttur í
kringum heitan graut varðandi flug­
vallarmálið og núverandi meirihluti
vill flugvöllinn í burtu og hann fer
í burtu ef þeir fá áframhaldandi
stuðning til að stjórna borginni í
þögn og án samráðs og í samræmi
við vilja borgarbúa.
Strax á þessu ári er heimild til að
loka neyðarbrautinni og rífa í burtu
fluggarða, því borgarstjóri og innan­
ríkisráðherra hafa gert samkomulag
sín á milli þess efnis, þrátt fyrir að hin
margrómaða Rögnunefnd, með Dag B.
Eggertsson innanborðs, sé að störfum.
Af hverju liggur borgar­
stjórn Reykjavíkur, allri, ekki bara
meirihlutanum, svona mikið á að
koma flugvellinum í burtu? Þeim
liggur svo mikið á að þeir gera
samkomulag, bakdyramegin, áður
en að nefndin sem þeir skipuðu sjálf­
ir fær að klára sína vinnu. Það er ein­
falt að svara því. Borgarstjórn sam­
þykkti nýtt aðalskipulag í Reykjavík
í lok síðasta árs sem byggir á því að
flugvöllurinn fari. Þar kemur fram
að 2/3 allra nýrra íbúða á skipulags­
tímabilinu rísi í Vatnsmýrinni, mið­
borginni­gömlu höfninni og í Elliða­
árvogi. Á dýrstu stöðum í borginni.
Það er því ljóst að núverandi borgar­
stjórn er búin að lofa upp í ermina á
sér, í andstöðu við vilja þeirra 70%
borgarbúa sem vilja að flugvöllurinn
verði áfram í Vatnsmýrinni.
Geri aðrir betur
Gert er ráð fyrir því í nýsamþykktu
aðalskipulagi Reykjavíkur að fram
til ársins 2030 verði byggðar sam­
tals 14.000 íbúðir í Reykjavík eða 700
íbúðir á ári. Á allt að 25% íbúðanna
að vera leigu­ og búseturéttaríbúðir.
Ef það gengur eftir þá eru það sam­
tals 175 leigu­ og búseturéttaríbúðir
á ári eða samtals 3.500 leigu­ og bú­
seturéttaríbúðir fram til ársins 2030!
Á þessu kjörtímabili hefur lítið sem
ekkert verið byggt. Gleymdist að
byggja og kaupa félagslegt húsnæði?
Einungis bættust 67 íbúðir við eigna­
safn Félagsbústaða á kjörtímabilinu
en áttu að vera 400. Þetta gera alveg
16,75 íbúðir á ári. Miðað við þennan
uppbyggingarhraða tæki það 149 ár
að fjölga um 2.500 íbúðir. Geri aðrir
betur. Miðað við skoðanakannanir
þá ætla borgarbúar að verðlauna nú­
verandi meirihluta fyrir hversu dug­
legir þeir hafa verið að byggja og
tryggja húsnæðisöryggi borgarbúa
með því að endurkjósa þá á grund­
velli kosningaloforðs sem þeir hafa
ekki hugað að síðastliðin 4 ár og ætla
að vera nokkur kjörtímabil að efna.
Í Úlfarsárdal átti fyrst að rísa um
20.000 íbúa hverfi. Samkvæmt nýja
aðalskipulaginu á þar einungis að
vera 9.000 íbúa hverfi og nær því
ekki að verða sjálfbært. Það verð­
ur að fjölga íbúðarhúsnæði, jafnt fé­
lagslegu og almennu, þ.á.m. leigu­
íbúðum og búseturéttaríbúðum.
Fólk býr í ólöglegu húsnæði úti um
allan bæ, húsnæðisöryggi er lítið
og bitnar þetta ástand einna helst á
þeim sem minna mega sín.
Meiriháttar skipulags-
mistök í uppsiglingu
Í uppsiglingu eru meiriháttar
skipulagsmistök svo sem á hafnar­
bakkanum og í Laugardalnum. Það
þurfa að koma til raunhæfar hug­
myndir, auka þarf lóðaframboð,
lækka lóðaverð og endurskoða að­
alskipulagið til að hægt sé að byggja
í Reykjavík fyrir venjulegt fólk og
koma í veg fyrir skipulagsmistök.
Við teljum einnig mikilvægt
að viðhalda og halda áfram upp­
byggingu íþróttamannvirkja inni
í hverfunum. Nærþjónusta við
íbúana þarf að vera inni í hverfun­
um. Við viljum leggja aukna áherslu
á frístundaakstur til þess að auð­
velda börnum og unglingum að
sækja íþrótta­ og tómstundastarf og
þannig minnka bílaumferð, spara
tíma og draga úr streitu hjá barna­
fjölskyldum. Við viljum útvíkka gildi
frístundakortsins sem Framsóknar­
flokkurinn kom á með því að leyfa
samnýtingu þess milli systkina. Það
þarf að auka fjármagn til leik­ og
grunnskóla með því að forgangsraða
í fjármálum borgarinnar og tryggja
börnunum okkar þá þjónustu sem
þau eiga rétt á. Foreldrar fatlaðra,
misþroska og einhverfra barna þurfa
að hafa lögbundið val um skóla líkt
og á við um önnur börn, samanber
almenna skóla á móts við t.d. Kletta­
skóla. n
Sveinbjörg Birna Sveinbjörnsdótt-
ir og Guðfinna Jóh. Guðmundsdóttir
skrifa. Þær skipa 1. og 2. sæti á lista
Framsóknar og flugvallarvina
Verðlaun fyrir framtaksleysi?
S
kemmtilegri – en nokkuð ró­
legri – kosningabaráttu er að
ljúka. Á laugardag er kjör­
dagur. Umræðan hefur ein­
kennst af því að Reykjavík
stendur að mörgu leyti vel. Það hefur
verið kærkomin ró yfir stjórn borg­
arinnar á liðnu kjörtímabili. Ég er
stoltur af því að við leystum farsæl­
lega úr afleitri stöðu Orkuveitunnar,
atvinnuleysi hefur minnkað hratt og
við höfum komið fjármálum borgar­
innar á lygnan sjó. Við höfum spar­
að, sýnt ábyrgð og tryggt stöðugleika
við stjórn borgarinnar. Við höfum
tekið sundlaugarnar okkar í gegn
og lýðheilsumálin fastari tökum.
Hjólreiðar og útivist eru að eflast og
mun fleiri borgarbúar nýta nú þjón­
ustu Strætó. Hugmyndir borgarbúa
hafa fengið að njóta sín eins og sést í
framkvæmdum í öllum hverfum. Og
framtíðarsýnin sem birtist í nýju að­
alskipulagi er mikilvægt leiðarljós til
að gera góða borg betri.
Að stjórna borg snýst fyrst og
síðast um þetta, að auka lífsgæði
borgar búa í öllu sem við gerum.
Húsnæðismálin eru númer eitt
Næstu ár verða mjög mikilvæg.
Leigumarkaðurinn er í ólestri og við
þurfum að hefja byggingu 2.500–
3.000 nýrra leigu­ og búseturéttarí­
búða á næstu þremur til fimm árum.
Því vil ég koma í verk í góðu samstarfi
við reynslumikla aðila eins og Bú­
seta, Félagsstofnun stúdenta, verka­
lýðshreyfinguna og Félagsbústaði.
Við þurfum að bæta kjör barnafjöl­
skyldna og horfa á það sem skiptir
þær mestu máli, aðbúnað barnanna
okkar og menntun í skólum, leik­
skólum og frístundastarfi. Við þurf­
um að stuðla að jöfnum tækifærum
allra Reykvíkinga, fatlaðra og ófatl­
aðra, hinna eldri og hinna yngri,
innfæddra sem aðfluttra í öllum
hverfum og um alla borg. Reykjavík
á að vera lífsgæðaborg fyrir alla, eða
eins og Jón Gnarr orðaði það svo fal­
lega: Alls konar borg, fyrir alls kon­
ar fólk.
Ég hvet alla til að mæta á kjör­
stað. Ég mun gera mitt allra besta til
að standa undir trausti borgarbúa
fái ég umboð til að leiða stjórn borg­
arinnar næsta kjörtímabil. n
Ég hvet þig til að kjósa
S
tefna Vinstri grænna gengur
út á að bæta samfélagið.
Réttlátt og friðsælt samfélag
í sátt við umhverfi og náttúru
er okkar markmið.
Vinstri græn hafa kynnt aðgerðir
til að sporna gegn fátækt og tryggja
börnum jöfn tækifæri til menntun­
ar óháð efnahag foreldra þeirra. Með
því að afnema gjaldheimtu vegna
leikskóla, skólamáltíða og frístunda­
heimila aukum við ráðstöfunartekj­
ur barnafjölskyldna, viðurkennum
leikskólann sem fyrsta skólastigið og
stuðlum að félagslegu réttlæti.
Stöndum vörð um
almannaþjónustu
Vinstri græn munu standa vörð
um almannaþjónustuna og eigur
almennings. Borgin á að bjóða
upp á fjölbreytta og góða þjón­
ustu í samræmi við þarfir og vilja
borgarbúa, án aðkomu einkaað­
ila. Stöndum með starfsfólki borg­
arinnar, bætum kjör og aðstæður
til starfsþróunar. Grunnþjónustan
á að vera rekin í þágu almennings
en ekki í hagnaðarskyni af einka­
aðilum.
Vinstri græn leggja þunga
áherslu á húsnæðismál. Það
verður að jafna aðstöðumun leigj­
enda og eigenda húsnæðis með
aðgerðum borgarstjórnar. Til þess
þarf að stuðla að uppbyggingu
leigu­ og búseturéttaríbúða á fé­
lagslegum grunni, mögulega
með aðkomu borgarinnar. Auk
þess þarf að mæta biðlistum eftir
félagslegu húsnæði og hækka
húsaleigubætur.
Vinstri græn líta á það sem
skyldu borgarbúa að bregðast við
loftslagsbreytingum af manna­
völdum. Borgarstjórn verður að
stuðla að ábyrgari lifnaðarháttum,
minni neyslu og sóun, breyttum
samgönguháttum og miklu
ábyrgari auðlindanýtingu. Vinstri
græn munu hafa þetta að leiðar­
ljósi í allri stefnumótun og ákvarð­
anatöku á vettvangi borgarinnar.
Mannréttindi og frelsi virt
Vinstri græn leggja höfuðáherslu á
að mannréttindi og frelsi borgarbúa
séu virt. Hugmyndafræði sem gengur
gegn mannréttindum og elur á ras­
isma er beinlínis hættuleg og á ekk­
ert erindi í pólitík. Allir borgar búar
eiga að njóta sömu réttinda, frelsis og
tækifæra, um það verða ekki gerðar
málamiðlanir af okkar hálfu.
Atkvæði greitt Vinstri grænum er
í þágu réttlætis í Reykjavík. Vinstri
græn hafa skýra sýn og kjark til að
fylgja henni eftir. Vinstri græn eru
reiðubúin til að stíga róttæk en
nauðsynleg skref til í átt að betra
samfélagi, komumst við í aðstöðu til
þess á næsta kjörtímabili. Betra sam­
félag er raunhæft markmið. n
Betra samfélag er raunhæft markmið
Dagur B. Eggertsson
oddviti Samfylkingarinnar í Reykjavík
Kjallari