Dagblaðið Vísir - DV - 30.05.2014, Page 40

40 Skrýtið Sakamál Helgarblað 30. maí –2. júní 2014
Lögregluþjónn
skaut ræningja
Fyrrverandi lögregluþjónn hjá
lögreglunni í New York, Derek Bis-
hop, skaut 18 ára mann, Manuel
Ocampo, til bana eftir að sá síð-
arnefndi reyndi að ræna hann.
Atvikið átti sér stað aðfaranótt
þriðjudags í Brooklyn.
Tveir menn, þar á meðal
Ocampo, gengu að bifreið Dereks
og freistuðu þess að stela henni.
Drógu þeir upp byssu og voru
ógnandi í framkomu, að sögn
Dereks. Segir Derek við banda-
ríska fjölmiðla að hann hafi rétt
Ocampo það litla sem hann var
með á sér, en Ocampo hafi verið
ósáttur við það og sagst ætla að
skjóta hann í höfuðið. Bishop,
sem var á vakt sem öryggisvörð-
ur umrætt kvöld, var fyrri til og
dró upp skammbyssu sem hann
var með á sér. Tvö skot hæfðu
Ocampo og lést hann af sárum
sínum á sjúkrahúsi skömmu síðar.
„Það er ömurleg tilfinning að
skjóta mann en ég vildi sjá börnin
mín og eiginkonu mína aftur. Ég
vildi ekki deyja,“ segir Derek.
Refsað fyrir
morð sem var
framið 1981
Dómstóll í New York hefur dæmt
65 ára karlmann, Bartolomeo
Vernace, í lífstíðarfangelsi fyrir
að skjóta tvo til bana árið 1981.
Vernace tilheyrði hinni alræmdu
Gambino-mafíu en skotárásin
átti sér stað á bar í Queens.
Ástæða árásarinnar var sú að
barþjónn á staðnum missti glas
yfir kjól kærustu Vernace á þeim
tíma. Starfsmenn barsins, Ric-
hard Godkin og John D'Agnese,
reyndu að ná sáttum vegna þessa
en ekki fór það betur en svo að
þeir voru báðir skotnir til bana.
Myrtur fyrir að
fara lengri leið
Sextán ára unglingur frá Penn-
sylvaníu í Bandaríkjunum skaut
leigubílstjóra til bana á dögun-
um. Ástæðan er sú að hann taldi
bílstjórann vera að svindla á sér
með því að fara lengri leið en
hann þurfti að fara. Unglingur-
inn, Aazis Richardson, var hand-
tekinn skömmu eftir morðið sem
átti sér stað síðastliðið föstudags-
kvöld. Sagði Richardson þegar
hann var handtekinn að bílstjór-
inn hefði virt athugasemdir hans
að vettugi og haldið áfram að fara
ranga leið. Bílstjórinn sem um
ræðir hét Vincent Darbenzio og
hafði starfað sem leigubílstjóri í
rúman mánuð.
L
ítið vissi Bobbie Roberts
hver framvinda mála yrði
þegar hún leitaði aðstoðar
lögfræðingsins Steve
Keeney til að innheimta líf-
tryggingu dóttur sinnar, Deönu
Wild, á sumarmánuðum 1987.
Deana Wild hafði hrapað til
bana í Big Sur, vinsælum ferða-
mannastað í Kaliforníu, 2. apríl,
en þar hafði hún verið á ferð með
hjónum, Virginíu og Billy Joe
McGinnis. Bobbie hafði keypt líf-
tryggingu upp á 2.500 Bandaríkja-
dali fyrir dóttur sína, til að eiga í
handraðanum ef í harðbakkann
slægi. Hún hafði árangurslaust
reynt að fá líftrygginguna greidda
en tryggingafélagið þrjóskaðist
við, án skýringa.
Úrskurðað sem slys
Hin sorgmædda móðir snerti ein-
hvern streng í Steve Keeney og
augljós fátækt hennar gerði það
að verkum að hann ákvað að veita
henni liðsinni sitt.
Þrátt fyrir að allt umleikis dauða
Deönu benti til slyss, sem hafði
reyndar verið niðurstaða lögreglu
á sínum tíma, komst Steve fljót-
lega að ýmsu sem ekki kom heim
og saman.
Lögregla hafði ekki eytt tíma í að
taka ljósmyndir á vettvangi, enda
hafði Virginía lofað að senda þeim
myndir sem hún hafði tekið. Það
gerði hún aldrei, en sendi þær þess
í stað til móður Deönu – myndirnar
sýndu Deönu brosandi skömmu
áður en hún hrapaði til bana.
Myndir frá krufningu Deönu
vöktu einnig áhuga Steve, en þær
sýndu hruflaðar hendur og brotnar
neglur, sem benti til þess að Deana
hefði hangið á höndunum í ör-
væntingarfullri tilraun til að bjarga
lífinu.
Steve brettir upp ermar
Í mars 1988 var að renna út frestur
sem Steve hafði til að höfða mál á
grundvelli manndráps. Hann lagði
fram vitnisburð fólks sem hafði hitt
Deönu og McGinnis-hjónin við Big
Sur en samkvæmt þeim vitnisburði
var Virginía missaga; hún ýmist
sagði Deönu vera dóttur náins vin-
ar eða verðandi tengdadóttur.
Einnig komst Steve að því að
Virginía hafði líftryggt Deönu fyrir
35.000 Bandaríkjadali daginn áður
en hún hrapaði til bana; fyrsti rétt-
hafi var sonur hennar frá fyrra
hjónabandi, Joe Coates, en Virginía
sjálf var annar rétthafi.
Þrátt fyrir þessar upplýsingar
höfnuðu yfirvöld í Monterey-sýslu
að leggja fram kæru á hendur
Virginíu, vegna skorts á sönnunar-
gögnum. Steve sá fram á að þurfa
að grafa dýpra og við þann gröft
komst hann að ýmsu úr fortíð
Virginíu sem ekki þoldi dagsbirtu.
Og bálið brennur
Keeney komst að því, til að byrja
með, að Deana var gift Jay nokkrum
Wild. Þau höfðu gengið í það
heilaga 1985 en Jay var í sjóhernum
og langar fjarvistir höfðu tekið sinn
toll í sambandi þeirra. Engu að síð-
ur hafði Deana vonað að þau gætu
náð saman að nýju.
McGinnis-hjónin höfðu gert sér
dælt við Deönu og þrábeðið hana
að búa hjá þeim, og að lokum lét
hún undan – reyndar hafði hún
á orði við systur sína að McGinn-
is-fjölskyldan væri hálf undarleg.
Steve átti síðar eftir að komast að
því að mat Deönu var rétt svo ekki
væri meira sagt.
Steve rakti sögu Virginíu til
Íþöku í New York þar sem hún
fæddist 1932. Hún kynntist fyrsta
eiginmanni sínum, Richard Coates,
þegar hún barðist við elda í vel
tryggðri hlöðu föður síns.
Richard og Virginía eignuðust
tvo syni, en Virginía hafði lítinn
áhuga á sonum sínum, var enda
önnum kafin við að innheimta
tryggingafé vegna elda sem virtust
kvikna lon og lon við heimili hjón-
anna. Að lokum varð Coates nóg
boðið og skildi við Virginíu.
Fleiri eldsvoðar og dótturdauði
Virginía flutti heim til föður síns og
skömmu síðar fuðraði það upp og
fylgdi eldsvoðanum fjárhagslegur
ávinningur. Í reynd virtist sem öll
heimili Virginíu væru einstaklega
eldfim – vel tryggð.
Árið 1972 dó þriggja ára dóttir
Virginíu. Henni hafði tekist að flækja
reipi um hálsinn, á heimili þeirra
í Louisville í Kentucky. Dauðsfall-
ið var úrskurðað sem slys og virtist
engum sem að rannsókninni komu
undarlegt hvernig þriggja ára stúlku
tókst að binda reipi í bjálka sem var
í 240 sentimetra hæð, enda hafði
Virginía skorið dóttur sína niður
áður en lögreglu bar að. Virginía
fékk greidda líftryggingu dóttur
sinnar.
Þegar þarna var komið sögu var
Virginía gift Sylvester „Bud“ Rear-
den. Hann fékk krabbamein 1974
og tókst Virginíu að telja heilbrigð-
isyfirvöldum trú um að hún væri
hjúkrunarfræðingur og því vel fær
um að annast eiginmanninn heima
fyrir. Bud fór yfir móðuna miklu og
enn og aftur átti Virginía erindi í
tryggingafélagið.
Málalyktir
Skömmu áður en Deana mætti
örlögum sínum hafði Virginía sinnt
veikri móður sinni, en allt kom fyr-
ir ekki; móður hennar varð ekki lífs
auðið.
Með þetta í farteskinu tókst
Steve Keeney að leggja fram kæru
á hendur Virginíu tveimur dögum
áður en frestur til þess rann út.
Þrátt fyrir að móttaka tvær stefn-
ur lét Virginía ekki sjá sig og tókst
Keeney að telja yfirvöld í San Diego
á að kæra Virginíu fyrir morð, ekki
síst í ljósi þess að líftrygging Deönu
hafði verið keypt í þeirra umdæmi.
Þá hafði einnig komið í ljós að
Deana hafði innbyrt þunglyndis-
lyf skömmu fyrir dauða sinn. Um-
ræddu lyfi hafði ekki verið ávísað til
Deönu heldur Billys Joe Mc Ginnis,
skömmu fyrir dauða Deönu.
Virginía og Billy Joe, sem þá
voru skilin, voru ákærð fyrir morð,
en Billy Joe dó í fangelsi, úr al-
næmi, áður en réttarhöld hófust
yfir honum. Virginía hins vegar
var sakfelld, 30. mars 1993, og
fékk lífstíðardóm án möguleika á
reynslulausn. n
n Margt kom upp úr kafinu við rannsókn á dauða Deönu Wild„Virginía hafði lítinn
áhuga á sonum
sínum, var enda önnum
kafin við að innheimta
tryggingafé vegna elda.
Morðóður
brennuvargur
Með Billy Joe
Deana virðist vera
afslöppuð með Billy
Joe, enda sennilega
undir áhrifum lyfja.
Á brúninni Billy Joe
með hönd á baki Deönu,
kannski rétt áður en hann
ýtti henni fram af.